ⵜⴰⴱⵔⴰⵜ ⵉⵕⵥⵎⵏ ⵉ ⵓⵙⵍⵡⴰⵢ ⵏ ⵜⵖⵉⵡⴰⵏⵜ ⵜⴰⴷⵖⵔⴰⵏⵜ ⵏ ⵓⴳⴰⴷⵉⵔ

ⵜⴰⴱⵔⴰⵜ ⵉⵕⵥⵎⵏ ⵉ ⵓⵙⵍⵡⴰⵢ ⵏ ⵜⵖⵉⵡⴰⵏⵜ ⵜⴰⴷⵖⵔⴰⵏⵜ ⵏ ⵓⴳⴰⴷⵉⵔ
رسالة مفتوحة إلى رئيس الجماعة الترابية لأكادير
ⴰⵙⵏⵜⵍ : ⵜⵉⵎⵙⵎⵓⵏⵉⵏ ⵏ ⵉⵎⵖⵔⵉⴱⵉⵢⵏ ⵉⵎⵣⵡⴰⴳⵏ ⴳ ⵜⵎⵉⵣⴰⵔ ⵏ ⵓⵕⵓⴱⴱⴰ ⴳⴰⵏⵜ ⵎⴳⴰⵍ ⵏ ⵜⵎⴰⵜⴰⵔⵜ ⵜⴰⵎⴰⵢⵏⵓⵜ ⵏ ⵓⴳⴰⴷⵉⵔ

ⵎⴰⵙⵙ ⴰⵙⵍⵡⴰⵢ ⵏ ⵓⵙⵇⵇⵉⵎ ⴰⴳⵔⴰⵡⴰⵏ ⵏ ⵓⴳⴰⴷⵉⵔ,
ⵜⴰⵔⴰⴱⴱⵓⵜ ⵏ ⵜⵎⵙⵎⵓⵏⵉⵏ ⵏ ⵉⵎⵖⵔⵉⴱⵉⵢⵏ ⵍⵍⴰⵏⵉⵏ ⴳ ⵜⵎⵉⵣⴰⵔ ⵏ ⵓⵕⵓⴱⴱⴰ, ⴰⵔ ⴰⵡⵏ ⵜⴻⵜⵜⵉⵏⵉ, ⵙ ⵡⴰⵙⵙⴰⵖ ⵏ ⵉⵏⴰⵎⵓⵔⵏ ⵉⵎⵖⵔⵉⴱⵉⵢⵏ ⵍⵍⵉ ⵣⵓⴳⵏⵉⵏ ⵖ ⵜⵎⵉⵣⴰⵔ ⵏ ⵓⵓⴱⴱⴰ, ⴳⵏ ⵜⴰⵔⵡⴰ ⵏ ⵜⵉⵖⵔⵎⵜ ⵏ ⵓⴳⴰⴷⵉⵔ ⴷ ⵜⵙⴳⴳⵯⵉⵏ ⵏⵏⵙ, ⵎⴰ ⵙ ⴳⴰⵏ ⵎⴳⴰⵍ ⵏ ⵓⵙⵏⴼⴰⵕ ⵏ ⵜⵎⴰⵜⴰⵔⵜ ⵜⴰⵎⴰⵢⵏⵓⵜ ⵍⵍⵉ ⵜⵙⴽⵔⵎ ⵜⵉⴳⴰⵔⵡⵉⵏ ⴰⴷ ⵉ ⵜⵖⵔⵎⵜ ⵏⵏⵖ, ⵜⵉⵔⵉⵎ ⴰⴷ ⵜ ⵏⵏ ⵜⵙⵔⵙⵎ ⵉ ⵓⵙⵇⵇⵉⵎ ⴰⴷ ⵜ ⵉⵣⵣⵔⵉ.
ⵜⴰⵎⴰⵜⴰⵔⵜ ⵍⵍⵉ ⵔⴰⴷ ⴷ ⵉⵎⵎⴰⵍⴰ ⵜⴰⵎⴰⴳⵉⵜ ⵏ ⵓⴳⴰⴷⵉⵔ, ⵉⵇⵇⴰⵏ ⴷ ⴰⴷ ⵏⵏ ⴳⵉⵙ ⵏⵜⵜⴰⴼⴰ ⵓⴷⵎⴰⵡⵏ ⵉⵖⵔⵎⴰⵏⵏ ⵏ ⵜⵖⵔⵎⵜ ⵏⵏⵖ, ⵙⵍⴰⵡⴰⵏ ⴰⴽⴽⵯ ⵉⵎⴰⵣⵉⵖⵏ, ⵉⴷⵍⵙⴰⵏⵏ, ⵉⴷⴰⵎⵙⴰⵏⵏ (ⵉⵎⴰⵏ ⵏ ⵜⵎⵙⵙⵏⵜⵉⵜ), ⴷ ⵉⵙⵏⵉⵍⵙⵏ (ⵜⵉⴼⵉⵏⴰⵖ), ⵍⵍⵉ ⴰⴽⴽⵯ ⵉⵚⵚⴽⴰⵏ ⵜⴰⵎⴰⴳⵉⵜ ⵉ ⵜⵉⵖⵔⵎⵜ ⴰⴷ.
ⵏⴻⵏⵏⵓⵔⵣ ⵜⴰⴱⵔⴰⵜ ⴰⴷ , ⴷ ⵜⵉⵢⵢⴰⴹ ⵍⵍⵉ ⴰⴽⴽⵯ ⵉⵣⴷⵉⵏ ⴷ ⵜⵎⴰⵜⴰⵔⵜ ⵏ ⵓⴳⴰⴷⵉⵔ, ⴰⴷ ⴰⵙⵏⵜ ⵜⵙⵙⴼⵍⴷⵎ, ⵜⴰⵡⵉⵎ ⵜⵜ ⴳⵉⵙⵏⵜ, ⵜⴷⵓⵍⵎ ⵏⵏ ⵙⵉⵙⵏⵜ.
ⴰⵔ ⵜⵉⵣⵉ ⴰⵏⵏ ⵎⴰⵙⵙ ⴰⵙⵍⵡⴰⵢ, ⴰⵔ ⴰⵡⵏ ⵏⵜⵜⴰⵣⵏ ⵉⵙⵙⵢⴰⴼⴰⵜⵏ ⵏⵏⵖ ⵏ ⵓⵣⵔⴰⴽ ⴰⵡⵏ ⵉⵜⵜⴰⵡⵥⵍⴰⵢⵏ.
ⵜⴻⵜⵜⵢⴰⵔⴰ ⴳ ⴱⴰⵔⵉⵣ ⴰⵙⵙ ⵏ 04 ⴽⵟⵓⴱ 2020
ⵜⵉⵎⵙⵎⵓⵏⵉⵏ ⵉⵙⴳⵎⴹⵏ :
– Agraw n Bariz (Paris/France)
– Agraw (Lille/France)
– AMAF (Orleans/Lille)
– Amistad Marroquí Gallego (Santiago de Compostela / Espagne)
– Almobadara Alhorra (Marbella/Espagne)
– Assemblée Mondiale Amazigh (Bruxelles/Belgique)
– Coordination Akal Europe (Paris/France)
– Franco-Amazigh (Mulhouse/France)
– Horizon Sud (Argenteuil/France)
– Imdoukkal n Souss (Bruxelles/Belgique)
– Tamaynut France (Clichy/France)
– Tamounte STG (Waregem/Belgique)
– Tifawin (Bruxelles/Belgique)
– Tiwizi59 (Lille/France)