الصفحة الرئيسية

ⴷ ⵜⴰⴽⵍⵓⵜ ⵉⵖⵓⵙⴰⵏ, ⴰⴽⴽⴰ ⵉ ⵍⵍⵉⵖ… D taklut iɣusan, akka i lliɣ

ⴷⵉⵖ ⵥⵔⵉⵖ ⴷ ⴰⴽⴽⴻⵏ
ⵉⴳⴻⵍⵍⵉⵍⴻⵏ ⴰⵎ ⵏⴻⴽⴽ
ⵓⵔ ⵃⵎⵎⵉⵍⴻⵏ ⴰⵔⴰ ⵜⴰⵎⴻⴷⵢⴻⵣⵜ
ⵥⵔⵉⵖ ⴷ ⴰⴽⴽⴻⵏ
ⵜⵉⵏ ⵃⴻⵎⵎⵍⴻⵖ, ⵜⴰⵄⵣⵉⵣⵜ-ⵉⵡ
ⵓⵔ ⵜⴻⵃⵎⵎⵉⵍ ⴰⵔⴰ ⵜⴰⵎⴻⴷⵢⴻⵣⵜ
ⵥⵔⵉⵖ ⴷ ⴰⴽⴽⴻⵏ
ⴰⵢⵖⴻⵔ ⵉ
ⵜⵜⴷⴻⴳⴳⵉⵔⴻⵖ ⴰⴽⵓⴷ-ⵉⵡ ⵇⵇⴰⵔⴻⵖ-ⴷ
ⵜⵉⴷⴻⵜ ⴷ ⵡⴰⴼⵔⴰⵢⴻⵏ ⵉ
ⴷⴷⵓⵏⵉⵜ ⴰⵏⴷⴰ ⵉ
ⵥⵔⵉⵖ ⴷ ⴰⴽⴽⴻⵏ
ⵉⵎⴻⵕⴽⴰⵏⵜⵉⵢⴻⵏ ⵃⴻⵎⵎⵍⴻⵏ ⴰⴷ ⵙⵍⴻⵏ
ⵉ ⵜⵎⴻⴷⵢⴻⵣⵜ ⵢⴻⵔⵏⴰ ⴰⴷ ⵜⵜ-ⵖⵔⴻⵏ ⴰⵛⴽⵓ
ⵓⵔ ⵜⴻⵏ-ⵜⴻⵔⵣⵉ ⴰⵔⴰⵜⵄⴻⴽⴽⴻⵎⵜ ⵥⵥⴰⵢⴻⵏ
ⵙ ⵓⵖⵉⵍⵉⴼ ⵖⴻⵣⵣⵉⴼⴻⵏ
ⴰⵎ ⵡⵉⵏ ⵉ ⵏⴻⵜⵜⵉⴷⵉⵔ
ⵥⵔⵉⵖ ⴷ ⴰⴽⴽⴻⵏ
ⵢⵉⵡⴻⵏ ⵢⵉⴹ ⵏ ⵜⵣⵉⵔⵉ
ⵉⵏⴻⵙⴱⵓⵖⴰⵔ ⵇⵇⴰⵔⴻⵏ, ⵛⴻⵏⵏⵓⵏ
ⵎⴻⴱⵍⴰ ⴽⵔⴰ ⵏ ⵓⵖⵉⵍⵉⴼ
