زجلية رثاء للمرحوم الصغير عدنان

زجلية رثاء للمرحوم الصغير عدنان ..المتوفى ..اختطافا واغتصابا وتنكيلا بجسده الصغير …
إلى جنة الخلد باذن الله..يا صغيري.
انت الى جنب رب العالمين .وقاتلك …الى نار الجحيم ..في الدنيا والآخرة ..( ان الله يمهل ولا يهمل)..

                    جميلة محمد
————–‐—————‐————-

يا ليل …ي
شحال طواليتي
سالف عبلة وليتي ..

نعست خايف منك …..
هارب من كورونا ..

هارب من عديان…الوقت
كنعرفوهم ويعرفونا ..

داير بحسابهم….
وليت ف زماني…
….. “عنترة ”

..عينية….وراية ..
حطيتهم ف قفاية
باش ما يغفلونا ..

ظنيت عدوية… أجنبي

واش تصدقوا …؟
عدوية من…جنبي

خوية ….جاري…..
من اهلي …واحبابي

ذاك الي ثايق فيه ..

ذاك الساكن يابو
…قدام بابي..

ذاك إلى وصاه
ووصاني عليه النبي
(صل الله عليه وسلم )..

ذاك الي عايش عمري
…خايف علية وعليه
…. وا…. غذرني ..

وا خطف من بين يدي
…عدناني ..
. وا…..رزاني ..

وخلاني بحسرتي.. .
من ..حر الشمتة. ..
….كنعاني….

وا…..دموعي…
ولو بالدم ما كفياني..

ياك …هاذي الفراقة …
دات….الحراقة
دات … المرضى ..
خدات شلة …أبرياء
.

على كل طريق
..وبكل لون ..
اليوم…
تابعاني…السراقة

غفلتني …يالخوت
غفلتيني … يا الموت

من بين يدي
خطفتي عدناني ..

وا….خلاتيني بحسرتي.
.. من حر الشمتة.
. اليوم ..كانعاني…..

فين كنت ؟
فين كان عقلي؟
اشنو عليه لهاني؟

..سؤال .ورا..سؤال .
وخ … أنتم صدقتو ..
وانا شفت بعيوني

وا …عيوني…
والله ما مصدقاني…

واش بصح..هاد شي.. يا وطني…؟!
ولا … اشاعة… وبلعاني ..

جميلة محمد
انا لله وانا اليه راجعون