تاغاط ن داسعيد ( “عنزة السيد سوغان ” بالأمازيغية *)

•      بقلم عبد الله هنون//           

ءيتوسان داسعيد ءيسءيڴا ءاڴارموزل غومنيد ن تاغاضين نس. تاغاط نا دارس

ءيلانءارتسوكوف تاڴوست , نحاك  تبي ءيزاڴارن , تغليءارتكسا ح طوكت ؤدرار .

 غيكانءاساڴيسءيتافا ؤشن مايرا.ءاراسءيتموتول ءاركيح تيشا  . تاغاراستاد  ءاساس دانت 

سضيست تاغاضين .سضيستاد ءيقوراسنت  باهرا ؤڴايو..غيكان نيت ءايڴا   داسعيد ؤلانتان ؤراتيد ترارت ءيح ءيدا ءاركيح ءينا ءاوال , نحد ءيح ءيڴا ح ؤڴايونس كرا ن تغاوسا ءاست ءيسكر.

 ئيرا بدا ءايك واوال نس زوند تيمقيت ن زيت ح ءيڴي وامان.,  داسعيد حومنيد نس ءيقور ؤڴايونس ؤرا كءيتفريسي . 

تاموكريستاد ن تاغاضين تفل داسعيد ءار ءيسوينڴيم ءيض د وازال مامنك ءاسراد ءيميورنت تاغاضين نس , ءاسول ؤر تلوارنت. .ءينڴضءاديسغ يات تاغاط  ءاتيمزيي ف سضيست لي  دارس كانين . تيد لي ياس لورنين, تيد لي سغرنين ءيمينس.

 توالا ياد  ءيسغاد داسعيد  يات تاغاط  باهرا مزين  . دارس يان ؤزلام ءيفولكين .ءينزاضن نس ملولن ءيسكا فين.ءاراس يقرا س ” تومليلت”

“تومليلت”ءار تيميور . ءارتفالكي .ءارتيمغور. ءارتسفليد ءيبابنس داسعيد . ماياد ءيسوسمت  . كرا يڴات تافراريت , ءارتءيتزڴ س تالمضي مقورن.

“تومليلت”ءارت ءيسوسوم باهرا ءيح ءاست ءيتحليل داسعيد. نحد ءيحاس ءيڴمز دو ؤمڴرض نس . ءيسومرت  يحاسءيفرنءاڴايو نس زوند كرا ن تازانت..

غيكان داسعيد نتان. ءاريتيني دوڴايونس “تومليلت”  تميار داري . توفا غايلي ترا. ؤرا سول  تدو س ماني .ؤساريي تفل ؤلا  راديدي تنڴيري. داسعيد ءيكلين ءيزغزن غايلي ءيتمنيد .ؤرءيسين  ئيز ءازڴال ءاح نيت سول ءيلا .ؤرءيسين ءيز ءيح تلوح ” تومليلت ”  

  ءيزري  نس  ءارتمنيد  ءيدرارن  لي  ياس  سوتلنين .ءيسا توارڴا ءانغين تورار .ءار تكسا ح توڴا.  ڴر   ءيجديڴن   كلانين  .ءارتازال   طوزومت  ن   تزڴزوت   ن   ءيران  ءيموزوتن.                                                                                      

زوند تيميورين . ليحد ءينكر داسعيد ئيدو ءاديزك تومليلت نس .  يوفان ح تيمازايين نس  كرا تيمقا ن تڴفايت  دروسنين     ءيسوريد تالمرجلت نس ؤرڴيس ءاميا..

ءيبيد داسعيد ءاريتمنيد تاغاط نس ءيناياس

– ماكم ياغنءاتومليلت ؟ تمديت تامومت . ساول ءيني ماتوضنت؟

– ؤريي ياغ يات ءاداسعيد .ءيسكا نغشفح ئيميك .ريح ءاد دوح سودرار ءاڴيس تورارح

– مامنكءاتومليلت؟ ( يامز داسعيد  ءاڴايونس  ءيرزم ءيتغوييت) تريت ءاييتفلت. ءيزءيسام غيد  تدروس  توڴا ؟ نحد ءيسام ءيكزولءيزيكراد ؟ ياك ؤرتريت ءات سيغزيفح؟

– ؤهويءاداسعيد. ءاداك ؤرتسيحيلت ءيخفنك .تورتيت نك تكروز فلا  .كيحت س تيغزي ولا س توروت ,نتاتءاحا كساح ءيض دوازال . فردح ح توڴا نس .شيح ماڴيس ءيمغين.

