ممثل الترات الوداد يسلم ظرفا لكل الاعبين قبل التوجه الى تونس،هذا محتواه
حقق هاشتاغ “جيبوها” انتشارا واسعا في مواقع التواصل الاجتماعي، وهو دلالة علة قدرة فريق الوداد البيضاوي، على انتزاع اللقب الأفريقي من قلب تونس.
الهاشتاغ، أطلق مرفوقا بهاشتاغ آخر تحت عنوان “جيبوها يا الأولاد، لا جيبوها يا الرجال”، وكان إلترات الوداد الرياضي، قد خصصت حفل وداع للفريق الأحمر بمطار محمد الخامس بالدار البيضاء مساء أمس الأربعاء 29 ماي الجاري، وهو يتوجه لتونس لملاقاة فريق الترجي التونسي ضمن نهائي إياب عصبة الأبطال الأفريقية.
وفي خضم هذه الاحتفالات، سلم ممثل إلترات الوداد، أظرفة لكل لاعبي الفريق الأحمر تضمن مايلي:
“وصلنا لنهاية الموسم، ووصلنا فيه لأبعد نقطة ممكنة. حنا على بعد خطوات قليلة من أننا نبصموا مجتمعين على واحد من أفضل المواسم.
صحيح أن البدايات كانت غير مبشرة بالمرة، تقصينا من العصبة الفايتة ضد وفاق سطيف نهار 9/21 وثلاثة أيام موراها لقيتونا حاضرين معكم ضد أهلي طرابلس فكأس العرب. تقصينا موراها من كأس العرش نهار 11/2 ضد نهضة بركان وموراها بأقل من سيمانة مشيتو لتونس ولقيتونا تابعينكم تال تما، وعاود تقصينا وكان هذاك هو الإقصاء الثالث فأقل من شهرين على انطلاق الموسم.
ما نزلناش يدينا وحتى نتوما مانزلتوش يديكم، بقينا مجموعين العام كامل، ماتش بماتش، جولة بجولة، دور بدور، واليوم الحمد لله هاحنا فين وصلنا.
هادوك الإخفاقات كاملين ماصوروا منا والو ورجعنا أقوى من قبل، واليوم حنا غا نسولوا راسنا ونسولوكم حتى نتوما: واش ماتش الإياب هو اللي غايوقفنا؟ واش ماتش الإياب هو اللي غا يخلعنا؟
الجواب طبعا هو لا، حنا عارفين قادين تجيبوها، وعارفين غاتجيبوها إن شاء الله، وحتى إلا ماجاتش راها غاتلقاونا حاضرين معاكم الماتش لي موراها، ولكن غا تجي إن شاء الله ونزيدو فرحة على فرحة الماتش لي موراها.
جيبوها يا الأولاد، لاجيبوها يا الرجال”
اكتشاف المزيد من azulpress.ma
اشترك للحصول على أحدث التدوينات المرسلة إلى بريدك الإلكتروني.
التعليقات مغلقة.