الصفحة الرئيسية

ⵓⴷⴷⵓⵔ ⵏ ⵓⵎⵢⴰⵡⴰⵙ ⴷ ⵓⵏⴰⵥⵓⵕ ⴰⵎⵇⵔⴰⵏ ⵕⵕⴰⵢⵙ ⵃⵎⴰⴷ ⴱⵉⵢⵣⵎⴰⵡⵏ ⴳ ⵜⴰⵙⵙⴰⵙⵜ ⵏⵏⵙ ⵜⴰⴷⵓⵙⴰⵏⵜ

نبل التضامن مع الفنان الكبير الرايس حماد بيزماون في محنته الصحية

ⵙ ⵜⵙⵏⵜⴰⵢⵜ ⵏ ⵜⵓⴳⵜ ⵏ ⵉⵏⴰⵥⵓⵕⵏ ⴷ ⵓⵎⵢⴰⵡⴰⵙ ⴰⴽⴷ ⵜⴰⵙⵖⵓⵏⵜ ⴰⵏⵜⵜⴰⴳ ⵏ ⵡⴰⵎⵓⵏ ⴷ ⵜⴰⵇⵀⵡⴰⵜ ⵜⴰⴷⵍⵙⴰⵏⵜ ⴰⵎⴰⵣⵉⵖ ⴽⴰⴱⵔⵉⵙ… ⵔⴰⴷ ⴼⴽⵉⵏ ⵉⵏⴰⵥⵓⵕⵏ ⴰⴷ ⵜⵓⴳⵜ ⵏ ⵜⴼⵉⵍⵉⵏ ⵏⵏⵙ ⵉ ⵓⵏⴰⵥⵓⵕ ⴰⵎⵇⵔⴰⵏ ⵕⵕⴰⵢⵙ ⵃⵎⴰⴷ ⴱⵉⵢⵣⵎⴰⵡⵏ ⵍⵍⵉ ⵉⴳⵯⵏⵏ ⵙ ⵓⵙⵔⴰⴳ ⵏ ⵜⵎⴰⴹⵓⵏⵜ ⴳ ⵢⴰⵜ ⵜⵙⴷⵓⵙⵉⵜ ⴳ ⵓⴳⴰⴷⵉⵔ.
ⵜⵉⴼⵉⵍⵉⵏ ⴰⴷ ⵔⴰⴷ ⵜⵜⵓⴼⵙⴰⵔⵏⵜ ⵉ ⵜⵎⵏⵣⵉⵡⵜ ⴳ ⵜⵇⵀⴰⵡⵜ ⵏ ⴽⴰⴱⵔⵉⵙ, ⴷ ⵔⴰⴷ ⴼⵜⵓ ⵡⴰⵜⵉⴳ ⵏⵏⵙⵏⵜ ⵙ ⵓⵎⵉⴹⴰⵏ ⵏ ⵓⵏⴰⵥⵓⵕ ⴰⵎ ⵜⴰⵎⴰⵜⴰⵔⵜ ⵏ ⵜⵡⵉⵙⵉ ⴳ ⵜⴰⵙⵙⴰⵙⵜ ⵍⵍⵉⴳ ⵉⴷⴷⵔ… ⴷ ⵜⵓⵙⴰ ⴷ ⵜⵙⵏⵜⴰⵢⵜ ⴰⴷ ⵜⴰⵏⴼⴳⴰⵏⵜ ⵜⴰⵏⵎⵢⴰⵡⴰⵙⵜ ⵙⴳ ⴷⴰⵔ ⵉⵎⴷⴷⵓⴽⴽⴰⵍ ⵏ ⵓⵏⴰⵥⵓⵕ ⴳ ⵜⵙⵏⵜⴰⵢ ⵢⴰⴹⵏ ⵍⵍⵉ ⴳⴳⵏⵜ ⵜⵙⴳⴳⵉⵡⵉⵏ ⵜⵉⵎⴰⴷⴷⵓⴷⵉⵏ ⴷ ⵜⵓⵖⵔⵉⵎⵉⵏ… ⴳⵏⵜ ⴰⴽⴽⵯ ⵜⵉⵙⵏⵜⴰⵢ ⴷⴰ ⵢⵓⴽⵍⴰⵍⵏ ⴰⵙⵎⵖⵔ ⴷ ⵓⵣⵔⴰⴽ ⴷⴰ ⵉⵎⵎⴰⵍⵏ ⵜⵉⵖⴰⵔⵉⵡⵉⵏ ⵏ ⵉⵎⵖⵔⵉⴱⵉⵢⵏ ⴳ ⵜⵏⴰⵍⵉⵜ ⵏ ⵓⵏⴰⵥⵓⵕ ⴷ ⵓⵎⵢⴰⵡⴰⵙ ⴰⴽⵉⴷⵙ ⴷ ⴰⵢⵜ ⵜⵡⵊⴰ ⵏⵏⵙ.
ⵔⴰⴷ ⵢⵉⵍⵉ ⵓⵙⴼⵙⵔ ⴰⴷ ⵙⴳ ⴰⵙⵙ ⵏ ⴰⴽⵕⴰⵙ 24 ⵏⵓⵡⴰⵏⴱⵉⵔ 2021 ⴳ ⵓⵙⴰⵢⵔⵓⵔ ⵏ ⵜⵇⵀⵡⴰⵜ ⴰⵎⴰⵣⵉⵖ ⴽⴰⴱⵔⵉⵙ ⴳ ⵜⵉⵙⵙ ⵙⵎⵎⵓⵙⵜ ⵏ ⵜⴷⴳⴳⵯⴰⵜ, ⵜⴳ ⵜⵎⵍⴷⴰ ⴰⴷ ⵜⴰⵖⵓⵔⵉ ⵉ ⵡⵉⴷ ⴰⴽⴽⵯ ⵉⵔⴰⵏ ⴰⴷ ⵙⵖⵏ ⵜⵉⴼⵉⵍⵉⵏ ⵃⵎⴰ ⴰⴷ ⴰⵡⵙⵏ ⵉ ⵓⵏⴰⵥⵓⵕ ⵃⵎⴰⴷ ⴱⵉⵢⵣⵎⴰⵡⵏ ⴳ ⵜⴰⵙⵙⴰⵙⵜ ⵏⵏⵙ ⴰⴽⴷ ⵜⵎⴰⴹⵓⵏⵜ, ⴷ ⵔⴰⴷ ⵡⵓⵍⵓⵏ ⵉⵏⴱⴷⴰⴷⵏ ⵏ ⵜⵉⵍⴰⵍⵜ ⴰⴷ ⵜⵉⴽⴽⵉ ⵏ ⵓⵎⵉⴹⴰⵏ ⵏ ⵍⴱⴰⵏⴽⴰ ⵏ ⵓⵏⴰⵥⵓⵕ ⵉ ⴽⵓ ⵎⴰⴷ ⵉⵙⵖⴰⵏ ⵢⴰⵜ ⴳ ⵜⴼⵉⵍⵉⵏ ⴰⴼⴰⴷ ⴰⴷ ⵏⵏ ⴷⵉⴳⵙ ⵉⵙⵔⵙ ⴰⵜⵉⴳ ⵢⴰⵎⵥ ⵜⵉⴼⵉⵍⵜ ⵏⵏⵙ ⴳ ⵡⴰⵙⵙ ⴰⵎⴳⴳⴰⵔⵓ ⵏ ⵓⵙⴼⵙⵔ. ⵉⴳ ⵓⵏⵎⵓⵇⵇⴰⵔ ⴰⴷ ⴰⵡⴷ ⵢⴰⵜ ⵜⵎⵍⴷⴰ ⵏ ⵓⵏⵏⵓⵕⵥⵎ ⵏ ⵢⴰⵏ ⵓⵎⵙⴳⴷⴰⵍ ⵅⴼ ⵜⴱⵔⵉⴷⵉⵏ ⵏ ⵜⵏⴰⵍⵉⵜ ⵏ ⵉⵏⴰⵥⵓⵕⵏ ⴷ ⵓⵙⴱⵓⵖⵍⵓ ⵏ ⵡⴰⴷⴷⴰⴷ ⵏⵏⵙⵏ ⴰⴷⵓⵙⴰⵏ ⴷ ⵓⵏⴰⵎⵓⵏ.

اترك رد

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.