زجل: “مشموم النوار” الشاعرة سعيدة سرسار
ياراسي يا لهبيل
واش بغيتي زين لمحابق
وخارج تجمع النوار بالليل
عماك الظلام يا مسكين
ما فرزتي لحبق من بوقنينة
ما بعدت لحدج ع لياسمينة
مفرقتي بين الورد البلدي وبلعمان
غراتك الدفلة يالهبيل
يا لحاطب بالليل
وفضلتيها ع الريحان
تلهفتي ع الحنظل ورميتي السوسان
شحال تصدمتي يا راسي
ملي طلع عليك ضي النهار
وعرفتي اش جمعتي ف مشموم النوار
لقيتي غير الشوك ولمرار
وللي ظنيتيه يجملك
قبحك بشوكو وجرعك قساوتو
وتشفى فيك مزيان …
ونت تعاني وسط النيران
بقلمي الشاعرة سعيدة سرسار
تحرير سعيد الهياق