ⵜⴰⵙⵓⵜⵍⵜ ⵜⵉⵙ 19 ⵏ ⵓⵏⵎⵓⴳⴳⴰⵔ ⵏ ⵜⵎⵉⵜⴰⵔ ⵜⵉⵎⵏⵢⵢⵔⵉⵏ ⴷ ⵜⴷⵍⵙⴰ
Timitar 19 - 4 et 5 et 6 et 7 juillet 2024
AGADIR _ ⴷⴷⴰⵡ ⵏ ⵓⵏⵀⵍⵍⴰ ⵢⴰⵜⵜⵓⵢⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵙⵙⵏⵔⵓ ⵕⴱⴱⵉ, ⵉⴳⴰ ⴰⴷⴷⵓⵔ ⵉ ⵜⵎⵙⵎⵓⵏⵜ ⵏ ⵜⵎⵉⵜⴰⵔ ⴰⴷ ⵜⵍⴰⵖⵉ ⵅⴼ ⵜⵙⵓⵜⵍⵜ ⵜⵉⵙ 19 ⵏ ⵓⵏⵎⵓⴳⴳⴰⵔ ⵏ ⵜⵎⵉⵜⴰⵔ ⵜⵉⵎⵏⵢⵢⵔⵉⵏ ⴷ ⵜⴷⵍⵙⴰ, ⵏⵏⴰ ⵔⴰⴷ ⵉⵜⵜⵓⵙⵏⵎⴰⵍⴰ ⴳ ⵓⴳⴰⴷⵉⵔ ⵙⴳ 4 ⴰⵔ 7 ⵢⵓⵍⵢⵓⵣ 2024. ⵔⴰⴷ ⵉⵜⵜⵡⴰⴳⴳ ⵓⵏⵎⵓⴳⴳⴰⵔ ⴳ ⴽⵕⴰⴹ ⵡⴰⵏⵙⴰⵜⵏ ⵉⵏⵎⴰⵜⴰⵔⵏ: ⴰⴱⴰⵔⴰⵣ ⵏ ⵍⴰⵎⴰⵍ, ⴰⴱⴰⵔⴰⵣ ⵏ ⴱⵉⵢⵊⴰⵡⵡⴰⵏ ⴰⵎⵣⴳⵓⵏ ⵏ ⵍⵀⴰⵡⴰ ⵟⴰⵍⵇ, ⵔⴰⴷ ⵉⵙⵙⵏⴽⴷ ⵉ ⵓⴳⴷⵓⴷ ⵢⴰⵏ ⵓⴼⵙⴰⵔ ⴰⴷⵍⵙⴰⵏ ⴰⵏⴱⵖⵓⵔ ⴰⵎⵢⴰⵏⴰⵡ.
ⵙⴳ ⵓⵙⵙⵏⵜⵉ ⵏⵏⵙ ⴰⵙⴳⴳⵯⴰⵙ ⵏ 2004, ⵉⴷⵡⵍ ⵓⵏⵎⵓⴳⴳⴰⵔ ⵏ ⵜⵎⵉⵜⴰⵔ ⵢⴰⵏ ⵓⵏⵎⵓⵇⵇⴰⵔ ⴰⴷⵙⵍⴰⵏ ⵉ ⵉⵎⴰⵔⴰⵢⵏ ⵏ ⵓⵥⴰⵡⴰⵏ ⴷ ⵜⴷⵍⵙⴰ. ⵉⵙⵏⵓⴱⴱⴳ ⴳ ⵜⵎⵙⵓⵍⵜ ⵏⵏⵙ ⵉⵏⴰⵥⵓⵕⵏ ⵉⵎⴰⴹⵍⴰⵏⵏ ⴱⴰⵀⵔⴰ ⵉⵜⵜⵓⵙⵙⴰⵏⵏ ⴰⵎ ⵎⴰⵔⵙⵉⵍ ⵅⴰⵍⵉⴼⴰ, ⵢⵓⵔⴷⵉ ⴱⵡⵉⵏⴰⴼⵉⵏⵜⵓⵔⴰ, ⵣⵉⵖⵉ ⵎⴰⵔⵍⵉ, ⵏⴰⵙ ⵍⵖⵉⵡⴰⵏ, ⵉⴷⵉⵔ, ⵉⴽⵉⵙ ⴽⵉⵏⴳ, ⴽⴰⴹⵉⵎ ⵙⵙⴰⵀⵉⵔ, ⵎⴰⵊⴷⴰ ⵕⵕⵓⵎⵉ, ⵉⵥⵏⵥⴰⵕⵏ, ⵙⴰⵎⵉⵔⴰ ⵙⴰⵄⵉⴷ, ⵏⴰⵊⴰⵜ ⵄⵜⴰⴱⵓ ⴷ ⵡⵉⵢⵢⴰⴹ.
ⴷ ⴳ ⵓⵙⴰⵜⵉ ⵏ ⵓⵙⵓⴼⵓ ⵉ ⵜⵎⴰⴳⵉⵜ ⵏⵏⵙ, ⵙⵓⵍ ⵉⴹⴼⵕ ⵓⵏⵎⵓⴳⴳⴰⵔ ⴰⵙⴼⵓⴳⵍⵓ ⵙ ⵡⴰⴼⵓⵍⴽⵉ ⵏ ⵓⵥⴰⵡⴰⵏ ⴰⵎⴰⵣⵉⵖ ⴷ ⵓⵕⵥⵥⵓⵎ ⵅⴼ ⵉⵏⴰⵥⵓⵕⵏ ⵉⵏⵎⴼⴽⵉⵜⵏ ⴷ ⵢⵓⵙⴰⵏ ⴳ ⴽⴽⵓⵥ ⵡⴰⵏⵙⴰⵜⵏ ⴳ ⵓⵎⴰⴹⴰⵍ: ⵉⴼⵔⵉⵇⵢⴰ, ⴰⴳⵎⵎⵓⴹ ⴰⵏⴰⵎⵎⴰⵙ, ⵓⵕⵓⴱⴱⴰ ⴷ ⵎⵉⵔⵉⴽⴰⵏ. ⴷⴰ ⵜⴻⵜⵜⴹⵡⵍ ⵜⵙⵓⵜⵍ ⴰⴷ ⵙ ⵢⴰⵏ ⵓⵏⵎⵓⵇⵇⴰⵔ ⵓⵙⵍⵉⴷ ⵏⴳⵔ ⵜⴰⵣⴷⴳⵉ ⵏ ⵜⵎⵢⵓⵔⵉⵏ ⵜⵉⵎⴰⵣⵉⵖⵉⵏ ⴷ ⵓⵎⵢⴰⵏⴰⵡ ⵏ ⵓⵥⴰⵡⴰⵏ ⴰⵎⴰⴹⵍⴰⵏ. ⴰⵢⵍⵍⵉ ⵉⵎⵎⴰⵍⵏ ⵉⵎⴰⵏ ⵏ ⵓⵏⵏⵓⵕⵥⵎ ⴷ ⵓⴷⵔⴰⵡ ⴷⴰ ⵉⵙⵎⵓⵙⵙⵓⵏ ⵜⵉⵎⵉⵜⴰⵔ.
ⵉⴷⴷⵖ ⵉⴳⴰ ⴰⵢⴰⴼⵓ ⵏ ⵓⵏⵏⵖⵣⵍ ⴰⵎⴳⵔⴰⵡ ⵏ ⵉⵎⵣⴷⴰⵖⵏ ⵏ ⵓⴳⴰⴷⵉⵔ (ⵜⵉⵏⴱⴰⴹⵉⵏ ⵜⵉⴷⵖⵔⴰⵏⵉⵏ, ⵉⵙⵏⵙⵓⵜⵏ, ⵜⵉⵎⵙⵙⵓⵔⵉⵏ ⵏ ⵡⴰⵙⵙⴰⵢ, ⴷ ⵓⴳⴷⵓⴷ ⴰⵎⵥⵥⴰⵡⵕ), ⵉⴷⵡⵍ ⵓⵏⵎⵓⴳⴳⴰⵔ ⵢⴰⵜ ⵜⵎⵙⵓⵍⵜ ⵏ ⵓⵙⵏⴼⵍ ⴷ ⵓⴷⵔⴰⵡ, ⴰⵢⵍⵍⵉ ⵉⵙⴷⵓⵙⵏ ⵜⴰⵏⴰⵣⵓⴼⵜ ⵏ ⵜⴰⵡⴰⵏⵜ ⵏ ⵓⵥⴰⵡⴰⵏ ⴰⵎⴰⵣⵉⵖ ⴷ ⵓⵙⴳⴷⵣ ⵏ ⵓⵎⵢⴰⵏⴰⵡ ⴰⴷⵍⵙⴰⵏ.
اكتشاف المزيد من azulpress.ma
اشترك للحصول على أحدث التدوينات المرسلة إلى بريدك الإلكتروني.
التعليقات مغلقة.