الصفحة الرئيسية

ⵟⴰⵟⴰ : ⴰⵙⵍⵎⴰⴷ ⵏⵏⵉⴳ ⵏ ⵓⵙⵍⴳⵏ, ⵢⵓⴳⵉ ⴰⴷ ⵉⵙⵙⵖⵕ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⴳ ⵜⵉⵏⵎⵍ ⵏ ⴼⵎⵎ ⵣⴳⵉⴹ

ⴰⵣⵓⵍ  ⵙⵏⵖⵎⵙ //

ⵏⴹⴼⵕ ⴳ ⵜⵎⵙⵎⵓⵏⵜ ⵜⴰⵏⵎⵏⴰⴹⵜ ⵏ ⵉⵙⵍⵎⴰⴷⵏ ⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⵙⵓⵙ ⵎⴰⵙⵙⵜ, ⴰⵙⴰⴽⴰ ⴷ ⵡⴰⴷⴷⴰⴷ ⵏ ⵓⵙⵙⵍⵎⴷ ⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⴳ ⵜⵉⵏⵎⵍ ⵜⴰⵎⵖⵔⵉⴱⵉⵢⵜ, ⵏⴱⴷⴷ ⵅⴼ ⵜⵓⴳⵜⵜ ⵏ ⵜⵎⵓⴽⵔⵉⵙⵉⵏ ⴷ ⵜⴱⴱⴰⵢⴹⴰⵕⵉⵏ ⵍⵍⵉ ⵓⵔ ⴰⵔ ⵉⵜⵜⴰⵊⵊⴰⵏ ⴰⵍⴰⵡⴰⵢ ⵏ ⵓⵙⵙⵍⵎⴷ ⵏ ⵜⵎⴰⵣⵉⵖⵜ ⴰⴷ ⵢⴰⵎⵥ ⴰⵖⴰⵔⴰⵙ ⵏⵏⵙ, ⵉⴳ ⵉⵢⵜ ⴳ ⵎⴰⴷ ⵉⵥⵍⵉⵏ ⵙ ⵜⵙⴳⴰ ⵜⴰⴱⵉⴷⴰⴳⵓⵊⵉⵜ ⵏⵉⵖ ⴰⴷⴷⴰⴷ ⵏ ⵉⵙⵍⵎⴰⴷⵏ ⴷ ⵜⵡⵓⵔⵉ ⵏⵏⵙⵏ ⵜⴰⴽⵓⵢⴰⵙⵙⵜ.

ⴳ ⵓⵙⴰⵜⴰⵍ ⴰⴷ ⵏⵉⵜ, ⵉⵍⴽⵎ ⴰⵖ ⴷ ⵙ ⵓⵖⵉⵍⵓⴼ ⴷ ⵡⵓⵔⵔⵉⴼ ⴰⵢⵍⵍⵉ ⵉⵙⴰⵔⵏ ⵉ ⵜⵙⵍⵎⴰⴷⵜ ⵃⴰⴼⵉⴹⴰ ⵓⵛⵎⵉⵇⴰ ⵍⵍⵉ ⵉⵙⵡⵓⵔⵉⵏ ⴳ ⵜⵉⵏⵎⵍ ⴼⵎ ⵥⴳⵉⴹ ⴳ ⵜⵎⵀⵍⴰ ⵜⴰⵙⴳⵡⴰⵏⵜ ⵟⴰⵟⴰ ⵍⵍⵉⵖ ⵢⵓⴳⵉ ⵢⴰⵏ ⵙⴳ ⵉⵙⵍⵎⴰⴷⵏ ⵍⵍⵉ ⴷⵉⵙ ⵉⵙⵡⵓⵔⵉⵏ ⴰⴷ ⴰⵙ ⵉⴼⴽ ⵉⵏⵍⵎⴰⴷⵏ ⴳ ⵜⵉⵣⵉ ⵏⵏⵙ ⴰⵙⵙ ⵏ 13 ⴽⵟⵓⴱⵕ 2020, ⵓⴳⴳⴰⵔ ⵏ ⵎⴰⵢⴰⴷ, ⵉⵏⵏⴰ ⴰⵙ ⴳ ⵎⵏⵉⴷ ⵏ ⵉⵏⵍⵎⴰⴷⵏ ⵏⵏⵙ ⵎⴰⵙ ⴷ ⵉⵇⵇⴰⵏ ⴰⴷ ⴰⴽⴽⵯ ⵓⵔ ⴰⵇⵇⵔⴰⵏ ⵉⵏⵍⵎⴰⴷⵏ ⵏⵏⵙ ⵜⴰⵎⴰⵣⵉⵖⵜ.

