ⴰⵙⵉⵡⴹ ⵏ ⵜⴰⴹⴰ ⵜⴰⵎⵖⵔⴰⴱⵉⵜ

ⴰⵙⵉⵡⴹ ⵏ ⵜⴰⴹⴰ ⵜⴰⵎⵖⵔⴰⴱⵉⵜ :

ⵙ ⵜⵓⴳⵜ ⵏ ⵜⵓⵎⵔⵜ ⴷ ⵓⵣⵔⴰⴽ ⴰⵙ ⵜⵎⵔⴰⵔⴰ ⵜⴰⴹⴰ ⵜⴰⵎⵖⵔⴰⴱⵉⵜ ⵉ ⵜⵎⵏⴰⴳⴰⵔⵉⵏ ⵜⵉⵏⴰⵎⵓⵔⵉⵏ, ⴷⴰ ⵉⵜⵜⵡⴰⵙⵙⵏⵏ ⵙ “ⵜⴰⴹⴰ ⵜⴰⵎⵖⵔⴰⴱⵉⵜ”, ⴰⴽⴷ ⵜⵓⵎⴰⵢⵉⵏ ⵏ ⵉⵏⴰⵡ ⴰⴳⵍⴷⴰⵏ ⴰⵎⵣⵔⴰⵢ ⵏⵏⴰ ⵉⴳⴳ ⴱⴰⴱ ⵏ ⵡⴰⴷⴷⵓⵔ ⴰⵅⴰⵜⴰⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵚⴹⵉⵚ ⵙ ⵜⵎⵍⴷⴰ ⵏ ⵓⴽⵜⵜⵓⵢ ⵏ ⵜⴳⵔⴰⵡⵍⴰ ⵏ ⵓⴳⵍⵍⵉⴷ ⴷ ⵓⵎⴰⴷⴰⵏ. ⵙ ⵓⵙⵓⵍⴼ ⴰⴷ ⴷⴰ ⵜⴻⵜⵜⵍⴰⵖⵉ “ⵜⴰⴹⴰ ⵜⴰⵎⵖⵔⴰⴱⵉⵜ”:

