ⵜⴰⵎⴰⵣⵉⵖⵜ ⴳ ⵍⵎⵖⵔⵉⴱ ⴰⵙⵙ ⴰⴷ ⴷ ⵓⵙⵇⵙⵉ ⵏ ⵜⴷⵔⴰⵡⵜ ⵜⴰⵎⵔⵙⵉⵍⵜ ⴰⵎⵏⴰⴹ ⴷ ⵉⵎⵙⴰⵔⴰⵙⵏ

ⵜⴰⵎⴰⵣⵉⵖⵜ ⴳ ⵍⵎⵖⵔⵉⴱ ⴰⵙⵙ ⴰⴷ ⴷ ⵓⵙⵇⵙⵉ ⵏ ⵜⴷⵔⴰⵡⵜ ⵜⴰⵎⵔⵙⵉⵍⵜ

ⴰⵎⵏⴰⴹ ⴷ ⵉⵎⵙⴰⵔⴰⵙⵏ

ⴰⵙⵉⵎⵡⴰⵙ 27 ⵏⵓⵡⴰⵏⴱⵉⵔ 2020

ⵜⴰⵙⵉⵍⴰ ⵏ ⵜⵉⵏⴰⵡⴰⵜ ⵜⴰⵎⵔⴰⵔⴰⵜ

 

ⴹⴰⵕⵜ ⵏ ⵉⵏⵎⵓⵇⵇⴰⵔⵏ ⵍⵍⵉ ⵜⴳⴳ ⵜⵏⵢⴰⵔⵜ ⵏ ⵜⵡⵓⵔⵉ ⵜⴰⵙⵔⵜⴰⵏⵜ ⵜⴰⵎⴰⵣⵉⵖⵜ ⴰⴳⴷ ⴽⵔⴰ ⵏ ⵉⴽⴰⴱⴰⵕⵏ ⵉⵙⵔⵜⴰⵏⵏ ⴳ ⵢⵉⴷⵉⵔ ⵏ ⵉⵙⵜⴰⵢⵏ ⵏ ⵓⵙⴳⴳⵯⴰⵙ ⵏ 2021 ⴷ ⵎⴰⴷ ⵜ ⵉⴷ ⵉⵡⴰⵍⴰⵏ, ⵢⴰⵖⵓⵍ ⴷ ⵓⵎⵙⴳⴷⴰⵍ ⴰⵇⴱⵓⵔ/ⴰⵎⴰⵢⵏⵓ ⵅⴼ ⵓⴱⵔⴰⵔⴰⵛ ⵏ ⵓⴷⵍⵙⴰⵏ ⴷ ⵓⵙⵔⵜⴰⵏ ⴳ ⵜⵎⵢⴰⴷⴰⵙⵜ ⵏ ⵜⵎⵙⴰⵔⵜ ⵜⴰⵎⴰⵣⵉⵖⵜ. ⴷ ⴹⴰⵕⵜ ⵏ ⵓⵙⴳⵎⴹ ⵏ ⵜⵏⵢⴰⵔⵜ ⵉ  ⵓⵙⵎⵎⴰⵍ ⴰⵎⴷⵔⴰⵡ ⴰⴳⴷ ⵓⴽⴰⴱⴰⵕ ⵏ ⵓⴳⵔⴰⵡ ⴰⵏⴰⵎⵓⵔ ⵏ ⵉⵏⵙⵉⴰⵏⵏ ⵏⵏⴰ ⵉⵙⵔⵙⵏ ⵜⵉⵔⵙⴰⵍ ⵏ ⵜⴼⴰⴷⴷⵉⵡⵉⵏ ⵏ ⵓⵙⴷⴷⵓ ⵏ ⴽⵔⴰ ⵏ ⵉⵎⴰⵣⵣⴰⵍⵏ ⵏ ⵓⵎⵓⵙⵙⵓ ⴰⵎⴰⵣⵉⵖ ⵙ ⵓⴽⴰⴱⴰⵕ ⴰⴷ, ⵉⵏⵏⵓⵕⵥⵎ ⵢⴰⵏ ⵓⵎⵙⴳⴷⴰⵍ ⴰⴳⴷⵓⴷⴰⵏ ⴰⴷⵓⵙⴰⵏ ⵅⴼ ⵜⵏⴷⵉ ⵏ ⵜⵙⵓⵔⵉⴼⵜ ⴰⴷ ⴷ ⵓⴷⵡⴰⵍⵉ ⵏ ⵓⵙⵏⵜⵍ ⴰⴷ ⴷ ⵉⵡⵜⵜⴰⵙⵏ ⵏⵏⵙ ⴰⵡⴷ ⵉⴽⵓⴽⵔⵏ ⵏⵏⴰ ⵅⴼ ⵙⵉⵡⵍⵏ ⵢⴰⵏ ⵎⵏⵏⴰⵡ ⴷ ⵉⵎⴽⴽⵉⵙⵉⵜⵏ ⵉⵎⴷⵡⴰⵍⵏ. ⵉⴼⴰⵡ ⵙⴳ ⵓⵎⵙⴳⴷⴰⵍ ⵉⵜⵜⵡⴰⵙⴽⴰⵔⵏ ⵎⴰⵙ ⴷ ⴰⴽⴽⵯ ⵎⵙⴰⵙⴰⵏ ⵜⵓⴳⵜ ⵏ ⵉⵎⴰⵣⵣⴰⵍⵏ ⵉⵎⴰⵣⵉⵖⵏ ⵅⴼ ⵜⵡⵓⵔⵉ ⵏ ⵉⴽⴰⴱⴰⵕⵏ ⴷ ⵜⵏⵖⵙⴰ ⵜⴰⵎⵔⵙⵉⵍⵜ, ⴰⵏⵎⴳⴰⵍ ⵏ ⵎⴽⵍⵍⵉ ⵙ ⵜⵜ ⵉⵏⵏ ⴽⴽⴰⵏ ⴳ ⵉⵙⴳⴳⵯⴰⵙⵏ ⵣⵔⵉⵏⵉⵏ, ⵢⴰⴳⵓⵔ ⴷ ⵓⵎⵣⴰⵔⴰⵢ ⴳ ⵓⵙⵡⵉⵔ ⵏ ⵡⴰⵏⴰⵡ ⵏ ⵉⵙⵜⴰⵢⵏ, ⴰⵎⵔ ⴰⴷ ⵉⴳ ⵎⴽⴰⵏⵏ ⴰⴼⴼⴰⵍ ⵏ ⵜⵖⵏⵙⴰ ⵜⵓⵖⵔⵉⵎⵜ ⴷ ⵓⵏⴱⵣⴰⵣ ⵏ ⵓⵙⴷⵓⵙ ⵏⵏⵙ. ⴰⵎⵙⴷⴷⵉ ⵏ ⵜⵓⵙⵏⵜ ⵜⴰⵎⴰⴷⴷⵓⴷⵜ ⵙ ⵜⵎⴰⵣⵉⵖⵜ ⵏⵏⴰ ⵉⵙⵙⵏⵜⵉⵏ ⵙⴳ 2001 ⵜⴰⵡⴹ ⴰⴷⴷⴰⴷ ⵏ ⵜⵓⵜⵍⴰⵢⵜ ⵜⴰⵎⴰⴷⴷⵓⴷⵜ ⴳ ⵜⵎⵏⴹⴰⵡⵜ ⵏ 2011 ⴷ ⵉⵎⵎⵏⵣⴰⵖⵏ ⴳ ⵓⴳⵏⵙⵓ ⵏ ⵍⴱⵕⵍⴰⵎⴰⵏ ⴳ ⵡⴰⴽⵓⴷ ⵏ ⵓⵙⵖⵣⵏ ⵅⴼ ⵉⵙⴰⴹⵓⴼⵏ ⵉⵎⵙⵓⴷⵙⵏ ⵉⵣⴷⵉⵏ ⵙ ⵓⵙⵏⵜⵍ ⴰⴷ ⴹⴰⵕⵜ ⵏ ⵓⵙⵓⵎⵍ ⵓⵣⵔⵉⴼ ⵏⵏⴰ ⵉⴽⴽⴰⵏ ⵜⴰⵎ ⵏ ⵉⵙⴳⴳⵯⴰⵙⵏ, ⵢⵓⵊⵊⴰ ⴽⵔⴰ ⵏ ⵉⵎⴰⵣⵣⴰⵍⵏ ⴳ ⵢⵉⴳⵔ ⵏ ⵜⴷⵍⵙⴰ ⵜⴰⵎⴰⵣⵉⵖⵜ ⴰⴷ ⵍⴽⵎⵏ ⵜⵉⵏⴷⵉ ⵏ ⵜⵡⵓⵔⵉ ⵙⴳ ⵓⴳⵏⵙⵓ ⵏ ⵜⵎⵔⵙⵉⵍⵉⵏ ⴷ  ⴰⵢⵍⵍⵉ ⵜⵙⵏⴰⵎⵎⴰⵔ ⴳ ⵜⵣⵎⵎⴰⵔ ⵏ ⵉⴹⵉⵚ ⴷ ⵓⴷⵔⴰⴼ ⵏ ⵓⵣⵣⵓⴳⵣ ⵏ ⵜⵎⴰⴷⴷⵓⴷⵜ ⵏ ⵜⵎⴰⵣⵉⵖⵜ ⴷ ⵓⵙⵎⴽⵍ ⵏ ⴰⴽⴽⵯ ⵉⵙⴷⴰⵡⵏ ⴷⵉⵙ ⵉⵣⴷⵉⵏ.

