زجل أسماء بنت الشام.
علاه ياقلبي ماسباتك سبيه
ماغرك زين لعيون الفتان
جيتك بعاود مسرج حراني
ماتلجمو تلجام ولو بمثين لجام
عاودي يانا عاود حراني
ينثر الثراب ومن قامتي قوام
سالوني علعذاب
فحب النواح ونظم
اقوافي من فمي تجمح جموح
من سور لسوار
عليك يا رودانه يابنت الشام
سولوني يانا على سرها
سولوني يانا على دوك رجال
وهيبة نسا وخلخال لاله شامه
كانت زيت زيتون ذهان
والحب يتفرق من بلعمان
ديور ناس اكبار
وتجار وصنايعيه صغار
كلها محلوله بالخير تجود
يارودانة يابنت الشام
ياقوته وسط لجبال
حبيت حكايتك
ولشعار
انظموها علامة النظام
الكريحة والملحون شعار شعار
وجاك بودرباله واش من والا يتوالى
ردك مريوة هزيله
وحسب رجالك خوالي بلا مقام
كيت ليمس رودانه
راها بنت شام
وهي شامه
باراكا عليه غير الذل فلمقام
لكلعو سروال
ولبسو هوانس خوان
وعلاه شوهتو ليها لرسام ؟؟؟
ومحيتو تاريخها بلقدام
ورقعتو السور بزوان
هجرتو لحمام
كيف لخوف
كيف ليل
تبكي رودانه
واليوم لازم تقوم قوام
من سبات الظلال
وتحيى الدم
فعروق لخوان
رودانه بنت الشام مازالا
واقفه شامخه ماشي لمن والا
هي بنت الاصل
ومسقط راس الرجاله.
الزجالة أسماء باحيدة
تحرير سعيد الهياق
التعليقات مغلقة.