الصفحة الرئيسية

taḍṣa tga tawujilt g uzmz n corona

g uggwas  n corona , tbdda luqt, ṛṛẓan isbbabn , bddan kigan n isnfaṛn (nɣd lmacariԑ) n tussna .

G usggwas n corona , iddɣ ur llin lfrawiḥ , ur llint tmɣriwin, ur llin sswabiԑ , taɣul tga taḍṣa tawujilt .

Tqqur tmazirt, ḍṛn ifrawn gan iwraɣn bla luqt.  izaw wasif , qqurn iɣbula. ruln waman g tuna. ur illi xs’’ corona’’ tnɣa amata g tmizar n ugnsu ula tin bṛṛa .

Imikk, rarn ayt tnbaṭṭ middn s agnsu n tgwmma , ufuɣ n bṛṛa ilaq ɣas i yan , tawriqt n ujrray as illa .

G usgwas n corona lsan middn tikmamin irgzn ula twtmin. Awd yan ur da yad izmummug taḍṣa .

taɣul taḍṣa tga tawujilt ar talla. Xf umaḍal amԑḍuṛ ar talla .amaḍal g izzanza kra  kra ar talla .

awisn is isul diɣ ad nkrz taḍṣa ?  taḍṣa d ikkan ul ,taḍṣa inwan ur dd ikuṛṛan ?

rar at aɣ d  uddur  i taḍṣa, ad tqqim g wulawn nnɣ  amm uldjig ifsan . ad ur nqqim arig tga awd nttat asafar inzzan s takka .

OMAR AIT SAID  Agadir

le 18/09/2020     

Loading...
%d مدونون معجبون بهذه: