ⴰⵣⴰ : ⴰⴳⵏⴰⵔ ⵏ ⵉⵙⴳⴳⵯⴰⵙⵏ ⵏ ⵓⴼⵔⵓⵔⵉ ⵏ ⵓⵥⴰⵡⴰⵏ ⴰⵎⴰⵣⵉⵖ ⴳ ⵎⵉⵔⵉⴽⴰⵏ
ⵕⵕⴱⴰⵟ – ⵉⵍⵓⵍ ⵓⴳⵔⴰⵡ “ⴰⵣⴰ” ⵙ ⵜⵙⵏⵜⴰⵢⵜ ⵏ ⵙⵉⵏ ⵉⵏⴰⵥⵓⵕⵏ ⵉⵎⵖⵔⴰⴱⵉⵢⵏ ⵣⴷⵖⵏⵉⵏ ⴳ ⵎⵉⵔⵉⴽⴰⵏ, ⴷ ⵉⵎⵍⴰ, ⵙⴳ ⵍⴰⵃⵡⴰⵍ ⵏ ⵓⴳⵏⴰⵔ ⵏ ⵉⵙⴳⴳⵯⴰⵙⵏ, ⴰⴼⴰⵍⴽⵉ ⵍⵍⵉ ⵜⵥⴹⴰⵕ ⵜⵣⵡⴰⴳⵜ ⵜⴰⵥⴰⵡⴰⵏⵜ ⵜⴰⵎⵖⵔⴰⴱⵉⵜ ⴰⴷ ⵜⵍⴽⵎ.
ⵜⵍⵓⵍ “ⴰⵣⴰ” ⴳ ⵜⵎⴰⵣⵉⵔⵜ ⵏ ⵎⵉⵔⵉⴽⴰⵏ ⴳ 2003 ⵙ ⵜⵙⵏⵜⴰⵢⵜ ⵏ ⴼⵜⵜⴰⵃ ⵄⴱⴱⵓ ⴷ ⵎⵓⵃⵎⵎⴷ ⴰⵡⴰⵍⵓ. ⵉⵍⵓⵍ ⵎⵓⵃⵎⵎⴷ ⴰⵡⴰⵍⵓ ⴳ ⵜⵙⴳⴰ ⵏ ⵡⵔⵣⴰⵣⴰⵜ, ⴷ ⵉⵜⴰⴱⵄⴰ ⴰⵥⴰⵡⴰⵏ ⴰⴱⵕⵕⴰⵏⵉ ⵏ ⵜⴰⴳⵓⵜ, ⵎⴰⵛ ⵉⵣⴷⵉ ⴱⴷⴷⴰ ⴷ ⵓⵥⴰⵡⴰⵏ ⴰⵎⴰⵣⵉⵖ ⴰⴷⵖⵔⴰⵏ ⵏ ⵜⵙⴳⴰ ⵍⵍⵉⵖ ⵉⵏⴽⵔ. ⵢⵓⵔⴰⵔ ⵢⴰⴷ ⵍⵍⵉ ⴷ ⵎⵏⵏⴰⵡ ⵏ ⵉⵏⴰⵥⵓⵕⵏ ⵉⵜⵜⴰⵡⵙⴰⵏⵏ ⴳ ⵡⵔⵣⴰⵣⴰⵜ, ⵣⵓⵏⴷ ⵎⵓⵃⵎⵎⴷ ⵎⵍⵍⴰⵍ, ⴷⴰⵜ ⴰⴷ ⵉⴷⴷⵓ ⵉⵣⴷⵖ ⴳ ⵎⵉⵔⵉⴽⴰⵏ ⵙⴳ 1998.
ⴼⵜⵜⴰⵃ ⵄⴱⴱⵓ ⵉⵏⴽⵔ ⴳ ⵉⵎⵉ ⵏ ⵜⴰⵏⵓⵜ (ⵜⴰⵙⴳⴰ ⵏ ⵛⵉⵛⴰⵡⴰ). ⴳ ⵢⴰⵏ ⵓⵎⵙⵏⴰⵍⴰ ⵜ ⵜⴰⴳⴳⵓⵔⵜ ⵜⴰⵎⴰⵣⵉⵖⵜ ⵏ ⵜⵙⵏⵓⵕⴰⵢⵜ ⵜⵎⵖⵔⴰⴱⵉⵜ ⵏ ⵜⵏⵖⵎⴰⵙⵜ, ⵉⵏⵏⴰ ⵉⵙ ⵉⵍⵎⴷ ⴰⴷ ⵉⵔⴰⵔ ⵓⵥⴰⵡⴰⵏ ⴰⵎⴰⵣⵉⵖ ⵙⴳ ⵍⵍⵉⵖ ⵉⵟⵟⴰⴼ ⵙⴰ ⵏ ⵉⵙⴳⴳⵯⴰⵙⵏ, ⴷ ⵉⵃⵎⵍ ⵢⴰⴷ ⵍⵍⵉ ⴰⵃⵡⴰⵛ ⴷ ⵜⴰⵙⴽⵉⵡⵉⵏ ⴷ ⵕⵕⵡⴰⵢⵙ. ⴳ 2000, ⵉⴷⴷⴰ ⵙ ⵎⵉⵔⵉⴽⴰⵏ ⵍⵍⵉⵖ ⵉⵙⴽⵔ, ⵏⵜⵜⴰⵏ ⴷ ⵎⵓⵃⵎⵎⴷ ⴰⵡⴰⵍⵓ, ⴰⴳⵔⴰⵡ “ⴰⵣⴰ” ⴳ ⵚⴰⵏⵟⴰ ⴽⵔⵓⵣ, ⴳ ⴽⴰⵍⵉⴼⵓⵕⵏⵢⴰ.
التعليقات مغلقة.