 – ءينييي ماكمزا غيد يوسرن ؟.ماتريتءادامتيدءاويح؟ ساول  ءاتاهلي.رزم   ءيمينم.

– ؤرداري مادسنتالح ؤا داسعيد. ريح ءاد دوح ءادسفوڴرح ئيدرارن.

–   ؤرتسنت ءاتاش  ئيس ءيلا  والي موتينين ؤشن ڴر ءيدرارن؟

. سول نروحت. – ئيزءاداسعيد توت ئيس داري لان ءاسكيون مسادنين ماساتماغح دوشن

– ءاح ؤكان ءاتانافالت . ؤراك ءيسن ؤشن ءيس غين لان تاسكيوين نم . ءيشا ياك سضيست تاغاضين ليكم توڴرنين . سول تيد فلام دوسنين .هان  تانايتاد نم تفرغ ؤرنكيس  ءانيح  تايافوت .كصودح ؤكان سرم ءاتومليلت غمكان ءاف رادام ڴح غيلاد ءيسكراف .  سول قنح فلام طوزومت ؤفراك . ماياد ءاسادامد يةري ؤفراك . ءاتسنت ءاميزي لي يام ءيتسوتولن غ تاڴانين..

داسعيد ؤرا يتهضار. ءيح ئيساول ءاريسوفو ءاوال نس . ءينكر ءيسكشم تومليلت س يان ؤفراك ءيلاسن .ئيقنتين ڴيس .ءيسبرم تاساروت غ ءيفڴر سنات تيكال. ماش ءيتو   ءاسكسل ليح ءايكشم واضو  د تيفاوت  ؤرتيقن  . “تومليلت “توفا ماترا.  غمكلي س  تزلم  تيفاوت  تكشمد  حوسكسل . تاكي ڴيس تفاغ .ترول ءارتازال س كرا يڴات تاسڴا . سوسمنت ءيجديڴن نودرار كلانينسول كلانين.  د توڴا ياتوين ءيغمان    .   

تاغاط تڴلينت ءيڴا دارس غاصان ءادريز .ؤرتيوما ماني . تڴانت ءاداس ءيسكونت تومرت .تڴا دار ءيخف نس زوند تاڴليدت .

تاداڴين ن تاڴانت ءاركنونت ءاركيح حليلنت” تومليلت “. هاتين ءار تازال ءار تڴنوني   . تفرد ح كرا يكات ءاناو ن توڴا .ءار تسوتول . ءار تاكي . ءار تكات تيقونجلا ءيكشضاس لحال  ءيس تڴا تاڴانت تينس .ؤرتديس ءيبضا  يان.

“تومليلت” تضفار ءيضارن نس .ءاليحن توفا  ءيخف نس ح طوكت نودرار ءيزڴزاون ءارتمنيد تيڴمي  ن داسعيد غمكلي سان تاكوك ءارسرس تيمزيي  . ءيميك سيميك ءاليح تلاح .

– زرات ءاوا   تيڴمي ن داسعيد مامنك ءاس  تمزيي. ؤراك ءادلي سنح مامنك ءاس ڴيس زريح ؤسان ءينو . تڴرازيي ف تودرت ئينو  لي ڴيس جليح.

    تاغوييت د ءيسبيعين  ن تومليلت   كان ءيكنوان   .  

غاكودان ءاداسد ءيوين ؤمزكان نس ءاكرض ن داسعيد لي ءيزدين.

ؤريد ءاتومليلت ءينو .ؤريد س داري .مامورايي تفلت ؟.

ءيميك س ءيميك ءارد طار  تاباصورت ءار تسنتال  تيڴمي ن دا سعيد . ءارتيتيليح ءيتاغاط .تيلاس كانت ف تيفاوت . تاكانت تلسا ما يسڴان.

 ڴرتيلاس د تيزكي ءيدرارن . “تومليلت”  ءيويناسد ؤمزڴان نس ءانزا ئيفراون تاداڴين . ليح تبرم ءاتسن مايلان . ءارن تاناي  ءاسكلو ن كرا ؤمزڴان كوطينين .تزلم كرا والن سمرغانين .غاكودان ءاتسن ءيز ؤشن ءايان ءادسرس يوشكان. .