1. ⴰⵙⵜⴰⵢ ⵏ ⴱⴰⴱ ⵏ ⵡⴰⴷⴷⵓⵔ ⴰⵅⴰⵜⴰⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵚⴹⵉⵚ ⵉ ⵓⴽⵜⵜⵓⵢ ⵏ ⵜⴳⵔⴰⵡⵍⴰ ⵏ ⵓⴳⵍⵍⵉⴷ ⴷ ⵓⵎⴰⴷⴰⵏ ⵃⵎⴰ ⴰⴷ ⵉⵣⵎⵎⴻⵎ ⵜⴰⵥⵖⵓⵕⵜ ⵏ ⵓⵎⵣⵔⵓⵢ ⵏ ⵓⵡⴰⵏⴽ ⴰⵎⵖⵔⵉⴱⵉ ⴷ ⵓⵎⵣⵔⵓⵢ ⴰⵎⴰⵣⵉⵖ ⵏ ⵍⵎⵖⵔⵉⴱ ⴷⴰ ⵢⵓⵜⵏ ⵙ ⵓⵥⵓ ⴷ ⵉⵥⵓⵕⴰⵏ, ⵢⵓⵙⴰ ⴷ ⴳ ⵓⵎⵏⴰⴹ ⵏ ⵢⴰⵜ ⵜⴳⵔⴰⵡⵍⴰ ⵜⴰⴳⵍⴷⴰⵏⵜ ⴷⴰ ⵉⵙⵔⵙⵏ ⵉⴼⵔⵉⵙⵏ ⵏⵏⵙ ⴳ ⵉⵏⴰⵡ ⵏ ⵓⴷⴰⴱⵓ ⴰⵙⴳⴳⵯⴰⵙ ⵏ 2001 ⴷ ⵉⵏⴰⵡ ⵏ ⵓⵊⴷⵉⵔ 17 ⴽⵟⵓⴱⵕ ⴰⵎⵔ ⵜⴰⴳⵔⴰⵡⵍⴰ ⴰⵏⵏ, ⵉⵎⵙⴷⴷⵉ ⵏ ⵓⵙⵓⵎⵓ ⵏ ⵜⵎⴰⵣⵉⵖⵜ ⵓⵔ ⴰⴷ ⵉⵣⵎⵔ ⴰⴷ ⵢⴰⴼ ⴰⴱⵔⵉⴷ ⵏⵏⵙ ⵙ ⵜⵉⵍⴰⵡⵜ, ⵜⵙⵎⴰⵢⵏⵓ ⵜⵎⵙⵍⵉⴷⵜ ⵜⴰⵎⵖⵔⵉⴱⵉⵜ “ⵜⴰⵎⵖⵔⴰⴱⵉⵜ” ⵉⴷⴰⵎⵎⵏ ⵏⵏⵙ ⵃⵎⴰ ⴰⴷ ⵜⵉⵍⵉ ⴳ ⵓⵙⵡⵉⵔ ⵏ ⵉⵏⴰⵥⴰⵕⵏ ⵉⵙⴳⴰⵡⴰⵏⵏ ⴷ ⵉⵎⵏⵥⴰⵡⵉⵜⵏ ⴷ ⵉⴳⵔⴰⵖⵍⴰⵏⵏ.
2. ⴰⵙⵙⴽⵜⵉ ⵏ ⵓⴳⵍⵍⵉⴷ ⵉ ⵉⵎⵖⵔⵉⴱⵉⵢⵏ ⵙ ⵜⴷⵔⵓⵜ ⵏ ⵓⵎⵣⵔⵓⵢ ⵏⵏⵙⵏ ⴳ ⵓⵣⵎⵣ ⴰⴷ ⵍⵍⵉⴳ ⵜⵍⵍⴰ ⵜⵎⴰⵣⵉⵔⵜ ⵏⵏⵖ ⵎⴳⴰⵍ ⵏ ⵜⵓⴳⵜ ⵏ ⵉⵏⴰⵥⴰⵕⵏ, ⴰⵙⴷⴷⵉⴷ ⵎⴰⵙ ⴷ ⵜⵉⵎⴽⵜⵉⵜ ⵜⴰⵎⵣⵔⴰⵢⵜ ⴷ ⵉⵥⵓⵕⴰⵏ ⵏⵏⵙ ⵖⵓⵔⵙ ⵢⴰⵜ ⵜⵉⵍⴰⵍⵜ ⵜⴰⵎⵇⵇⵔⴰⵏⵜ ⵅⴼ ⵓⴽⴰⵎ ⵏ ⵉⵎⵖⵔⵉⴱⵉⵢⵏ ⴰⴼⴰⴷ ⴰⵎⵣⴰⵖ ⵅⴼ ⵜⵉⵙⵓⵎⴰⵔ ⵜⵉⵎⵇⵔⴰⵏⵉⵏ ⵏ ⵜⵎⵜⵜⵉ ⵜⴰⵎⵖⵔⵉⴱⵉⵜ ⴷ ⵜⵎⵔⵙⴰⵍ ⵏ ⵓⵡⴰⵏⴽ ⵏ ⵍⵎⵖⵔⵉⴱ.

ⵉⴷⴷⵖ ⴰⵎⵣⵔⵓⵢ ⵓⵔ ⵉⴳⵉ ⵡⴰⴷ ⵉⵜⵜⴱⴷⴷⴰⴷⵏ, ⴷ ⵓⵔ ⵉⴳⵉ ⵖⴰⵙ ⵜⵉⵎⵙⴰⵔⵉⵏ ⵣⵔⵉⵏⵉⵏ, ⴷ ⴰⵎⵉⵍⴰⵏ ⴷⴰ ⵏⵜⵜⴷⴷⵔ, ⵎⵉⵏⵣⵉ ⴰⵎⵉⵍⴰⵏ ⴷ ⵜⴰⵡⴰⵏⵜ ⵏ ⴰⵢⵍⵍⵉ ⵉⵣⵔⵉⵏ, ⴰⵡⴷ ⴰⵎⵣⵔⵓⵢ ⵉⴳⴰ ⵉⵎⴰⵍ ⴰⵏⵏ ⵍⵍⵉ ⵔⴰⴷ ⵏⴷⴷⵔ, ⴷ ⵜⵓⵚⴽⴰ ⵏ ⵉⵎⴰⵍ ⴷⴰ ⵜⴻⵜⵜⴱⴷⴷⴰⴷ ⵅⴼ ⵜⵔⵙⴰⵍ ⵏ ⵜⵎⴽⵜⵉⵜ ⵜⴰⵎⵣⵔⴰⵢⵜ.

