ⵓⵀⵓ ⵉ ⵜⵎⴰⵜⴰⵔⵜ ⵜⴰⵎⴰⵢⵏⵓⵜ ⵏ ⵜⵖⵔⵎⵜ ⵏ ⵓⴳⴰⴷⵉⵔ

ⴰⵣⵓⵍⴱⵔⵉⵙ //
ⴰⵔ ⵜⴻⵜⵜⴳⴳⴰ ⵜⴰⴹⴰ ⵏ ⵜⵎⵙⵎⵓⵏⵉⵏ ⵏ ⵉⵎⵖⵔⵉⴱⵉⵢⵏ ⴳⴰⵏⵉⵏ ⵜⴰⵔⵡⴰ ⵏ ⵓⴳⴰⴷⵉⵔ ⵣⵓⴳⵏ ⵖ ⵓⵕⵓⴱⴱⴰⵜⴰⵖⵢⵢⵉⵜ ⴼ ⵓⵣⵣⵔⴰⵢ ⵏ ⵓⵙⵇⵇⵉⵎ ⴰⵖⵉⵡⴰⵏ ⵏ ⵓⴳⴰⴷⵉⵔ ⴰⵙⵙ ⵏ 21 ⴽⵟⵓⴱⵕ 2020 ⵉ ⵜⵎⴰⵜⴰⵔⵜ ⵜⴰⵎⴰⵢⵏⵓⵜ ⵏ ⵜⵖⵔⵎⵜ ⵏ ⵓⴳⴰⴷⵉⵔ.
ⴰⵙⵇⵇⵉⵎ ⴰⵖⵉⵡⴰⵏ ⵏ ⵜⵖⵔⵎⵜ ⵏⵏⵖ, ⵓⵔ ⵏⵏ ⵉⴷⵓⵍ ⵙ ⵜⵖⵢⵢⴰ ⵏⵏⵖ, ⵉⵣⵣⵔⵉ ⵢⴰⵜ ⵜⴰⵎⴰⵜⴰⵔⵜ ⵍⵍⵉ ⴷ ⵓⵔ ⵢⵉⵡⵉⵏ ⵡⴰⵍⵓ ⵖ ⵜⵥⵍⴰⵢⵉⵏ ⵏ ⵓⴳⴰⴷⵉⵔ.
ⵜⵉⵣⵣⵉⴳⵣⵜ ⵍⵍⵉ ⵙ ⵉⵙⵙⵏⴼⵍ ⵓⵙⵇⵇⵉⵎ ⴰⴷ ⵜⴰⵎⴰⵜⴰⵔⵜ ⵏ ⵓⴳⴰⴷⵉⵔ ⵓⵔ ⵜⵜ ⵜⵉⵡⵉ ⵖ ⵎⴰ ⵙ ⵜⴳⴰ ⵜⵎⴰⵣⵉⵖⵜ ⵜⵓⵜⵍⴰⵢⵜ ⵜⵓⵏⵚⵉⴱⵜ ⵏ ⵜⵎⴰⵣⵉⵔⵜ ⵏⵏⵖ, ⴷ ⵎⴰ ⵙ ⴳⴰⵏⵜ ⵜⴼⵉⵏⴰⵖ ⴰⵙⴽⴽⵉⵍ ⵏⵏⵙ ⵍⵍⵉ ⵙ ⴰⵔ ⵜⴻⵜⵜⵢⴰⵔⴰ.
ⴰⵔ ⵏⵜⵜⵉⵏⵉ ⵉ ⵓⵙⵇⵇⵉⵎ ⴰⵖⵉⵡⴰⵏ ⵏ ⵓⴳⴰⴷⵉⵔ ⵎⴰ ⵙ ⵢⴰⴳⴳⵓⴳ ⵖⴰⴷ ⵍⵍⵉ ⵉⵙⴽⵔ ⴼ ⵜⴷⵉⵎⵓⴽⵕⴰⵜⵉⵜ ⴷ ⵉⵣⵔⴼⴰⵏ ⵏ ⵓⴼⴳⴰⵏⵍⵍⵉ ⴼ ⵉⵚⵚⴽⴰ ⵓⴷⵓⵙⵜⵓⵔ ⵏ 2011.
