ⵜⴰⴼⵔⵉⵙⵜ : ⵕⴰⵛⵉⴷⴰ ⴱⵓⵀⵉⵢⵢⴰ
- Portrait- RACHIDA BOUHIA
ⵉⵙⵜⵉ ⵓⴽⴰⴱⴰⵕ ⵏ ⵓⴳⵔⴰⵡ ⴰⵏⴰⵎⵓⵔ ⵉ ⵉⵏⵙⵉⵎⴰⵏⵏ ⴳ ⵜⴰⵎⵏⴱⴰⴹⵜ ⵉⵏⵣⴳⴳⴰⵏ ⴰⵢⵜ ⵎⵍⵍⵓⵍ ⵜⴰⵙⵍⵎⴰⴷⵜ ⵕⴰⵛⵉⴷⴰ ⴱⵓⵀⵉⵢⵢⴰ, ⴰⴷ ⵜⴳ ⵜⴰⵏⵙⵙⵉⵅⴼⵜ ⵏ ⵜⵍⴳⴰⵎⵜ ⵏ ⵜⵎⵖⴰⵔⵉⵏ ⵏ ⵜⵉⵜⴱⵉⵔⵉⵏ ⵜⴰⵏⵙⵎⴰⴷⵜ ⵏ ⵜⵍⴳⴰⵎⵜ ⵏ ⵓⴽⴰⴱⴰⵕ ⴳ ⵜⴳⵔⴰⵡⵜ ⵜⴰⴷⵖⵔⴰⵏⵜ ⵏ ⵜⵎⴷⵉⵏⵜ ⵏ ⵉⵏⵣⴳⴳⴰⵏ.
ⵜⴰⵎⵏⵜⵉⵍⵜ ⵏ ⵓⵙⵜⴰⵢ ⵏ ⵎⴰⵙⵙⴰ ⵕⴰⵛⵉⴷⴰ ⴱⵓⵀⵉⵢⵢⴰ ⵉ ⵜⵎⴰⵙⴰⵢⵜ ⴰⴷ ⵜⴰⵙⵔⵜⴰⵏⵜ ⵜⵥⵍⵉ ⵙ ⵜⴰⴷⵉⵏⴰⵎⵉⵜ ⵏ ⵜⵙⵍⵎⴰⴷⵜ ⴳ ⵉⴳⵔ ⵏ ⵜⵙⵔⵜⵉⵜ ⴷ ⵡⴰⵎⵓⵏ ⴳ ⵜⵎⴷⵉⵏ ⵏ ⵉⵏⵣⴳⴳⴰⵏ, ⴰⵡⴷ ⵎⴰⵙⵙⴰ ⵕⴰⵛⵉⴷⴰ ⴱⵓⵀⵉⵢⵢⴰ ⵜⴱⵓⵖⵍⴰ ⵜⵡⵓⵔⵉ ⵏⵏⵙ ⵜⴰⵣⵣⵓⵍⴰⵏⵜ ⵙ ⵜⵡⵉⵣⵉ ⵏ ⵓⵎⵢⴰⵡⴰⴹ ⵏⵏⵙ, ⴷ ⵜⵓⵜⵍⴰⵢⵢⵉⵏ ⵍⵍⵉ ⵜⵙⴰⵡⴰⵍ ⴰⵎ, ⵜⴰⵎⴰⵣⵉⵖⵜ ⴷ ⵜⵄⵕⴰⴱⵜ ⴷ ⵜⴼⵔⴰⵏⵙⵉⵙⵜ ⴷ ⵜⵏⴳⵍⵉⵣⵜ. ⵕⴰⵛⵉⴷⴰ ⵜⴳⴰ ⵜⴰⵎⵉⵍⴰⵏⵜ ⴳ ⵉⴳⵔⴰⵏ ⵏ ⵓⵎⵢⴰⵡⴰⴹ ⴰⵏⴰⵎⵓⵏ, ⵉⵍⵉⵏⵜ ⴷⴰⵔⵙ ⵜⵣⴷⴰⵢⵢⵉⵏ ⵜⵉⵏⴼⴳⴰⵏⵉⵏ ⵥⵉⵍⵏⵉⵏ.