3. ⴳ ⵓⵎⵣⵔⵓⵢ ⵏ ⵜⵎⴰⵣⵉⵔⵜ ⵏⵏⵖ ⵜⵓⴳⵜ ⵏ ⵜⵎⵙⵉⵔⵉⵏ ⵍⵍⵉ ⵙ ⴷ ⵉⵇⵇⴰⵏ ⴰⴷ ⵜⵏⵜ ⵏⴰⴽⵯⵣ ⵜⴰⵙⵓⵜ ⵅⴼ ⵜⴰⵙⵓⵜ, ⵉⴷⴷⵖ ⴰⵎⵓⵔⵙ ⵏ ⵡⵉⴷ ⵣⵔⵉⵏⵉⵏ ⴳ ⵓⵙⵡⵓⴷⴷⵓ ⵏ ⵉⵃⵓⴽⴽⵓⵜⵏ ⴰⴽⴷ ⵜⵣⵎⵎⴰⵔ ⵜⵉⵅⴰⵜⴰⵔⵉⵏ ⴷ ⵉⵍⴰⴽⵏ ⵏ ⵓⵙⵉⵔⵉⵡ ⵏⵏⵙⵏⵜ, ⵙⴳ ⵓⴳⴳⴰⵔ ⵏ ⵓⴳⵏⴰⵔ ⴷ ⴽⵕⴰⴹ ⴷ ⵎⵔⴰⵡ ⵏ ⵜⴰⵙⵓⵜ, ⴷ ⵜⵣⵎⵔⵜ ⵏⵏⵙ ⵅⴼ ⵓⵙⵡⵓⴷⴷⵓ ⵏ ⵉⵏⴰⵥⴰⵕⵏ ⵉⵣⴷⵉⵏ ⵙ ⵡⴰⵏⵙⴰ ⴰⵊⵢⵓⵙⵜⵔⴰⵜⵉⵊⵉ ⵏ ⵜⵎⴰⵣⵉⵔⵜ ⵏⵏⵖ ⴷ ⵓⵙⴱⴷⴷⵉ ⵏ ⵉⵍⴰⴽⵏ ⵏ ⵓⵙⵉⵔⵉⵡ ⵏ ⵜⵎⵏⵓⴽⴷⴰ ⵍⵍⵉ ⵉⵏⴱⴹⵏ ⵉⵍⵍ ⴰⴳⵔⴰⴽⴰⵍ, ⵉⵇⵇⴰⵏ ⴷ ⴰⴷ ⵢⵉⵍⵉ ⴳ ⵡⴰⵎⵎⴰⵙ ⵏ ⵜⵏⴽⵔⴰ ⵜⴰⵏⴰⵎⵓⵔⵜ ⴷ ⵜⵙⵔⵜⴰⵏⵜ. ⴳ ⵜⵎⵙⵉⵔⵉⵏ ⴰⵏⵏ ⵜⵉⵏⴼⴰⵙ ⵜⵉⵎⵣⵔⴰⵢⵉⵏ ⵍⵍⵉ ⵙ ⴷ ⵉⵇⵇⴰⵏ ⴰⴷ ⵜⴻⵜⵜⵡⴰⵍⵙⵏⵜ ⵉ ⵜⴰⵔⵡⴰ ⵏ ⵜⵎⵓⵔⵜ ⵏⵏⵖ, ⴰⴼⴰⴷ ⴰⴷ ⵙⵙⵏ ⴰⵢⵍⵍⵉ ⴳⴳⵏ ⵡⵉⵍⵍⵉ ⵣⵔⵉⵏⵉⵏ ⵃⵎⴰ ⵜⵉⴳⴰⵡⵜ ⵏ ⵉⴳⴳⵉⵜⵏ ⴷ ⵢⵓⵙⴰⵏ ⴷ ⵓⵎⵣⵔⵓⵢ ⴰⵅⴰⵜⴰⵔ ⵏ ⵜⵎⵜⵜⵉ ⵜⴰⵎⵖⵔⵉⴱⵉⵜ.