ⵜⵉⵖⵢⵢⴰ ⵍⵍⵉ ⵜⵜⴳⴳⴰⵏ ⵉⵎⵣⴷⴰⵖⵏ ⴷ ⵜⵎⵙⵎⵓⵏⵉⵏ ⵙ ⵜⵖⴰⵔⴰⵙⵉⵏ ⴳⴳⵓⵜⵏⵉⵏ, ⴷ ⵍⵍⵉ ⵖ ⵉⵡⵙⵏ ⵉⵎⵖⵔⵉⴱⵉⵢⵏ ⵏ ⵜⵎⵉⵣⴰⵔ ⵏ ⴱⵕⵕⴰ, ⵓⵔ ⵉⵍⵍⵉ ⵎⴰ ⴰⴷ ⵜⵜ ⴳⵉⵙⵏⵜ ⵢⵉⵡⵉⵏ, ⵙⵍⴰⵡⴰⵏ ⴰⴽⴽⵯ ⵉⵎⵙⵜⴳⴳⴰⵔⵏ ⵏ ⵓⵙⵇⵇⵉⵎ ⵏ ⵓⴳⴰⴷⵉⵔ ⵍⵍⵉ ⵓⵔ ⵉⵥⴹⴰⵕⵏ ⴰⴷ ⵎⵍⵏ ⵉ ⵎⴷⴷⵏ ⵎⴰ ⴼ ⵙⵓⵔⵏ ⵍⵍⵉ ⵖ ⵙⵔⵙⵏ ⵜⴰⵎⴰⵜⴰⵔⵜ ⴰⴷ ⵜⴰⵎⴰⵢⵏⵓⵜ ⵍⵍⵉ ⴷ ⴷⴰⵔ ⵓⵔ ⵢⴰⵜ ⵜⵣⴷⴰⵢⵜ ⵀⵍⵍⵉ ⴷ ⵜⵉⵖⵔⵎⵜ ⵏ ⵓⴳⴰⴷⵉⵔ .
ⵖⵉⴽⴰⴷ ⴰⵔ ⵉⵎⵎⴰⵍⴰ ⵎⴰ ⵙ ⴷ ⴰⵢⵜ ⵓⵙⵇⵇⵉⵎ ⴰⵖⵉⵡⴰⵏ ⵏ ⵓⴳⴰⴷⵉⵔ ⴳⴰⵏ ⵎⴳⴰⵍ ⵏ ⵜⴷⵉⵎⵓⴽⵕⴰⵜⵉⵜⴷ ⵓⴷⵓⵙⵜⵓⵔ ⵏ ⵜⵎⴰⵣⵉⵔⵜ ⵏⵏⵖ.
ⵉⵜⵜⵢⴰⵔⴰ ⵖ ⴱⴰⵔⵉⵣ ⴰⵙⵙ ⵏ 28/10/2020

ⵜⵉⵎⵙⵎⵓⵏⵉⵏ ⵉⵙⴳⵎⴹⵏ :
– Agraw n Bariz (Paris/France)
– Agraw (Lille/France)
– AMAF (Orleans/Lille)
– Amistad Marroquí Gallego (Santiago de Compostela / Espagne)
– Almobadara Alhorra (Marbella/Espagne)
– Assemblée Mondiale Amazigh (Bruxelles/Belgique)
– Coordination Akal Europe (Paris/France)
– Franco-Amazigh (Mulhouse/France)
– Horizon Sud (Argenteuil/France)
– Imdoukkal n Ait Souss (Bruxelles/Belgique)
– Tamaynut France (Clichy/France)
– Tamounte STG (Waregem/Belgique)
– Tifawin (Bruxelles/Belgique)
– Tiwizi59 (Lille/France)