ⵕⵕⴱⴰⵟ – ⵀⴰ ⵎⴰⴷ ⵉⵏⵏⴰ ⵢⴰⵏ ⵓⵙⵉⵡⴹ ⵏ ⵓⴱⵔⵙⵉⵔⴰ ⴰⴳⵍⴷⴰⵏ
“ⴷⴼⴼⵉⵔ ⵍⵍⵉⵖ ⵉⵙⵜⵉ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⵕⴱⵉ ⴳ 19 ⵏⵓⵡⴰⵏⴱⵉⵔ ⵎⴰⵙⵙ ⵛⴰⴽⵉⴱ ⴱⵏ ⵎⵓⵙⴰ ⴰⴷ ⵉⴳ ⴰⵏⵙⵙⵉⵅⴼ ⵏ ⵓⴳⵔⴰⵡ ⵉⵣⵍⵉⵏ ⵅⴼ ⵓⵏⴰⵡ ⵏ ⵜⴳⵎⵉ ⵉⵙⵙⵉⵅⴼ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴰⵙⵙ ⵏ ⵓⴽⵡⴰⵙ ⵓⵙⵜⴰⵢ ⵏ ⵉⴳⵎⴰⵎⵏ ⵏ ⵓⴳⵔⴰⵡ ⴰⴷ .
ⵉⵍⵍⴰ ⴳ ⵓⴳⵔⴰⵡ ⴰⴷ ⵓⵍⴰ ⵉ ⵡⵏⵙⵙⵉⵅⴼ 35 ⵓⴳⵎⴰⵎ ⵎⵏⵏⴰⵡ ⵏ ⵜⵖⴰⵔⴰⵙⵉⵏ ⵜⴽⴰⴹⵉⵎⵢⵉⵏ ⴷ ⵜⵉⵣⵣⵓⵍⴰⵏⵉⵏ ⴷ ⵜⵓⵙⵙⵏⴰ ⵉⵡⵙⵄⵏ ⵏ ⵓⵎⵓⵏ ⴰⵎⵖⵔⴰⴱⵉ ⴷ ⵜⵖⴰⵡⵙⵉⵡⵉⵏ ⵜⵙⵔⵜⴰⵏⵉⵏ ⴷ ⵜⵉⴷⵍⵙⴰⵏⵉⵏ ⴷ ⵜⵉⵏⴰⵎⵓⵏⵉⵏ ⴷ ⵜⴷⵎⵙⴰⵏⵉⵏ ⴷ ⵓⵡⵏⴰⴹⵏ .
ⵉⵍⵍⴰ ⵓⵍⴰ ⴳ ⵓⴳⵔⴰⵡ ⴰⴷ ⵜⵙⴳⵓⵔⵉⵏ ⴳ ⵓⴳⵏⵙⵓ ⴷ ⵉⵎⵙⵡⵓⵔⵉⵏ ⴷ ⴱⵕⵕⴰ ⵏ ⵜⵎⵓⵔⵜ ⴷ ⵜⵜⵢⴰⵙⵙⵏ ⵙ ⵉⴼⴽⵉⵏ ⴷ ⵓⵙⵖⵍ ⵏⵏⵙ ⴷ ⴰⵍⵜⵖ ⴳ ⵉⴳⵔⵏ ⴰⵎⴰⵜⴰⵢ ⴷ ⵓⵙⵍⵉⴳ ⵓⵍⴰ ⴳ ⴰⵎⵓⵏ ⵓⵖⵔⵉⵎ .
ⵙ ⵓⵣⵣⵉⴳⵔ ⵏ ⵜⵉⵔⴰⵜⵉⵏ ⵜⴳⵍⴷⴰⵏⵉⵏ ⵢⴰⵜⵜⵓⵢⵏ ⵔⴰⴷ ⵉⵙⴽⵔ ⵓⴳⵔⴰⵡ ⴰⴷ ⵓⵔⵣⵣⵓ ⴷ ⵜⵖⵓⵔⵉ ⵏ ⵓⴷⴷⴰⴷ ⵏ ⴷⵖⵉ ⴳ ⵢⴰⵜ ⵜⴰⵡⵍⴰⴼⵜ ⵚⵚⵔⵃⴰ ⴷ ⵜⴰⴽⴰⵢⵍⴰⵍⵜ ⴷ ⵜⴰⵎⵙⵖⵔⵓⵜ ⴳ ⵜⴰⵏⴰⵢⵜ ⵏ ⵏ ⵉⵜⵜⵓⵙⴽⴰⵔⵏ ⵍⵍⵉ ⵜⵙⴽⵔ ⵜⴳⵍⴷⵉⵜ ⴷ ⵉⵚⵍⴰⵃ ⵍⵍⵉ ⵜⵜⵓⴹⴼⴰⵕ ⵓⵍⴰ ⴳⴰⵏⵉⵏ ⵏ ⵉⵏⵎⵓⵔⵉⵏ ⴷ ⵓⵙⴰⵜⵉ ⴰⵎⴰⴹⵍⴰⵏ ⴷⵖⵉ ⴷ ⴰⵏⴳⵔⴰⵡ ⵏ ⵉⵎⴰⵍ.”
ⵔⴰⴷ ⵜⵢⴰⵙⵉ ⵉ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵙ ⴰⵏⴱⴷⵓ ⵢⵓⵛⴽⴰⵏ ⵉⵙⵏⴼⵍⵏ ⵉⵎⵇⵓⵔⵏ ⴷ ⵜⵙⵏⵜⴰⵢⵉⵏ ⵍⵍⴰⵏ ⴰⴷ ⵙⵎⴰⵢⵏⵓ ⵏ ⵓⵏⴰⵡ ⵏ ⵜⴳⵎⵉ ⴰⵏⴰⵎⵓⵔ.
ⵔⴰⴷ ⵜⵡⵓⵔⵉ ⵡⴳⵔⴰⵡ ⴳ ⵓⵣⵎⵣⵎ ⵏ ⵜⵡⵓⵔⵉ ⵏⵏⵙ ⴳ ⵢⴰⵜ ⵜⵎⵢⴰⴷⴰⵙⵜ ⵉⵛⵛⴰⵔⵏ ⴷ ⵉⵙⵉⴷⴼⵏ ⴷ ⵜⴰⵏⴼⵔⵓⵜ ⴰⵍⵜⵖ ⵉⵡⵙⵄⵏ ⵉⵍⵍⴰⵏ “