الصفحة الرئيسية

ⵎⴰⵙⵙⴰ ⴰⵎⵉⵏⴰ ⴱⵏ ⵛⵛⵉⵅ ⴳ ⵓⴱⵔⵙⵉⵔⴰ ⵏ ⵓⵏⵙⵙⵉⵅⴼ ⵏ ⵜⵏⴱⴰⴹⵜ

ⵕⴰⵛⵉⴷ ⵓⴱⴰⵖⴰⵊ

ⵜⴻⵜⵜⵓⵙⵎⴰⴳⵍ ⵜⵎⵖⵏⴰⵙⵜ ⵜⴰⵎⴰⵣⵉⵖⵜ ⵎⴰⵙⵙⴰ ⴰⵎⵉⵏⴰ ⴱⵏ ⵛⵛⵉⵅ ⵙ ⵜⵡⵓⵔⵉ ⵏ ⵓⴹⴼⴼⵓⵕ ⵏ ⵓⵙⴷⴰⵡ ⵏ ⵜⵎⴰⵣⵉⵖⵜ ⴳ ⵓⴱⵔⵙⵉⵔⴰ ⵏ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵎⴰⵙⵙ ⵄⴰⵣⵉⵣ ⴰⵅⵏⵓⵛ. ⵉⴳ ⵓⵙⵎⴰⵍ ⴰⴷ ⵜⴰⵎⴰⵜⴰⵔⵜ ⵜⴰⵅⴰⵜⴰⵔⵜ ⵅⴼ ⵜⵡⵓⵔⵉⵡⵉⵏ ⵏⵏⴰ ⵜⴻⵜⵜⴳⴳ ⵜⵎⴰⵣⵣⴰⵍⵜ ⵜⴰⵎⴰⵣⵉⵖⵜ ⴷ ⵎⴰⵙⵙⴰ ⴰⵎⵉⵏⴰ ⴱⵏ ⵛⵛⵉⵅ ⴳ ⵉⵙⴰⴽⴰⵜⵏ ⵏⵏⵙ ⴳ ⵢⵉⴳⵔ ⵏ ⵜⵖⵏⵙⴰ ⴷ ⵜⵙⵏⵖⵎⴰⵙⵜ ⵜⴰⵎⴰⵣⵉⵖⵜ, ⵉⴳ ⴰⵡⴷ ⵢⴰⵏ ⵓⵙⵓⵔⵉⴼ ⴰⵎⵇⵔⴰⵏ ⵓⵎⵏⵉⴳ ⵏⵏⴰ ⵙ ⵜⵙⵏⵜⵉ ⵜⵏⴱⴰⴹⵜ ⵜⴰⵎⴰⵢⵏⵓⵜ ⵜⵉⵥⵓⵥⴹⵜ ⵏⵏⵙ ⵃⵎⴰ ⴰⴷ ⵜⴻⵜⵜⴷⴷⵓ ⵜⵎⵙⴰⵔⵜ ⵏ ⵜⵎⴰⵣⵉⵖⵜ ⵖⵔ ⴷⴰⵜ, ⴰⵙⵓⵔⵉⴼ ⴷⴰ ⵉⵣⵎⵔⵏ ⴰⴷ ⵉⵙⵎⵓⵏ ⵜⵉⵣⵎⵎⴰⵔ ⵏ ⵓⵎⴰⵣⵣⴰⵍ ⵓⵏⴱⵉⴹ ⴷ ⵓⵎⴰⵣⵣⴰⵍ ⵓⵖⵔⵉⵎ ⴰⴼⴰⴷ ⴰⴷ ⵎⵓⵔⵙⵏ ⵉⵙⴰⵡⵓⵔⵏ ⵏ ⵓⵙⵎⵀⵍ ⵏ ⵓⴼⵔⵉⵙ ⴰⵎⴰⴷⴷⵓⴷ ⵏ ⵜⵎⴰⵣⵉⵖⵜ, ⴷ ⵓⵣⵣⵓⴳⵣ ⵏ ⵓⵙⵓⵖⵏ ⵏ ⵜⵏⴱⴰⴹⵜ ⵙ ⵎⴰⴷ ⵉⵥⵍⵉⵏ ⵙ ⵓⵙⵔⵙ ⵏ ⵜⴼⵏⵉⵇⵜ ⵏ ⵓⵙⵎⵀⵍ ⵏ ⵓⴼⵔⵉⵙ ⴰⵎⴰⴷⴷⵓⴷ ⵏ ⵜⵎⴰⵣⵉⵖⵜ.

ⵎⴰⵙⵙⴰ ⴰⵎⵉⵏⴰ ⴱⵏ ⵛⵛⵉⵅ ⵍⵃⴰⵊ ⵃⵎⴰⴷ ⵓⴳⴷⵓⵔⵜ ⵜⵍⵓⵍ ⴳ ⵜⴼⵔⴰⵡⵜ ⴷ ⵜⴰⵏⵎⵀⴰⵍⵜ ⵏ ⵓⵖⵎⵉⵙ ⴰⵎⴰⴹⴰⵍ ⴰⵎⴰⵣⵉⵖ ⴷ ⵓⵙⵉⵜ ⵏⵏⵙ ⴰⵍⵉⴽⵟⵕⵓⵏⵉ, ⵜⴳ ⵙⴳ ⵉⵎⴰⵣⵣⴰⵍⵏ ⵉⴷⵙⵍⴰⵏⵏ ⵏⵏⴰ ⵉⵙⵡⵓⵔⵉⵏ ⵙ ⵜⵓⴳⵜ ⴳ ⵓⵙⴷⴰⵡ ⵏ ⵜⵎⴰⵣⵉⵖⵜ ⴽⵕⴰⴹⵜ ⵜⵎⵔⴰⵡⵉⵏ ⴰⵢⴰ, ⵜⴳ ⵓⵍⴰ ⴳ ⵎⴰⴷ ⵉⵣⵔⵉⵏ ⴰⵏⴳⵎⴰⵎ ⵏ ⵓⵙⵇⵇⵉⵎ ⴰⵎⵙⵙⵓⴳⵓⵔ ⵏ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ ⵜⴰⵎⵣⴷⴰⵢⵜ ⵏ ⵜⵙⵇⵇⵉⵎⵜ ⵏ ⵜⵏⵖⵎⴰⵙⵜ ⴷ ⵓⵎⵢⴰⵡⴰⴹ ⴳ ⵜⵎⵔⵙⵉⵍⵜ ⵏ ⵓⵙⵉⵏⴰⴳ, ⵜⴰⵏⴳⵎⴰⵎⵜ ⵏ ⵜⵙⵇⵇⵉⵎⵜ ⵏ ⵜⵓⴳⵉ ⵏ ⵜⴱⴰⴷⵓⵍⵜ ⵜⴰⵎⴰⵣⵉⵖⵜ ⴷ ⵜⵏⴳⵎⴰⵎⵜ ⵏ ⵜⵙⵇⵇⵉⵎⵜ ⵜⴰⴳⵍⴷⴰⵏⵜ ⵉⵜⵜⵓⵙⵎⴰⴳⵍⵏ ⵙ ⵓⵙⵎⵓⵜⵜⴳ ⵏ ⵓⵙⵏⴼⴰⵕ ⵏ ⵓⵙⵍⴳⵏ ⴰⵎⵙⵓⴷⵙ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵜⵓⵜⵍⴰⵢⵉⵏ ⴷ ⵜⴷⵍⵙⴰ ⵜⴰⵎⵖⵔⵉⴱⵉⵜ, ⵎⴽⵍⵍⵉ ⵜⴳⴰ ⵜⴰⵏⵙⵙⵉⵅⴼⵜ ⵏ ⵓⴳⵔⴰⵡ ⴰⵎⴰⴹⵍⴰⵏ ⵏ ⵉⵎⴰⵣⵉⵖⵏ ⴰⵢⵢⴰⵡ ⵏ ⵍⵎⵖⵔⵉⴱ.

اترك رد

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.