قصيدة شعرية أمازيغية..أرگان دوفگان (حوار بين شجرة أركان والإنسان)

ارگان دوفگان

نداسو درار اتيد نك اميل اوفيخن
اركان دوفگان مناگرن ارسان اتاي
تلي تاقورت گابلختن ماكاتنين

انايس ورگان

ارگان ادگيخ نبيد رسوم انو اسليخ
الفين عام دييگينس نكات نسافوت
نشرك ازغر نكي دوفگان اخارلموت
گيخن ايخف ايگناگاين الاياشقور
اولااكوراي كرادلكمن اريسوسوس
اغاض اغليد اريگينخ اريي اسوموم
اولايارعام غينا غيزري ارتن اسوكوت
اريتاگر مادرزان ماسول اقامان
اوتي سوگناگاي نجوبك ستاقايين
اراك اكاخ دوا غون امون اسافار
كي كاخ اگجابيتن اسول اورنسول

انايس افگان

هاك اوا ستگنتافين داتفلت ايشاقور
غسا توگل ابلزيز اركافلي توفنت
مياد اجران الاگيم الم واقور
اكاتين يان ازمز اوركنتاك اري يان
اساكاسيم سرغاخ ترمت الا امان
اغام اقور افر ديم اكاخ اشاقور

انايس ورگان

ازمزان تنيت ادا سواكال اسيموت
مداك اضهرن ختاگانت اساتمقورنت
دوارد اتزرت اداگنخ اروكان اخلف
بيكسن ارگازندا غيسافارن تلام
اويناكد لمشروع اصحان ارلملكنك
زان اركان ختاگانت ولاتلاتين
سكرناس امشارضو ارفلاس اسوتول
اضيفانضي يان اگيسن اكس تيكروين
اولايارعام غينا ديكا تحصارمتين
اولا ييران اتيبي تسرحتاس اووون
تاويتن زدار لقاضي ايزرتيماتارين
ياويد لخبار نترگانت استلاثمان

انايس اوفگان

اوهوي اسراكم گابلخ ارام نسوتول
ناقص لابزار اگوتداخ ميناتينيت
اگايامداوكان ربي توتمين نسوس
نتنتا اكنت اسمغورن اما ترفوفنت
لحاصيل هاياخ ندا انروح اراكم فلخ
امين اديبان ربي كلو تيفاوين

انايسن اغريب

اهوي ارتاراتدوت شور سليات
ادك امل ربي غيد لكمنت تگنتافين
امم المتحدة دويليت ايوالان
اميا وربعطعشر دولة كلو نناخ
اعشرا غماي نرا ادسنسكر تاريخ
اد اگان ون ابدان ايرسرس نفرح
ارگان ايگان سبابنس نتان افيترس
ليوم لعالمي گاناس شرفنس
اگاتن كلو توگاس ياوس يان ايان
اداگ ارگان اتيد ارلكمن ارافان
ايري زمان غويدانو الانين اوال.
اديتاگان ستمازيرت اورتنكا لاح
مدن هان اساكا گنون ستفالاتين
اشريگ اماغيدا ار ح اوراك نتلن