ⵜⵉⵟⵡⴰⵏ : ⴰⴼⵙⵙⴰⵢ ⵏ ⵢⴰⵜ ⵜⵖⵔⴰⵙⵜ ⵜⴰⴱⵔⵙⴳⴳⵯⴰⴷⵜ ⵉⵎⴰⵏⵏ ⴷ ⵎⴰ ⵎⵓ ⵢⵙⵎ “ⴰⵡⴰⵏⴽ ⵓⵎⵓⵙⵍⵉⵎ” ⴷ ⵓⵙⴱⵉⴷⴷ ⵏ ⴽⵕⴰⴹ ⵉⴳⵎⴰⵎⵏ ⵉⵣⴷⵉⵏ ⴷⵉⴷⵜ
ⵜⵜⴰⵡⵙⴽⴰⵔ ⵜⵎⵀⵍⴰ ⵢⴰⴷ ⴳ ⵓⵙⴰⵜⵉ ⵏ ⵜⵔⵏⵓⵏⵜ ⵏ ⵜⵓⴳⴳⴰⵣ ⴷⴰⵜ ⵏ ⵉⵣⵟⵟⴰⵏ ⵉⴱⵔⵙⴳⴳⵯⴰⵙⵏ ⵍⵍⵉ ⴰⵔ ⵙⵉⴳⴳⵯⵉⵍⵏ ⴰⴷ ⵓⵜⵏ ⴰⴳⵣⵣⵓⵎ ⵏ ⵡⴰⴽⴰⵍ ⴰⵏⴰⵎⵓⵔ.
ⵉⵏⵏⴰ ⵢⴰⵏ ⵓⵙⵉⵡⴹ ⵏ ⵓⵙⵉⵔⴰ ⵉⴹⴼⴰⵕⵏ ⵉ ⵜⵎⵀⵍⴰ ⵜⴰⵎⴰⵜⴰⵢⵜ ⵏ ⵓⵎⴰⵜⵔ ⵏ ⵡⴰⴽⴰⵍ ⴰⵏⴰⵎⵓⵔ, ⵎⴰⵙ ⴰⴽⵛⵛⵓⵎ ⴰⵏⴰⴼⵓⵔ ⵍⵍⵉ ⵙⴽⵔⵏ ⵉⴼⵔⴷⵉⵙⵏ ⵏ ⵜⴳⴳⴰⵍⵉⵏ ⵏ ⵓⵙⵍⵉⴳ ⵉⴹⴼⴰⵕⵏ ⵉ ⵜⵔⴰⴱⴱⵓⵜ ⵏ ⵓⴽⵛⵛⵓⵎ ⴰⵖⴰⵡⴰⵍ, ⵢⵉⵡⵉ ⴰⵙⴱⵉⴷⴷ ⵏ ⴽⵕⴰⴹ ⵉⴳⵎⴰⵎⵏ ⵉⵟⵟⵓⵕⴼⴰⵏ ⵉⴼⴼⵖⵜⵏ ⵛⵛⴽ ⵉⵙ ⵣⴷⵉⵏ ⴷ ⵜⵖⵔⴰⵙⵜ ⵜⴰⴱⵔⵙⴳⴳⵯⴰⴷⵜ ⴰⴷ, ⴰⵡⵜⴰⵢ ⵏⵏⵙⵏ ⴳⵔ 21 ⴷ 38 ⵓⵙⴳⴳⵯⴰⵙ, ⴷ ⵢⴰⵏ ⴳⵉⵙⵏ ⵜⵍⵍⴰ ⴷⴰⵔⵜ ⵜⵓⵇⵇⵏⴰ ⴷ ⵢⴰⵏ ⵓⵎⵏⵣⴰⵖ ⴷ “ⴷⴰⵄⵉⵛ” ⴳ ⵜⵙⴳⴰ ⵜⴰⵙⵓⵔⵉⵜ ⵜⴰⵄⵉⵕⴰⵇⵉⵜ.
ⵉⵙⵓⵍ ⵉⵏⵏⴰ ⵡⵙⵉⵡⴹ ⵎⴰⵙ ⵉⵙⵉⴳⴳⵍⵏ ⵉⵜⵜⵓⵙⴽⴰⵔⵏ ⴳ ⵜⴼⴰⵡⵜ ⵏ ⵉⵏⵖⵎⵉⵙⵏ ⵉⵣⵡⴰⵔⵏ ⵅⴼ ⵉⴳⵎⴰⵎⵏ ⵏ ⵜⵖⵔⴰⵙⵜ ⵜⴱⵔⵙⴳⴳⵯⴰⴷⵜ ⴰⴷ, ⵎⵍⴰⵏ ⵢⴰⵜ ⵜⵎⵣⴷⴰⵖⵜ ⴳ ⵜⵖⵔⵎⵜ ⵜⴰⵇⴱⵓⵕⵜ ⵏ ⵜⵉⵟⵡⴰⵏ, ⵖ ⵎⴰⵏ ⴰⵔ ⵢⴰⴷ ⵍⵍⵉ ⵙⴽⴰⵔⵏ ⵉⵏⴼⵔⴰⵏ ⴷ ⵜⵎⵓⵏⵉⵡⵉⵏ ⵏⵏⵙⵏ ⴷ ⵓⵙⵖⵉⵡⵙ ⵏ ⵉⵙⵏⵜⵉⵏ ⵉⴱⵔⵙⴳⴳⵯⴰⴷⵏ ⵏⵏⵙⵏ.
ⵉⵔⴰ ⵢⵏⵏⴰ ⵡⵙⵉⵡⴹ ⵎⴰⵙ ⵙ ⵉⵏⵖⵎⵉⵙⵏ ⵏ ⵉⴳⵎⴰⵎⵏ ⴰⴷ ⵍⵍⵉ ⵜⵏ ⵉⴼⴼⵖ ⵛⵛⴽ, ⵉⴷⴷⴰ ⵡⵙⵉⵔⴰ ⵙ ⵜⵎⵣⴷⴰⵖⵜ ⴰⴷ ⴷ ⵉⵙⴽⵔ ⴳⵉⵜ ⴰⵙⴼⴷ ⵏ ⴰⴽⴽⵯ ⵎⴰⴷ ⴳⵉⵜ ⵉⵍⵍⴰⵏ, ⴷⴼⴼⵉⵔ ⵍⵍⵉⵖ ⵜⵜⵓⵎⴰⵥⵏ ⴰⴽⴽⵯ ⵉⵙⵡⴰⴷⴷⵓⵏ ⵏ ⵜⵏⴼⵔⵓⵜ ⴷ ⵓⴼⴰⵔⴰⴳ ⵏ ⵙⵙⵍⴰⵎⵜ ⵏ ⵉⵎⵣⴷⴰⵖⵏ ⴷ ⵜⵡⵊⴰⵏⵉⵏ ⵉⴹⴹⵊⴰⵕⵏ.
التعليقات مغلقة.