قصيدة زجلية ” حكيم العشاق ” محمد بيتي.
أزول بريس- محمد بيتي//
لله ياحكيم العشاق
سألتك رد لي سآلي
لخليلة لمحت ل خليل ثاني
فدرب العشاق رحت نعاني
و شفاية العديان عياني
أش ذنبي رحلت لخليلة
ونست الايام الخوالي
قصايدي يشهدوا لها
رواد العشق والسواني
إيلا خطفوك تباعين البلاء
نجيبك ثاني ويلا كيد النساء
نصفح ونعفو لحالي
ويلا حقد لعدى
سيفي مسلول عالقطية
واخا تطعنت ف. خليلتي
راضي عالغديرا
رجعت ل السهر و ايام لغواني
السهد ولبكى م فارقو عياني
إيلا سعدي فالغدر
أنا من اهل الصبر
ويلا حظي فالطعن
دم لغدر وسام لحالتي
وعربون محبة لخليلتي
دمي وشمو به عشاق الحب ولوفا
ويلا فارقني طيفك لخليل ثاني
نحاول النسى والنسيك
ونمسح دموع لمآسي من عينيك
ونهديك قلبي ثاني ونلبيك
وغرام مد لبحور نسقيك
والنخرجك من دروب التيه
وشياطن ولغرور الفانية
روح حبيبتي ف دواخلي سارية
يامن نويت نهدي لها قصر
بسوار عالية م يشوفها غدر
ولا عيون الصقر
ونفديها بروحي طول لعمر
لله يا حكيم العشاق
شهد على كلامي
إيلا م وفيت بوعدي
ندفن روحي ورصيد ايامي
التعليقات مغلقة.