ⵜⵓⵙⴰ ⴷ ⵜⵉⵏⴰⵡⵜ ⴰⴷ ⵜⴰⵎⵔⴰⵔⴰⵜ ⴰⴼⴰⴷ ⴰⴷ ⵜⵙⵉⵡⵍ ⵅⴼ ⵓⵙⵏⵜⵍ ⴰⴷ ⵙ ⵜⴷⵔⴰⵡⵜ ⵏ ⵉⵙⵍⵎⴰⴷⵏ ⴷⴰⵔ ⵜⴰⵎⵓⵙⵏⵉ ⵙ ⵜⵎⵙⴰⵔⵜ ⴰⴷ, ⵉⵙⵎⴷⵢⴰⵜⵏ ⵏ ⵜⴰⵙⵓⵜⵉⵏ ⵜⵉⵎⵏⴰⵡⴰⵢⵉⵏ ⵏ ⵉⵎⵖⵏⴰⵙⵏ ⵏ ⵓⵎⵓⵙⵙⵓ ⴰⵎⴰⵣⵉⵖ ⵏⵏⴰ ⵉⴹⴼⵕⵏ ⵜⴰⵍⴰⵍⵉⵜ ⴷ ⵜⵎⵔⵏⵉⵡⵜ ⵏ ⵉⵏⴰⵡ ⵏ ⵓⵎⵓⵙⵙⵓ ⴰⴷ ⴷ ⵜⵣⴷⴰⵢⵜ ⵏⵏⵙ ⵙ ⵜⵡⵓⵔⵉ ⵜⴰⵙⵔⵜⴰⵏⵜ ⴷ ⵜⵎⵓⵍⵍⵉⵜ.

ⴳ ⵓⵙⴰⵜⵉ ⵏ ⵓⵎⵙⵉⵡⵍ ⵅⴼ ⵓⵙⵏⵜⵍ ⴰⴷ, ⵔⴰⴷ ⵢⵉⵍⵉ ⵓⵎⵙⴳⴷⴰⵍ ⴳ ⵉⵙⴳⵓⵎⵏ ⴷ ⵉⴷⴷⴰⵏ:

• ⵎⴰⴷ ⵉⴳⴰⵏ ⴰⵎⵣⵔⵓⵢ ⵏ ⵜⵣⴷⴰⵢⵜ ⵏ ⵓⵎⴰⵣⵣⴰⵍ ⴰⵎⴰⵣⵉⵖ ⴰⴳⴷ ⵜⵡⵓⵔⵉ ⵜⴰⵙⵔⵜⴰⵏⵜ ⵜⴰⵎⵓⵍⵍⵉⵜ?
• ⵎⴰⴷ ⵢⵓⵊⵊⴰⵏ ⴽⵔⴰ ⴳ ⵉⵎⴰⵣⵣⴰⵍⵏ ⴷⴰ ⵜⵜⴰⴳⴳⵯⵓⴳⵏ ⵅⴼ ⵜⵡⵓⵔⵉ ⵜⴰⵎⵓⵍⵍⵉⵜ?
• ⵉⵙ ⵢⵉⵣⵎⵔ ⴰⴷ ⵢⵉⵍⵉ ⵓⵙⴱⴷⴷⵉ ⵏ ⵓⴽⴰⴱⴰⵕ ⵙ ⵜⵙⴰⵖⵓⵍⵜ ⵜⴰⵎⴰⵣⵉⵖⵜ (ⵜⵉⵣⵎⵎⴰⵔ ⴷ ⵉⵙⴱⵣⵉⵣⵏ) ⴳ ⵓⵎⵏⵉⴷ ⵏ ⵜⴷⵔⴰⵡⵜ ⴳ ⵉⵙⵜⴰⵢⵏ ⴷ ⵢⵓⵙⴰⵏⵉⵏ ⵏ ⵓⵙⴳⴳⵯⴰⵙ ⵏ 2021?
• ⵎⴰⴷ ⴳⴰⵏ ⵉⵏⵓⵎⴰⴽ ⵏ ⵓⵙⴱⴷⴷⵉ ⵏ ⵜⵏⵢⴰⵔⵜ ⵏ ⵜⵡⵓⵔⵉ ⵜⴰⵙⵔⵜⴰⵏⵜ ⵜⴰⵎⴰⵣⵉⵖⵜ ⴳ ⵓⵎⵏⴰⴹ ⵏ ⵖⵉⵍⴰⴷ?
• ⵎⴰⵏⵉ ⴳ ⵉⵜⵜⵎⵉⵇⵇⵉⵔ ⵓⴷⵍⵙⴰⵏ ⴷ ⵓⵙⵔⵜⴰⵏ ⴳ ⵜⵖⵏⵙⴰ ⵅⴼ ⵜⵎⴰⵣⵉⵖⵜ? ⴷ ⵉⵙ ⵉⵣⵎⵔ ⵓⴼⴼⴰⵍ ⵏ ⴽⵔⴰ ⵏ ⵢⴰⵏ ⴷⵉⴳⵙⵏ?
• ⵎⴰⵏ ⵜⵉⵍⴰⵍ ⴷⴰⵔ ⵉⴽⴰⴱⴰⵕⵏ ⵉⵙⵔⵜⴰⵏⵏ ⴳ ⵓⵎⵣⴰⵖ ⵅⴼ ⵜⵎⴰⵣⵉⵖⵜ ⴹⴰⵕⵜ ⵏ ⵜⵓⵙⵏⵜ ⵜⴰⵎⵏⴹⴰⵡⵜ?