ⵎⴰ ⴷⵉⵎⴻⵖⴱⴰⵏ ⵜⵜⵖⵉⵎⵉⵏ ⴷ ⵉⵎⴻⵖⴱⴰⵏ
ⵉⵎⴻⵕⴽⴰⵏⵜⵉⵢⴻⵏ ⴷⵉⵎⴻⵕⴽⴰⵏⵜⵉⵢⴻⵏ
ⵥⵔⵉⵖ ⴷ ⴰⴽⴽⴻⵏ
ⵓⵔ ⵜⵜⵓⵖⴰⵍⴻⵜ ⴰⵔⴰ ⴷ ⵉⵄⴻⵍⵍⵓⴹⴻⵏ ⴰⵎ ⵏⴻⴽⴽ
ⵖⴻⴼ ⵡⴰⵢⴰ ⵉ ⴱⴻⴳⵙⴻⵖ
ⴰⴷ ⵔⵔⴻⵖ ⵉⵎⵔⵓ-ⵉⵏⵓ
ⴰⴷ ⵏⴰⴷⵉⵖ ⵉⵙⴻⴼⵔⴰ
ⴷⴻⴳ ⵍⴻⴵⵢⵓⴱ ⵏ ⵓⵎⴻⵙⴱⴰⵖⵓⵔ
ⵥⵔⵉⵖ ⴷ ⴰⴽⴽⴻⵏ
ⴰⵛⴽⵓ ⵍⵃⵉⴼ ⵢⴻⵔⵥⴰ-ⵢⵉ
ⵏⵏⴰⵏ-ⵉⵢⵉ-ⴷ ⵏⴻⴽⴽ ⴷ ⴰⵎⴻⴷⵢⴰⵣ
ⵓⵔ ⵏⴻⵙⵄⵉ ⵣⵀⴻⵔ, ⵢⴻⵜⵜⵡⴰⴼⴻⵍⵙⴻⵏ, ⵓⵔ ⵏⴻⴽⵙⵉⴱ ⴷⵓⵕⵓ
ⵉⵍⴰⵇ ⴰⴷ ⴷ-ⵜⴻⴷⵀⵓⴹ ⴷ ⵢⵉⵎⴰⵏ-ⵉⴽ
ⵜⴰⵎⴻⴷⵢⴻⵣⵜ ⵎⴰⵞⵞⵉ ⴷ ⵜⴰⵏⴻⵣⵣⵓⵜ
ⵎⴰⵞⵞⵉ ⴷ ⴰⵇⴻⴷⴷⵉⵛ
ⴷ ⴰⵛⵎⵓⵎⴻⵃ ⵉ ⵓⵏⴻⵙⴱⴰⵖⵓⵔ ⵢⴻⵡⵡⵉⵏ ⵜⴰⵙⵜⴰⵖⵜ-ⵉⵙ.
ⵥⵔⵉⵖ ⴷ ⴰⴽⴽⴻⵏ
ⴷⵉⵖ ⴰⴳⴻⵍⵍⵉⵍ ⴰⴷ ⵢⴻⵇⵇⵉⵎ ⴷ ⵉⴳⴻⵍⵍⵉⵍ
ⵎⴰ ⴷ ⴰⵏⴻⵙⴱⴰⵖⵓⵔ ⵢⴻⵖⵔⴰ ⵜⵉⵎⵓⵖⴱⴻⵏⵜ ⵙ ⵓⵛⵎⵓⵎⴻⵃ
ⴰⴷ ⵢⵓⵖⴰⵍ ⴰⴷ ⴽ-ⵉⵏ-ⵢⴰⵔⵓ ⵢⵉⵡⴻⵏ ⵓⵡⴻⵏⵏⵉⵜ :