– ئيبيد ؤشن  ؤرايتموسو . ءار ءيتمنيد  تومليلت.ءاراس ئيتسوتول س والن نس. ييوي ياسد ئيمينس ءامان ءاليحد  ءيتياڴال ئيلس نس .ءينڴي ياسد ؤلاداي   . .

تومليلت نتات حومنيدنس ءار تسوينكم مامنك ءاراتسكر  د وشن؟ . مامنك ءاسراديس   تفرو؟ .ماني راسرس تك  ؟ ئيس نيت زضارنت  تاسكيوين لينس ءيكرا    . تكتيد ماداس ءادلي ءيتيني  داسعيد..

ها تومليلت تڴلينت  ءار توري س ضارات .تود ؤڴايو .تسكوطيد ءاسكيون . ءارديتمالا تادوسي نس يس راد نيت  ءادلي تسيكصود ؤشن.

تلكم تيزي ءيمنغان ڴر ؤشن د تاغاط . ؤرا تسفليدت ءابلا ءيطوروين ن واسكيون , د ءيفرقاش د ءيباشكارن . ؤشن د تاغاط ماغن ڴراتسن ئيض ف تيغزي نس .  ؤڴار ن مراوت تيكال  ءاتزضار  ءاتسوري تاغاط لهيشت لي ءيكان ؤشن  س ضارات. تومليلت تملاد  تابرڴازت  نس لي موتزضار ولا  تاد  مورتزضار.

تماغ تڴلينت . تڴان مادارس ئيلان  . ءيتران لي سمراغنين  ح ءيڴوان ءارتن ءيتيليح يان ضارات ن واياض .ءيزنزارن زوارنين  ن تيفاوت  ءارديتاڴان.

تومليلت تومز ڴيس رمويت ءيڴوتن, ؤرسول تزضار ؤميا.تاسڴيوين نس  ؤر لكمنت ماني . ماش ؤكاضن ؤشن لكمن غيلي ران .ؤفان مادران . ءارتبين , ءاردسوكوفن ماموزضارن, ءار تڴزازن غمكلي كا ران.

تومليلت ءيبي ڴيس ؤنفوس.ؤراسول تموسو . ءيرواس ءيسا كا دلي تقل  ءاديتاڴ تيفاوت ءاتمت . غينا ءاح تضر تفسر ,تڴا تافكا  ؤرا سول  تموسوي .  ءيلكمتيد ؤشن ياف كيس ءازمز لي ساتلين . .ءيشوراس ءاركيس ءيتبي , ءيسلكمت ءيسضيست ليست زوارنين.

داسعيد ءايڴان ءيڴلين . نتان ءايڴان ءاڴارموزل .زوند ءاڴايونس زوند وين تاغاضين نس. مرواسن , قورن. ؤسار ضلان.       

تدا تومليلت تلكم ختيلي زوارنين.

*هامش

  القطعة مستوحاة من نص “عنزة السيد سوغان ”  لمؤلفها  الكاتب الفرنسي   الفونس دودي  ومصنفة ضمن  موسوعته ” رسائل مطحنتي  “، اطوارها مستوحاة من قصيدة شعرية للشاعر  اليوناني  ” ( 310  -250 ق.م) Théocrite ”  طيوكريت من  مأساة مربي اغنام يدعى  “تيريس ” اشتد بكاؤه  بعد ان افترس الذئب عنزته المفضلة. وقد جاء في مطلع تلك القصيدة على لسان الشاعر

–ايها التعيس تيرسيس بما يفيدك احمرار العينين من شدة  تهاطل الدموع؟

–لقد راحت العنزة الصغيرة. ذهبت نحو الهاوية. تلك الجميلة النحيلة.

–انقض عليها داك الذئب الشرس واحتواها. حينها ازداد نباح  الكلاب .

–بما يفيدك البكاء؟ ولم تنل منها عظما .ولم يتبقى لك منها  رمادا .

“رسائل مطحنتي”  نشرت لأول مرة على صفحات احدى الجرائد عام 1866 قبل ظهور اول طبعة للمؤلف عام 1869.  

وتبقى هده القطعة منقوشة في ذاكرتي الى جانب جيلي. والتي تعلمنا درسناها  و حفظناها عن ضهر قلب  بالمستوى الخامس ابتدائي من خلال كتاب القراءة بالفرنسية  . وفي نفس الوقت كانت  صورة السيد سوغان وعنزته تزين الدفة اليسرى لغلاف هدا الكتاب.