ⴰⵎⵉⵏⴰ ⴱⵓⵄⵢⵢⴰ ⴳ ⵜⵍⴳⴰⵎⵜ ⵏ ⵜⵡⵜⵎⵉⵏ ⵜⵉⴼⵔⵉⵇⵉⵢⵉⵏ ⵜⵉⵏⵎⵓⵍⵉⵢⵉⵏ ⵏ ⵓⵙⴳⴳⵯⴰⵙ 2025

ⵉⵜⵜⵡⴰⴼⵙⴰⵔ ⴳ 3 ⵖⵓⵛⵜ 2025
ⵙ ⵓⵣⵎⵣⵣⵓ ⵏ ⵓⴽⵜⵜⵓⵢ ⵏ ⵡⴰⵙⵙ ⴰⴳⵔⴰⵖⵍⴰⵏ ⵏ ⵜⵎⵖⴰⵔⵜ ⵜⴰⴼⵔⵉⵇⵉⵜ 2025, ⵜⴱⵔⵔⵃ «Pour Elle», ⵢⴰⵜ ⵜⴰⴷⴰⴱⵓⵜ ⵜⴰⵏⵖⵎⴰⵙⵜ ⵜⴰⴼⵔⵉⵇⵉⵜ ⵜⵎⵥⵍⴰⵢⵜ ⴳ ⵜⵎⵙⴰⵔⵉⵏ ⵏ ⵜⵡⵜⵎⵉⵏ ⴷ ⵜⵔⴱⴰⵜⵉⵏ ⴳ ⵉⴼⵔⵉⵇⵢⴰ, ⵅⴼ ⵜⵍⴳⴰⵎⵜ “50 ⵏ ⵜⵡⵜⵎⵉⵏ ⵜⵉⴼⵔⵉⵇⵉⵢⵉⵏ ⵜⵉⵏⵎⵓⵍⵉⵢⵉⵏ” ⴰⵙⴳⴳⵯⴰⵙ ⴰⴷ, ⴳ ⵢⴰⵜ ⵜⵙⵏⵜⴰⵢⵜ ⵏⵏⴰ ⵜⵣⴷⵉ ⵙⵔⵙ ⵜⴰⴷⴰⴱⵓⵜ ⵜⴰⴼⵔⵉⵇⵉⵜ ⴰⵙⵎⵖⵔ ⵏ ⵜⵉⵍⴰⵍ ⵏ ⵜⵡⵜⵎⵉⵏ ⵜⵉⴼⵔⵉⵇⵉⵢⵉⵏ ⵜⵉⵎⴰⴼⴰⵡⵉⵏ ⵏⵏⴰ ⵉⵕⵚⵎⵏ ⴳ ⵡⴰⵎⵓⵏⵏ ⵏⵏⵙⵏⵜ ⴷ ⴳ ⵜⵎⵏⵥⴰⵡⵜ.

ⵜⴰⵎⵓ ⴳ ⵜⵍⴳⴰⵎⵜ ⵏ ⵓⵙⴳⴳⵯⴰⵙ ⴰⴷ, ⵎⴰⵙⵙⴰ ⴰⵎⵉⵏⴰ ⴱⵓⵄⵢⵢⴰⵛ, ⵜⴰⵏⵙⵙⵉⵅⴼⵜ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⵙⴳ ⵎⵔⴰⵡⵜ ⵏ ⵜⵡⵜⵎⵉⵏ ⵜⵉⵎⵖⵏⴰⵙⵉⵏ ⵜⵉⵏⵎⵓⵍⵉⵢⵉⵏ, ⵉ ⵓⵙⵎⵖⵔ ⵅⴼ ⵓⵙⴰⴽⴰ ⵏⵏⵙ ⴷ ⵜⵡⴰⴷⴰ ⵏⵏⵙ ⴳ ⵓⵎⵣⴰⵖ ⵅⴼ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵢⵉⵙⴽⵉⵍ ⴷ ⵜⵣⵔⴼⵜ ⵜⴰⵏⴰⵎⵓⵏⵜ.

ⵉⴷⴷⴰ ⴷ ⵓⵙⵜⴰⵢ ⵏ ⵎⴰⵙⵙⴰ ⴰⵎⵉⵏⴰ ⴱⵓⵄⵢⵢⴰⵛ ⴰⵎ ⵜⴰⵎⵖⴰⵔⵜ ⵜⴰⴼⵔⵉⵇⵉⵜ ⵜⴰⵏⵎⵓⵍⵉⵜ, ⴰⵔ ⵜⵜⵉⵏⵉⵏ ⵉⵏⴱⴷⴰⴷⵏ ⵅⴼ ⵜⵙⵏⵜⴰⵢⵜ ⴰⴷ, ⵎⵏⵉⴷ ⵏ ⵜⵉⵍⴰⵍ ⵏⵏⵙ ⴷ ⵡⴰⵏⵙⴰ ⵏⵏⵙ ⴳ ⵓⵎⵓⵙⵙⵓ ⵏ ⵜⵖⵏⵙⴰ ⵜⴰⵣⵔⴼⴰⵏⵜ ⴷ ⵓⵙⵏⴰⵎ ⴰⵏⴰⵎⵓⵏ ⴳ ⵍⵎⵖⵔⵉⴱ ⴷ ⴳ ⵓⵙⵡⵉⵔ ⵏ ⵜⵎⵏⵥⴰⵡⵜ ⵜⴰⴼⵔⵉⵇⵉⵜ.

ⴰⵎⵉⵏⴰ ⴱⵓⵄⵢⵢⴰⵛ, ⵜⴰⵎⵖⵏⴰⵙⵜ ⵉⵥⵍⵉⵏ ⵜⵓⴷⵔⵜ ⵏⵏⵙ ⵉ ⵓⵎⵣⴰⵖ ⵅⴼ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵡⴰⴷⴷⵓⵔ ⴰⵏⴼⴳⴰⵏ ⴷ ⵜⴷⵔⴼⵉⵏ ⵜⵉⴷⵙⵍⴰⵏⵉⵏ, ⵙ ⵜⵡⵉⵍⴰ ⵜⴰⵏⴰⵎⵓⵔⵜ ⴷ ⵜⵙⴳⴰⵡⴰⵏⵜ ⴷ ⵜⴼⵔⵉⵇⵉⵜ ⴷ ⵜⴳⵔⴰⵖⵍⴰⵏⵜ. ⵜⴳⴰ ⴰⵙⵙ ⴰ ⵢⴰⵏ ⵉⵎⵙⵍⵉ ⵙⴳ ⵉⵎⵙⵍⵍⵉⵜⵏ ⵉⵣⵔⴼⴰⵏⵏ ⵉⵎⴰⴼⴰⵡⵏ ⴳ ⵉⴼⵔⵉⵇⵢⴰ, ⴷ ⵓⴷⵎ ⴰⵎⵙⴽⴰⵔ ⴳ ⵓⵥⵟⵟⴰ ⵏ ⵜⵡⵜⵎⵉⵏ ⵜⵉⴼⵔⵉⵇⵉⵢⵉⵏ ⵜⵉⵎⵣⵡⴰⵔⵉⵏ.

ⵜⴻⵜⵜⵓⵙⵜⴰⵢ ⵎⴰⵙⵙⴰ ⴱⵓⵄⵢⵢⴰⵛ ⴳ ⵜⵍⴳⴰⵎⵜ ⴰⴷ ⴷ ⴰⵡⴷ ⵜⵉⵡⵜⵎⵉⵏ ⵜⵉⴼⵔⵉⵇⵉⵢⵉⵏ ⵙⴳ 20 ⵏ ⵓⵡⴰⵏⴽ ⴰⴼⵔⵉⵇⵉ ⴷ ⵙⴳ ⵉⵎⵣⴷⴰⵖⵏ ⵉⴼⵔⵉⵇⵉⵢⵏ ⴳ ⴱⵕⵕⴰ, ⵉⵙⵎⴷⵢⴰⵏ ⵉⴹⵉⵚ ⵉⵜⵜⵡⴰⵔⵏⴰⵏ ⵏ ⵜⵏⴰⵔⵉⵡⵉⵏ ⵜⵉⵡⵜⵎⴰⵏⵉⵏ ⴳ ⵓⵙⵏⴰⵢ ⵏ ⵢⵉⵎⴰⵍ ⴳ ⵜⵍⵍⴰ ⴽⵉⴳⴰⵏ ⵏ ⵜⵣⵔⴼⵜ ⴷ ⵜⵖⵣⵓⵔⴰⵏⵜ ⴳ ⵉⴼⵔⵉⵇⵢⴰ.

ⴷⴷⴰⵡ ⵏ ⵜⵎⴰⵜⴰⵔⵜ “ⵜⵉⵡⵜⵎⵉⵏ ⵜⵉⴼⵔⵉⵇⵉⵢⵉⵏ ⵜⵉⵎⴳⴳⴰⵢⵉⵏ ⴳ ⵓⵍⴽⴰⵎ ⵙ ⵜⵣⵔⴼⵜ ⴷ ⵓⵙⴳⴳⴷ ⵏ ⵓⵎⴰⵍⴰⴷ ⵉ ⵉⴼⵔⵉⵇⵢⴰ ⵜⴰⵖⵣⵓⵔⴰⵏⵜ”, ⵜⵙⵎⵖⵔ ⵜⵓⵏⵖⵉⵍⵜ ⴰⴷ ⵙⴳ “50 ⵏ ⵜⵡⵜⵎⵉⵏ ⵜⵉⴼⵔⵉⵇⵉⵢⵉⵏ ⵜⵉⵏⵎⵓⵍⵉⵢⵉⵏ” ⵜⵉⵡⵜⵎⵉⵏ ⵉⵏⵔⴰⵏ ⴰⵙⵏⴼⵍ ⴳ ⵢⵉⴳⵔⴰⵏ ⵏ ⵜⵙⵔⵜⵉⵜ ⴷ ⵜⴷⵎⵙⴰ ⴷ ⵜⵡⵓⵔⵉⵡⵉⵏ (ⵜⴰⵎⵙⵙⵏⵜⵉⵜ), ⵜⴰⵖⵏⵙⴰ, ⵜⴰⴷⵍⵙⴰ ⴷ ⵜⵥⵓⵕⵉ ⴷ ⵡⴰⵎⵓⵏ.

ⵉ ⵓⵙⵙⴽⵜⵉ, ⵜⵕⵥⵎ ⵜⴰⴷⴰⴱⵓⵜ PourElle ⵜⴰⵙⵏⵜⴰⵢⵜ ⴰⴷ ⴰⵙⴳⴳⵯⴰⵙ ⵏ 2019 ⴰⴷ ⵜⴳ ⵜⴰⴷⴰⴱⵓⵜ ⵏ ⵓⵙⵎⵖⵔ ⵏ ⵜⵡⵜⵎⵉⵏ ⵜⵉⴼⵔⵉⵇⵉⵢⵉⵏ ⵜⵉⵎⵣⵡⴰⵔⵉⵏ ⵜⵉⵏⵎⵓⵍⵉⵢⵉⵏ ⴷ ⵜⵓⵙⵏⵜ ⵙ ⵜⵉⵍⴰⵍ ⵏⵏⵙⵏⵜ. ⵎⴽⴷⴰ ⵜⵡⴰⵜⵜⵙ ⴰⴷ ⵜⴳ ⴰⵖⴱⴰⵍⵓ ⵏ ⵓⵙⵡⵉⵏⴳⵎ ⵉ ⵜⵄⵔⵔⵉⵎⵉⵏ ⵜⵉⴼⵔⵉⵇⵉⵢⵉⵏ, ⵜⵙⵙⵔⵇⴱ ⵜⵏⵜ ⵅⴼ ⵓⵙⵜⴰⵢ ⵏ ⵜⵉⵏⴷⵉⵜⵉⵏ ⵏ ⵓⵙⵓⵖⵏ ⴷ ⵜⵏⴰⵔⴰ. ⴰⵎⵢⴰⴳ ⵏ ⵜⵖⵏⵙⴰ ⴰⵎⵏⵉⴳⵍ, ⵔⴰⵏ ⵜ ⵉⵏⴱⴷⴰⴷⵏ ⵏ ⵜⵙⵏⵜⴰⵢⵜ, ⵉ ⵜⴷⵔⴰⵡⵜ ⴳ ⵓⵙⴷⵓⵙ ⵏ ⵡⴰⵏⵙⴰ ⵏ ⵜⵡⵜⵎⵉⵏ ⵜⵉⴼⵔⵉⵇⵉⵢⵉⵏ ⴳ ⵡⴰⵎⵎⴰⵙ ⵏ ⵉⵙⵏⴼⵍⵏ ⵏ ⵡⴰⵎⵓⵏⵏ ⴳ ⵜⵎⵏⵥⴰⵡⵜ.