ⵉⴼⵔⵉⵙⵏ ⵉⵎⵣⵔⴰⵢⵏ ⵏ ⵉⴷ ⴱⴰⴱⵜⵏⵖ ⵉⵎⵇⵇⵔⴰⵏⵏ ⵓⵔ ⴳⵉⵏ ⵖⴰⵙ ⵜⵉⵎⵙⴰⵔⵉⵏ ⵜⵉⵎⵣⵔⴰⵢⵉⵏ, ⴳⴰⵏ ⵢⴰⵜ ⵜⴳⵔⴰⵡⵍⴰ ⵜⴰⵙⵓⵍⴰⵏⵜ, ⴰⵙⵉⴷⴷ ⵏ ⵜⴰⵙⵓⵜⵉⵏ, ⵙ ⵢⵉⵎⴰⵏ ⵏ ⵜⵏⴰⵎⵓⵔⵜ ⵏ ⵜⵉⴷⵜ, ⵃⵎⴰ ⴰⵎⵣⴰⵖ ⵅⴼ ⵜⵎⵓⵔⵜ ⴷ ⵜⵎⵔⵙⴰⵍ ⵏⵏⵙⵏ ⴷ ⵉⴼⵓⵥⴰⵕ ⵏⵏⵙ, ⵎⴽⵍⵍⵉ ⴷ ⵢⵉⵡⵉ ⵓⴳⵍⵍⵉⴷ ⴳ ⵉⵏⴰⵡ ⵏⵏⵙ.

4. ⴰⵔⵔⴰⵣ ⵏ ⵉⴼⵔⴷⵉⵙⵏ ⴰⴽⴽⵯ ⵏ ⵜⵎⵜⵜⵉ ⵏⵏⵖ ⵉ ⵜⵎⴽⵜⵉⵜ ⵜⴰⵎⵣⵔⴰⵢⵜ, ⴷ ⵢⴰⵜ ⵜⴰⵏⵏⴰⵍⵜ ⵜⴰⵎⵇⵇⵔⴰⵏⵜ ⵉ ⵜⵎⵖⵔⴰⴱⵉⵜ ⴷⴰ ⵉⴳⴰⵏ ⵢⴰⵜ ⵜⵎⵙⵍⵉⴷⵜ ⵜⴰⵏⴰⵎⵓⵔⵜ ⵜⴰⵎⵖⵔⵉⴱⵉⵜ ⵉⴱⴷⴷⵏ ⵅⴼ ⴽⵕⴰⴹ ⵜⵔⵙⴰⵍ: ⵜⵓⵎⴰⵢⵜ ⵜⴰⵎⵣⵔⴰⵢⵜ ⵏ ⵡⴰⵎⵓⵏ ⴰⵎⵖⵔⵉⴱⵉ (le bagage historique), ⴷ ⵜⴱⵔⵉⴷⵉⵏ ⵏ ⵓⵙⵡⵓⴷⴷⵓ ⵏ ⵜⵎⵔⵙⴰⵍ ⵏ ⵜⵓⴷⵔⵜ ⵜⴰⵏⵊⵎⵓⵜ ⴷ ⵓⴹⴰⴽⴰⵍ ⵏ ⵜⵙⵓⵍⴰⵏⵜ ⵏ ⵓⵡⴰⵏⴽ ⴷ ⵜⵎⵜⵜⵉ, ⴷ ⴳ ⵓⵎⴳⴳⴰⵔⵓ ⵜⴰⴷⵍⵙⴰ ⵜⴰⵎⵖⵔⵉⴱⵉⵜ ⵜⴰⵏⵙⵓⵎⵓⵜ ⵉ ⵉⴼⵔⴷⵉⵙⵏ ⵏⵏⵙⵏ ⴰⴽⴽⵯ.