جيل التشرميل ( شعر )
كل زمان و ليه ناسو
هذا زمان ما عرفنا راسو من ساسو
طلع جيل ماليه مثيل
جيل الحيحة قالو و التشرميل
ما عرفناه واش أحمق ولا هبيل
واحد مزوق لحمو بلون الطيف
واحد شاهر سكين و سيف
مابقات حشمة يا لطيف
براكة علينا من التخاريف
ربي كرم بنادم على الحيوان
شبان ضاعوا
مشاو فطريق بلا عنوان
جمعو روسكم يا الأولاد
العديان باغين إخربو البلاد
حاطين يديهم على الزناد
براكة من العناد
أنا عارف كلامي صرخة في الواد