ⵉⵏⵉ-ⵉⵢⵉ-ⴷⴰⵢ ⴰⴼⴻⵍⵍⴰⵃ

ⵉⵏⵉ-ⵉⵢⵉ-ⴷ, ⴰⵏⵏⴰⵖ ⴰⵢ ⴰⴼⴻⵍⵍⴰⵃ
ⴰⵛⵉⵎⵉ ⵜⴰⵏⵇⴻⵍⵜ-ⵉⴽ
ⵜⴻⵇⵇⵉⵎ ⵎⴻⴱⵍⴰ ⵜⵉⴱⴻⵅⵙⵉⵙⵉⵏ,
ⴷⵉⵖ ⴰⵛⵉⵎⵉ ⵜⵉⴼⴰⵏⴷⴰⵢⵉⵏ ⵏ ⵜⴼⴻⵔⴽⴰ-ⴽ
ⵓⵖⴰⵍⵍⴻⵏⵜ ⵙⴻⵍⵍⴰⵡⵉⵜ ?

ⵉⵏⵉ-ⵉⵢⵉ-ⴷ, ⴰⵏⵏⴰⵖ ⴰⵢ ⵉⵏⴻⴹ
ⴰⵛⵉⵎⵉ ⴷⴻⴳ ⵓⴼⵏⵉⵇ-ⵉⵏⴻⴽ
ⵓⵍⴰⵛ ⴷⴻⴳ-ⵙ ⵜⵉⵅⵓⵜⴰⵎ ?
ⵙⵎⵓⵇⵓⵍⴻⴳ ⴷⴻⴳ ⵓⵊⴻⴵⴵⵉⴳ-ⵉⴽ
ⵢⴻⵄⵢⴰⵏ, ⴰⵖⴻⴷⴷⵓ-ⵉⵏⴻⵙ ⵉⵔⴻⵇⵇ.

ⵉⵏⵉ-ⵉⵢⵉ-ⴷ ⴷ ⴰⵛⵓ ⵉ ⴷ ⵙⵙⴻⴱⴱⴰ ?
ⵎⴰ ⵢⴻⵍⵍⴰ ⵜⴰⵎⴻⵏⵜⵉⵍⵜ ⴷ ⵍⴻⵖⴱⴻⵏ-ⵉⴽ
ⵏⴻⵖ ⴷ ⴽⵔⴰ ⵏ ⵜⵡⴰⵖⵉⵜ
ⵏⴻⵖ ⴷ ⵉⵣⴰⵎⵓⵍⴻⵏ ⵉⴳⴻⵔⵔⵣⴻⵏ
ⵏ ⵢⵉⵡⴻⵏ ⵏ ⵍⴰⵥ ⴰⵖⴻⵣⵣⴼⴰⵏ ⴰⴽⴽⴻⴷ ⴷ ⵓⵖⵓⵔⴰⵔ?

ⴰⵏⵏⴰⵖ ⴰⵢ ⴰⵙⴻⴽⵍⵓ ⵏ ⵓⴽⵓⵥⴻⵜ ⵏ ⵜⵙⴻⵎⵀⴰⵢ
ⴰⵏⵏⴰⵖ ⴰ ⵍⴳⴻⵔⵔⴰ ⵜⴰⵎⵙⵓⵍⵍⴻⵖⵜ, ⵙⵍⴻⴼ-ⴰⵙ ⵉ ⵜⴼⵉⵔⴻⵙⵜ
ⵏ ⵜⴼⴻⵔⴽⵉⵡⵉⵏ-ⵏⵏⴻⵖ ⴰⴽⴽⴻⴷ ⵓⵇⵔⴰⵃ
ⵏ ⵓⴳⴰⵎⴰ-ⴰ ⴷ ⵍⴰⵄⵏⴰⵢⴰ-ⵉⵏⴻⵙ
ⵜⴻⵙⵙⴻⵃⵍⵓⴹ ⴰⵟⵟⴰⵏ-ⵏⵏⴻⵖ ⵙ ⵓⵙⵍⴰⴼ-ⵉⵏⴻⴽ.

ⴰⵙⴻⴼⵔⵓ ⵏ ⴻⵙⵙⴰⵉⴷ ⵎⴰⵏⵙⵓⵔⵉ
ⵜⴰⵙⵓⵖⴻⵍⵜ ⵏ ⵎⴰⵍⴻⴽ ⵃⵓⴷ

Ini-iyi-d ay afellaḥ

Ini-iyi-d, annaɣ ay afellaḥ
Acimi tanqelt-ik
Teqqim mebla tibexsisin,
Diɣ acimi tifandayin n tferka-k
Uɣalent sellawit ?

Ini-iyi-d, annaɣ ay ineḍ
Acimi deg ufniq-inek
Ulac deg-s tixutam ?
Smuquleɣ deg ujeǧǧig-ik
Yeɛyan, aɣeddu-ines ireqq.

Ini-iyi-d d acu i d ssebba ?
Ma yella tamentilt d leɣben-ik
Neɣ d kra n twaɣit
Neɣ d izamulen igerrzen
N yiwen n laẓ aɣezzfan akked d uɣurar

Annaɣ ay aseklu n ukuẓet n tsemhay
Annaɣ a lgerra tamsulleɣt, slef-as i tfirest
N tferkiwin-nneɣ akked uqraḥ
N ugama-a d laɛnaya-ines
Tesseḥluḍ aṭṭan-nneɣ s uslaf-inek.

Asefru n Essaid Manssouri
Tasuɣelt n Malek Houd