ⵕⴰⵛⵉⴷⴰ ⴱⵓⵀⵉⵢⵢⴰ ⵜⵙⵡⵓⵔⵉ ⴳ ⵉⴳⵔ ⵏ ⵓⵙⵙⵍⵎⴷ ⵏ ⵜⵓⵜⵍⴰⵢⵜ ⵜⵉⵏⴳⵍⵉⵣⵜ ⴳ ⵓⵙⵉⵏⴰⵏ ⵏ ⵓⵙⵎⵓⵜⵜⴳ ⵙⴳ 2004, ⵜⴳⴰ ⴰⵡⴷ ⵜⴰⵎⵛⵛⵉⵡⴰⵕⵜ ⵜⴰⵙⴳⵎⴰⵏⵜ ⴳ ⵡⴰⵎⵎⴰⵙ ⴰⵙⴳⴰⵡⴰⵏ ⵏ ⵓⵙⴳⵎⵉ ⴷ ⵓⵙⵎⵓⵜⵜⴳ, ⵜⵟⵟⴼ ⵜⵓⴳⴳⵜ ⵏ ⵉⵙⵎⵓⵜⵜⴳⵏ ⴳ ⵉⴳⵔⴰⵏ ⵥⵍⵉⵏⵉⵏ ⵙ ⵓⴹⴼⴼⵓⵕ ⵏ ⵉⵙⵏⴼⴰⵕⵏ ⵏ ⵉⵏⵍⵎⴰⴷⵏ ⴷ ⵓⵙⴳⵎⵉ ⴰⵡⵏⴹⴰⵏ ⴷ ⵓⵎⵢⴰⵡⴰⴹ ⴰⵙⴳⵎⴰⵏ ⴷ ⵜⴰⵎⵓⵏⵜ ⴰⴽⴷ ⵉⵃⵓⴷⵔⵉⵢⵢⵏ. ⵜⴳⴰ ⵕⴰⵛⵉⴷⴰ ⵓⵍⴰ ⵜⴰⵎⵍⵜⴰⵖⵜ ⴳ ⵜⴰⵢⵎⵓⵏⵜ ⵜⵏⴱⴹⴰⵢⵜ ⵏ ⵜⵙⵓⴳⵔⵜ ⵜⴰⵣⵣⵓⵍⴰⵏⵜ, ⵜⴳⴰ ⴰⵡⴷ ⵜⴰⵎⵅⴰⵙⵜ ⵜⴰⵎⵖⵍⴰⵍⵜ ⴷ ⵜⵎⵙⵎⵓⵏⵉⵏ ⵏ ⵉⵎⵙⵏⴰⵍⵏ ⵏ ⵉⵏⵍⵎⴰⴷⵏ.
ⵜⵟⵟⴰⴼ ⵎⴰⵙⵙⴰ ⵕⵛⵉⴷⴰ ⵜⵉⵍⵉⵜ ⵉⴷⵓⵙⵏ ⴳ ⵉⴳⵔ ⴰⵙⵔⵜⴰⵏ ⴷ ⵓⵏⴰⵎⵓⵏ , ⵜⴳⴰ ⵜⴰⵎⵍⵜⴰⵖⵜ ⵉⵙⵙⵓⵎⵙⴰⵏ ⴳ ⵓⴽⴰⴱⴰⵕ ⵏ ⵓⴳⵔⴰⵡ ⴰⵏⴰⵎⵓⵔ ⵉ ⵉⵏⵙⵉⵎⴰⵏⵏ ⴳ ⵉⵏⵙⵣⴳⴳⴰⵏ, ⵜⴰⵎⵖⵏⴰⵙⵜ ⵉⵙⵡⵓⵔⵉⵏ ⴰⴼⴰⴷ ⴰⴷ ⵉⵍⵉ ⴰⵙⴽⵛⵎ ⵏ ⵜⵎⵖⴰⵔⵉⵏ ⴳ ⵓⴷⵖⴰⵔ ⴰⵙⵔⵜⴰⵏ ⴷ ⴰⵏⴰⵎⵓⵏ ⴷ ⴰⴷⵍⵙⴰⵏ.
ⵜⵟⵟⴰⴼ ⵎⴰⵙⵙⴰ ⵕⵛⵉⴷⴰ ⵓⵍⴰ ⵜⵉⴽⴽⵉ ⵜⴰⵙⵏⴼⵍⵓⵍⵜ ⴳ ⵉⴳⵔⴰⵏ ⵏ ⵉⵙⵎⵓⵜⵜⴳⵏ ⵏ ⵉⵎⵓⵙⵙⵓⵜⵏ ⵉⵏⴰⵥⵓⵕⵏ ⴷ ⵉⴷⵍⵙⴰⵏⵏ ⴷ ⵉⵎⴰⵏⵓⵏⵏ, ⴷ ⵓⵎⴰⵎⴽ ⵏ ⵓⴷⵍⴰⴳ ⴷ ⵜⵉⵥⵉⵍⵜ, ⵎⴰ ⴰⴷ ⴰⵙ ⵜⵜ ⵉⵙⵙⵍⴽⵎⵏ ⴰⴷ ⵟⵟⴼ ⵜⴰⵎⵙⵙⵏⵜⵉⵜ ⵉⵙⵡⵓⵔⵉⵏ ⴳ ⵉⴳⵔⴰⵏ ⴰⴷ.
ⴰⵎⵓⵔⵙ ⵉ ⵎⴰⵙⵙⴰ ⵕⴰⵛⵉⴷⴰ ⴳ ⵜⵡⵓⵔⵉ ⴰⴷ ⵜⴰⵎⴰⵢⵏⵓⵜ ⴳ ⵓⴷⵖⴰⵔ ⵏ ⵓⵙⵡⵓⴷⴷⵓ ⵏ ⵉⵙⴽⴽⵉⵏⵏ ⵉⵎⴰⵜⴰⵢⵏ.
ⵜⴰⵙⵍⵡⴰⵢⵜ ⵏ ⵜⵎⵙⵎⵓⵏⵜ ⵜⵜⴰⵏⴰⵡⵡⵓⵔ ⵉ ⵜⵡⵓⵔⵉⵡⵉⵏ ⵜⵉⵏⴰⵎⵓⵏⵉⵏ ⴷ ⵜⴷⵍⵙⴰⵏⵉⵏ ⵍⵍⵉ ⵢⴰⴽⴽⴰⵏ ⵜⵓⴳⴳⵜ ⵏ ⵜⵡⵉⵙⵉⵡⵉⵏ ⵉ ⵉⵏⵍⵎⴰⴷⵏ ⴷ ⵉⴷ ⴱⴰⴱ ⵏ ⵡⴰⵙⵙⴰⵔ.