ءاطـان ن ءوزمـز ءاد ⵓⵔⴰⵔ ⴰⵎⴰⵣⵉⵖ : ⴰⵟⵟⴰⵏⵏ ⵓⵣⵎⵣ ⴰⴷ
ءـيـباقـيـد يـا واطـان غ وامـاسـنـك ءا ” ووهـان ” ،
ءيـفـك ءيـتـمـيـزار ، ءور تـلي تـاد ءيـفــل .
كـانـاس كـورونـا كـوفـيـد ، ويـس طـزا د مـراو .
نـان ءيـمـاسـان : تـاوجـا نـس ءار تـمـتـاراو ،
ءيـلـي زونـد نـتـا ، ءيـرزي غ ءوفـكـان غ مـايـزريـن ،
ءا دغـاد ، ءامـايـنـو ، ءورتـن ءيـسـن يـان ؟
ءيـزد فـرططـو ءاديـك ، نـغـد تـاوسـنـا ن كــرا ؟
نـغــد ءيـكـاد غـيـن ، ءيـزري غ دغـيـد ، ءار تـلـولـويـن .
ءيـكـكـا صـيـن ، ءيـسـلـيـد ءيـران ، ءيـكز غ ءيـطـالـي ،
ءيـزري س فـرنـسـا ، د لالـمـان ، د ءيـنـكـلـيــز ، ءيكزن غ ماريكان ،
ءور ءيـفـيـل مـانـي ءور ءيـروشش س وارراو نــس ،
ءادغـار نـا غـنـنـيـضـر يـان ءار ءيـتـشـتـوتـول .
ءيكـكـا لهاوا ،ءيكـكـا ياكال ، ءيك ءوززال ، ءيلي ف ءوكشـشـوض ،
ءيـلـي غ مـالـسـا نـبـنـادم ، ءيـلـي غ مـا دسـوان ، ءور ءيفل ءي مــان .
ءورءيـسـكـيــر واد مـززيـن ، ءولا ويـن تـوززومـت ، ءولا يـان مــقـقـورن .
ءور ءيـسـيـن واد ءـيـبــوغــران ، ءولا وان ءيـلـوززان ءورتــن ءيسـسـيـريــم ؛
ءا كـولـو مـدن كـان دارس يـان ، ءورتـن ءيـسـنـفـيـل .
ءا كـرا ءيـكـاتت ءافـكـان ءار تـنـت ءيـتـهـمـمـام ،
ءور ءيـسيـن ءيـس را ءاسـسـول ءيـسـول ءاسـكـا ،
نـغـد ءيـرا ءايـتـيـاومـكـار تـامـكـرا ن لـغـوف ،
ءاشـكـو لـمـوت تـسـودا س وافـضـيـون ، ءور تـفــيـــل ءي يـان …
ءاهــا ءيـلـمـا كورونـا ءيـمـلا يـوفـكـان ءيـس كـولـلـو ءيـكـا يـان ،
ءيـمـلا ءيـنـبـبـاضـن ن ءومـاضـال ءودمـاون نسن غ لـمـري ،
كـرا ءيـكـات تـامـازيـرت غ تـيـلـي ســســودانـيـن ،
مـاغـن كـيـس ءيـمـاسـسـان ءاد ءافـن ءاسـافـار نـسن ،
ءا كـولـو ءيـمـاسـسـان ن دونـيـت ءورتـا ءاسـنــت ءوفـيـن ،
ءور ءوفين بلا وين تـمـاضـونـيـن لـي زريـنـيـن ، ءار ءيـســســن كـكـاتـن .
ءيـورريـد ءوفـكـان غ دونـيــت داغ ءارتـنــت ءيـتـهــمـمـام ،
يـاويـد ءانـغـمـيس نـيـس ءور ءيـزضـار ، مـقـقـار دي ءيــغـال .
تاغـزوت ن ءوسـنـتـل ءور تـلـلـي ، مـانـي س ءيـلـكـكـر يـان ،
دارك ءاربـبـي ، كـيـيـن ءايـكـان ءامــازضار مـا ءيـتـرجـو يــان .
————————————-
يــورات ءوســـلــمــاد : مـحـمـد فــراح
مــراكـــش غ : 12 غ إبريل 2020