ⴳ ⵜⴰⵏⵏⴰⵢⵜ ⵏⵏⵖ, ⵉⵇⵇⴰⵏ ⴷ ⴰⴷ ⵢⵉⵍⵉ ⵡⴰⵏ ⴰⵏⴰⵡ ⴰⴷ ⵏ ⵉⵙⴽⴽⵉⵔⵏ ⴰⵡⵜⵜⵓ, ⴰⵛⴽⵓ ⵡⴰⵏ ⵜⵉⵖⵜⴰⵙⵉⵏ ⴰⴷ ⵓⵔ ⴳⵉⵏⵜ ⵜⵉⵏ ⵉⵙⵍⵎⴰⴷⵏ, ⴰⵢⵍⵍⵉ ⵖ ⵏⵏ ⵉⵣⵔⵉ ⵓⵙⵍⵎⴰⴷ ⴰⵏⵏ ⵉⵡⵜⵜⴰ ⵏⵏⵙ ⴳ ⵢⴰⵜ ⵜⵙⴳⴰ, ⵉⴳ ⴰⴱⴽⴽⴰⴹ ⵍⵍⵉⵖ ⵉⵔⴰ ⴰⴷ ⵉⴽⴽⵙ ⴰⵣⵔⴼ ⵏ ⵓⵍⵎⵎⵓⴷ ⵏ ⵜⵓⵜⵍⴰⵢⵜ ⵜⴰⵏⴰⵎⵓⵔⵜ ⵉ ⵜⴰⵔⵡⴰ ⵏ ⵜⵎⵓⵔⵜ.

ⴼ ⵎⴰⵢⴰⴷ ⴰⴽⴽⵯ, ⴰⵔ ⵏⵙⵙⵍⴽⴰⵎ ⵉ ⵓⵎⵏⴰⴷ ⴰⵎⴰⵜⵓ ⵎⴰⵢⴰⴷ: 

ⴰⵔ ⵏⵙⵙⵉⵎⵥⵉⵢ:

  • ⵜⴰⵔⵡⴰⵢⵜ ⴷⴰ ⴳ ⵉⵍⵍⴰ ⵓⵙⵙⵍⵎⴷ ⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⴳ ⵜⵉⵏⵎⵍ ⴼⵓⵎ ⵣⴳⵉⴷ ⴳ ⵜⵎⵀⵍⴰ ⵜⴰⵙⴳⵡⴰⵏⵜ ⵟⴰⵟⴰ.
  • ⴳⴰⵔ ⵉⵙⴽⴽⵉⵔⵏ ⴷ ⵉⵡⵏⵏⴰⵏ ⵍⵍⵉ ⴱⴷⴷⴰ ⵉⴽⴽⴰⵜⵏ ⴳ ⵉⵙⵍⵎⴰⴷⵏ ⵏ ⵜⵎⴰⵣⵉⵖⵜ.

ⴰⵔ ⵏⵙⵙⵓⵜⵓⵔ:

  • ⴰⴷ ⵉⵜⵜⵡⴰⵎⴰⵥ ⵓⵣⵔⴼ ⵏ ⵜⵙⵍⵎⴰⴷⵜ ⵎⴳⴰⵍ ⴰⵙⵍⵎⴰⴷ ⴰⵏⵏ, ⵢⵉⵍⵉ ⵣⵓⵏ ⴷ ⵎⴰⵢⴰⴷ ⴰⵡⵜⵜⵓ.

ⴰⵔ ⵏⴰⵇⵇⵔⴰ ⵉ:

  • ⵎⴰⵕⵕⴰ ⵉⵙⴰⵜⵉⵜⵏ ⴷ ⵉⵙⵍⵎⴰⴷⵏ ⴷ ⵜⵙⵍⵎⴰⴷⵉⵏ ⴰⴷ ⴱⵉⴷⴷⵏ ⴷ ⵜⵙⵍⵎⴰⴷⵜ ⵃⴰⴼⵉⴹⴰ, ⴱⵉⴷⴷⵏ ⵎⴳⴰⵍ ⴰⵏⴰⵡ ⴰⴷ ⵏ ⴳⴰⵔ ⵉⵙⴽⴽⵉⵔⵏ ⵍⵍⵉ ⴽⴽⴰⵜⵏⵉⵏ ⴳ ⵜⵎⴰⵣⵉⵖⵜ ⵙⵍⴰⵡⴰⵏ ⴰⴽⴽⵯ ⴳ ⵜⵎⵏⴰⴹⵜ ⵙⵓⵙ ⵎⴰⵙⵙⵜ.
Loading...
%d مدونون معجبون بهذه: