الناقد مجد الدين سعودي في قراءة نقدية لقصيدة شهوة السؤال للشاعرة نجاة درواش…
متابعة سعيد الهياق
تفتحت شهية لسؤال
جوابو فيد إنسان
كان وباقي يسال
يسال
حلى حقو فالحياة
يسال
على وجودو بين الايام
يسال
على حالو بين الاحوال
يسال
يرقع خطوة
يهبط واقف
يطلع نازل
فطريق الهبالالزجل
يسال
واش باقي فالليل
ما يبرد جمار الكية
واش باقي فالعقل
شي نقشة
حفات ليها الجرية
حبست بين سطورها
جدبة موال ولا بكية
عين وحدة مكفياش
ساعة وحدة مكفياش
نفس وحدة كتشهق
بزاف على العقل باش يشرق
يزرع يحصد يدري
يحفر فدم القصيدة يسري
قصيدة شاربة موج بحر
خارجة من فصول عمر
مربعة على عروش سطر
قصيدة كدات ودكات
على الحواس وتر
سميتها سعدي
زادي فالسفر
علمت حروفي
كيف تغزل ترابي
كيف تعاود ولادتي
وتفيض خميرتي جمر
نشوف الكمرة بلا حجاب
السما بلا سحاب
نكون ظلي إلا غاب
بعين ميكة
وعين ساهتة
نشوف الليل بعين ثالثة
يضحك الفجر فوجهي
تفهمني القصيدة
علاش انا زجالة
تسال
وباقة فالحرف تسال.
التعليقات مغلقة.