« ⴽⴻⵞⵞ ⴷ ⴰⵎⴻⴷⵢⴰⵣ ⴰⵎⴻⵇⵇⵔⴰⵏ,
ⴷ ⴰⴹⵔⵉⵙ ⵉⴳⴻⵔⵔⵣⴻⵏ,
ⴳⴻⴷⵀⴰ,
ⵔⵏⵓ ⴰⵔⴻ-ⴰⵖ-ⴷ.
ⵄⴻⵎⵎⵍⴻⵃ ⵏⴻⵣⵣⴻⵀ ⴰⵢⴻⵏ ⴰⴽⴽⴰ ⵉ ⵜⴻⵜⵜⴰⵔⵓⴹ,
ⵜⴻⵜⵖⴻⵍⵇⴻⴹ, ⴷ ⴰⵢⴻⵏ ⵉⴼⴰⵣⴻⵏ ! »
ⵥⵔⵉⵖ ⴷ ⴰⴽⴽⴻⵏ
ⵎⴰⵛⴰ, ⵜⵜⴰⵔⵓⵖ ⵓⵔⴼⴰⵏ-ⵉⵡ
ⵜⵓⴷⴻⵔⵜ-ⵉⵡ, ⴰⵎⴻⵣⵔⵓⵢ-ⵉⵡ,
ⵏⴻⴽⴽ ⴷ ⵉⴳⴻⵍⵍⵉⵍ, ⵢⴻⵜⵜⵡⴼⴻⵍⵙⴻⵏ,
ⵉⴹⴰⵄⴻⵏ, ⵢⴻⵖⵍⵉⵏ, ⵢⴻⵜⵜⵎⴻⵏⵟⴰⵔⴻⵏ.
« ⴽⴻⵎⵎⴻⵍ ⴰⵔⵓ-ⴰⵖ-ⴷ,
ⵖⵓⵔ-ⴽ ⵢⵉⵡⴻⵜ ⵏ ⵜⵉⵔⴰ ⴷ ⵜⴰⵎⴻⵕⴽⴰⵏⵜⵉⵜ. »
ⵥⵔⵉⵖ ⴷ ⴰⴽⴽⴻⵏ
ⴷⴷⵓⵏⵉⵜ ⵜⴻⵜⵜⵎⴻⵏⵢⵉⴽ ⵢⵉⵙ-ⵉ
ⵎⵉ ⵜⵜⴰⵔⵓⵖ ⵉⵃⵓⵍⴼⴰⵏ-ⵡ,ⵥⵔⵉⵖ ⴷ ⴰⴽⴽⴻⵏ…
ⴰⴷ ⴵⴵⴻⵖ ⵜⵉⵔⴰ
ⵜⴰⴷⴼⵉ-ⴰ ⵏ ⵓⵎⴻⵙⴱⴰⵖⵓⵔ ⵓⵔ ⵏⴻⵙⵙⵉⵏ ⵓⵔⴼⴰⵏ,
ⴷ ⴰⵍⴻⵅⵍⴻⵅ-ⴰ ⵏ ⵜⵏⴻⵙⴱⴰⵖⵓⵔⵜ ⵢⴻⴼⴽⴰⵏ ⴰⴽⴽ ⵍⵡⵉ,
ⵥⵔⵉⵖ ⴷ ⴰⴽⴽⴻⵏ…

ⴰⵙⴻⴼⵔⵓ ⵏ ⴻⵙⵙⴰⵉⴷ ⵎⴰⵏⵙⵓⵔⵉ.
ⵜⴰⵙⵓⵖⴻⵍⵜ ⵏ ⵎⴰⵍⴻⴽ ⵃⵓⴷ.

D taklut iɣusan, akka i lliɣ…
Diɣ ẓriɣ d akken
Igellilen am nekk
Ur ḥmmilen ara tamedyezt
Ẓriɣ d akken
Tin ḥemmleɣ, taɛzizt-iw
Ur teḥmmil ara tamedyezt
Ẓriɣ d akken
Ayɣer i
Ttdeggireɣ akud-iw qqareɣ-d
Tidet d wafrayen i
Ddunit anda i
Ttidireɣ ur qqaren ara ?
Ẓriɣ d akken
Imeṛkantiyen ḥemmlen ad slen
I tmedyezt yerna ad tt-ɣren acku
Ur ten-terzi ara
Tɛekkemt ẓẓayen
S uɣilif ɣezzifen
Am win i nettidir
Ẓriɣ d akken
Yiwen yiḍ n tziri
Inesbuɣar qqaren, cennun
Mebla kra n uɣilif
Ma d imeɣban ttɣimin d imeɣban
Imeḳantiyen d imeṛkantiyen
Ẓriɣ d akken
Ur ttuɣalet ara d iɛelluḍen am nekk
Ɣef waya i begseɣ
Ad rreɣ imru-inu
Ad nadiɣ isefra
Deg leǧyub n unesbaɣur
Ẓriɣ d akken…
Acku lḥif yerẓa-yi
Nnan-iyi-d nekk d amedyaz
Ur nesɛi zher, yettwafelsen, ur neksib duṛu
Ilaq ad d-tedhuḍ d yiman-ik
Tamedyezt mačči d tanezzut,
Mačči d aqeddic
D acmumeḥ i unesbaɣur yewwin tastaɣt-is.
Ẓriɣ d akken…
Diɣ igellil ad yeqqim d igellil
Ma d anesbaɣur yeqqar timuɣbent s ucmumeḥ
Ad yuɣal ad k-in-yaru yiwen uwennit :
« Kečč d amedyaz ameqqran,
D aḍris igerrzen,
Gedha,
Rnu aru-aɣ-d.
Ḥemmleɣ nezzeh ayen akka i tettaruḍ,
Tetɣelqeḍ, d ayen ifazen ! »
Ẓriɣ d akken…
Maca, ttaruɣ urfan-iw
Tudert-iw, amezruy-iw,
Nekk d igellil, yettwafelsen,
Iḍaɛen, yeɣlin, yettmenṭaren.
« Kemmel aru-aɣ-d,
Ɣur-k yiwet n tira d tameṛkantit. »
Ẓriɣ d akken…
Ddunit tettmenyik yis-i
Mi ttaruɣ iḥulfan-iw,
Ẓriɣ d akken…
Ad ǧǧeɣ tira
Tadfi-a n unesbaɣur ur nessin urfan,
D alexlex-a n tnesbaɣurt yefkan akk lwi,
Ẓriɣ d akken…

Asefru n Essaid Manssouri.
Tasuɣelt n Malek Houd.

Une peinture fissurée que je suis…

Et je sais que
Les pauvres comme moi-même
N’aiment pas la poésie
Je sais que
Ma bien-aimée, ma chérie
N’aime pas la poésie
Je sais que
Pourquoi est-ce que
Je perds mon temps à dire
Des vérités et des sentiments que
Le monde dans lequel
Je vis ne lit pas ?
Je sais que…
Les bourgeois aiment entendre
De la poésie et la lire parce qu’ils
Ne sont pas habités
Par un lourd fardeau,
Un profond souci
Comme celui dont on vit
Je sais que…
Une soirée éclairante
Les bourgeois lisent et chantent
Sans aucun souci
Et les pauvres restent pauvres
Et les riches riches
Je sais que…
Ne soyez pas idiot comme moi,
C’est pourquoi j’ai décidé
De mettre ma plume
Et de chercher des poèmes
Dans la poche d’un riche
Je sais que…
Parce que la pauvreté m’a détruit,
Ils m’ont dit que je suis un poète
Malchanceux, tout ruiné, sans fortune,
Tu devrais penser à ta vie
La poésie n’est pas un commerce,
N’est pas un service,
C’est un sourire pour un bourgeois retraité.
Je sais que…
Et le pauvre reste pauvre
Et le riche lit ta pauvreté en souriant
Puis il t’écrit un commentaire :
“T’es un grand poète,
Très beau texte,
bravo,
continue à nous écrire.
J’adore ce que tu nous écris,
Superbe, splendide !”
Je sais que…
Mais, j’écris mes peines
Et ma vie, mon histoire,
Je suis un pauvre, ruiné,
Perdu, prostré, errant.
“Continue à nous écrire,
Tu as une plume riche.”
Je sais que…
La vie se déconne de moi
Quand j’écris mes émois,
Je sais que…
J’arrêterai l’écriture
Ce plaisir d’un bourgeois insouciant,
Ce régal d’une bourgeoise nonchalante,
Je sais que…

Essaid Manssouri.

اترك رد

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

%d مدونون معجبون بهذه: