ⵜⴰⵙⵓⵜⵍⵜ 14 : ⴰⵍⵎⵓⴳⴳⴰⵔ ⵉⵙⵏⵉ ⵏ ⵡⵓⵔⵖ ⴰⴳⵔⴰⵖⵍⴰⵏ ⵉ ⵓⵙⴰⵔⵓ ⴰⵎⴰⵣⵉⵖ

ⵉⴷⵔⵉⵣⵏ ⵏ ⵡⴰⵡⵍⴰⴼ ⵉⵏⴰⵥⵓⵕⵏ ⵏ ⵓⵍⵎⵓⴳⴳⴰⵔ ⵉⵙⵏⵉ ⵏ ⵡⵓⵔⵖ ⴰⴳⵔⴰⵖⵍⴰⵏ ⵉ ⵓⵙⴰⵔⵓ ⴰⵎⴰⵣⵉⵖ, ⴷⴰ ⵜⵜⵓⵙⴽⴰⵏ ⴳ ⵜⵎⵉⵜⴰⵔ ⵏ ⵉⴼⴰⵍⴽⵉⵜⵏ ⵉⵎⵥⵎⵍⴰⵍⵏ, ⵍⵍⵉ ⵉⵙⵉⴳⴳⵉⵍⵏ ⴰⴷ ⵉⵙⵏⴼⵍ ⵉⵏⵏⴰⵡ, ⴷ ⴰⴷ ⵉⵙⴱⵓⵖⵍⵓ ⵙⵙⵉⵏⵉⵎⴰ ⴳⵔ ⵉⵎⴳⴳⴰⵢⵏ ⵍⵍⵉ ⵙⵡⵡⵓⵔⵉⵏⵉⵏ ⴳ ⵜⵎⴳⵓⵔⵉ ⵏ ⵙⵙⵉⵏⵉⵎⴰ, ⵍⵍⵉ ⵔⴰⴷ ⵏⵏ ⵉⴳ ⵜⴰⵖⵏⵏⴰⵏⵜ ⴷ ⵜⵉⵔⵎⵉⵜⵉⵏ ⵜⵉⵎⴰⴹⵍⴰⵏⵉⵏ. ⴷ ⵡⴰⴷ ⴰⴷ ⵉⴳⴰⵏ ⴰⵡⵜⵜⴰⵙ ⵏ ⵜⵎⵀⵍⴰ ⵏ ⵏ ⵓⵍⵎⵓⴳⴳⴰⵔ ⵉⵙⵏⵉ ⵏ ⵡⵓⵔⵖ ⴰⴳⵔⴰⵖⵍⴰⵏ ⵉ ⵓⵙⴰⵔⵓ ⴰⵎⴰⵣⵉⵖ, ⵜⴰⵏⵏⴰⵢⵜ ⴰⴷ ⵏⵉⵜ ⴰⴷ ⵢⴰⴽⴽⴰⵏ ⴰⵏⵣⴰ ⵎⴰⵙ ⵜⵙⵡⵡⵓⵔⵉ ⵜⵎⵀⵍⴰ ⴰⴷ ⴼ ⵡⴰⵡⵜⵜⴰⵙ ⵏⵏⵙ; ⵍⵍⵉ ⵉⴳⴰⵏ ⵢⴰⵜ ⵙⵙⵉⵏⵉⵎⴰ ⵉⴼⵓⵍⴽⵉⵏ, ⴷ ⵉⵙⵙⵓⵍⵉⵏ ⴰⵙⵡⵉⵔ ⴳ ⵜⵙⴳⴰ ⵏ ⵜⵥⵓⵕⵉ ⴷ ⵓⴹⵕⵉⵚ ⴷ ⵜⵙⴳⴱⴰⵔⵜ.

ⵎⴰ ⴰⴷ ⵏⵉⵜ ⴰⴷ ⵜⵙⵖⵉⵡⵙ ⵜⵙⵙⵓⵜⵍⵜ ⵜⵉⵙⵙ ⴽⴽⵓⵥ ⴷ ⵎⵔⴰⵡⵜ ⵏ ⵓⵍⵎⵓⴳⴳⴰⵔ ⵉⵙⵏⵉ ⵏ ⵡⵓⵔⵖ ⴰⴳⵔⴰⵖⵍⴰⵏ ⵉ ⵓⵙⴰⵔⵓ ⴰⵎⴰⵣⵉⵖ, ⵜⵓⴳⵜⵜ ⵏ ⵉⵙⵓⵔⴰ, ⵏⵏⴰ ⵖ ⴳⴰⵏ ⵉⵙⵓⵔⴰ ⵓⵏⵜⵉⵎⵏ ⴷ ⵡⵉⴷ ⵖⵣⵣⵉⴼⵏⵉⵏ ⴷ ⵡⵉⴷ ⴳⵣⵣⵓⵍⵏⵉⵏ, ⵍⵍⵉ ⴳⴰⵏⵉⵏ ⵙⵉⵎⵔⴰⵡ ⴷ ⴽⵕⴰⴹ ⵏ ⵓⵙⴰⵔⵓ ⵏ ⵜⵎⴰⵣⵉⵖⵜ ⵉⴱⴹⴰⵏ ⴳⵔ ⵓⵏⵜⵉⵎ ⴷ ⵓⵖⵣⵣⴰⴼ ⴷ ⵓⵇⵇⵓⴹⴰⴹ. ⵡⵉⴷ ⴰⴽⴽⵯ ⵍⵍⴰⵏⵜ ⴳⵉⵙⵏⵜ ⵜⴼⴰⴷⵡⵉⵏ ⵏ ⵜⴷⵔⴰⵡⵜ ⴳ ⵜⵎⵣⵉⵣⵣⵍⵜ, ⵢⴰⵏ ⴳⵉⵙ, ⵉⴳⴰ ⵜ: ⴰⵙⴰⵔⵓ ⵏ “ⵙⴰⵏⴰ ⵄⴽⵔⵓⴷ” ⴰⵏⴽⴰⵥ ⵏ ⵢⵉⵥⵕⵉ ⴷ ⵓⵙⴰⵔⵓ,” ⵜⵉⵎⴽⵜⵉⵜ ⵏ ⵜⵖⵙⵙⴰ” ⵏ ⵎⵓⵃⵎⵎⴰⴷ ⵣⴰⵖⵓ ⴷ “ⵜⵏⴰⵖⵉⵡⵉⵏ ⵏ ⵜⵎⵎⴰⵣⵖⴰ” ⵏ ⵟⴰⵕⵉⵇ ⵍⵉⴷⵔⵉⵙⵉ.

“ⵉⵏⵉⵏⴰⵜⵏ ⵏ ⵜⵓⵎⵍⵉⵍⵉⵏ” ⵏ ⵃⴰⵎⵉⴷ ⴷⵔⵉⵡⵛ, “ⴰⵢⵜ ⵉⵙⵃⴰⵇ” ⵏ ⵙⵉⵍⵉⵎ ⵀⴰⵙⵙⵉ. ⵜⵉⵎⴽⵜⵉⵜ ⵏ ⵉⵎⵣⴷⴰⵖⵏ ⵉⵎⵣⵡⵓⵔⴰ ⵏ ⵜⵉⴳⵣⵉⵔⵉⵏ ⵜⵉⴽⴰⵏⴰⵔⵉⵢⵉⵏ ⵏ “ⴰⵏⵟⵓⵏⵢⵓ ⴱⵓⵏⵉ ⴷ ⴼⴰⵕⴰⵢ ⴱⴰⵡⵍⵓ ⵔⵓⴷⵔⵉⴳⵉⵣ, ⴷ “ⵓⵥⵡⴰⵢ ⵢⵓⴳⴰⵏ” ⵏ ⵢⴰⵙⵉⵏ ⵉⴳⵏⴼⵔ, ⵉⵎⴰⵏ ⵉⵔⵓⴼⴰⵏ ⵏ “ ⵎⵙⵄⵓⴷ ⴱⵓⴳⵔⵏ”, “ⵉⵊⵊⴰ” ⵏ “ⵔⴰⵛⵉⴷ ⵍⵀⵣⵎⵉⵔ”. “ⴰⵥⵟⵟⴰ” ⵏ ⵊⴰⵎⴰⵍ ⴱⴰⵛⴰ, “ⵜⴰⵔⴳⴰⴳⴰⵢⵜ” ⵏ ⵏⵉⴽ ⵍⴰⵊⴰⴽⵉⵜ, “ⵜⵉⵙⵉⵜ” ⵏ ⵏⵓⵔ ⴷⴷⵉⵏ ⵇⵇⴱⴰⵢⵍⵉ, ⵜⵉⴱⵔⴰⵜⵉⵏ ⴽⴽⵔⴽⴹⵏⵉⵏ “ⵏⵓⵔ ⴷⴷⵉⵏ ⴱⴰⴷⴷⵉ”, ⵜⵉⵏⴷⵉ ⵏ “ⵎⵚⵟⴰⴼⴰ ⵅⴰⵍⵉⴼⴰ”. “ⴰⵎⴷⴷⴰⴽⴽⵯⵍ ⵏ ⵜⴰⵡⵊⴰ” ⵏ ⵍⵃⵙⵏ ⵙⵔⵃⴰⵏ. “ⴰⵎⵓⴷ ⵏ ⵜⵎⴽⵜⵉⵜ” ⵏ ⴼⵉⵍⵉⴱⴱⵓ ⴱⵉⵍⵉⵜ, “ⴰⵙⵉⴼ” ⵏ ⵢⴰⵙⵉⵏ ⴰⵢⵜ ⵓⴼⵇⵇⵉⵔ, ⴷ ⵓⵙⴰⵔⵓ ⵏ ⴱⵓⴱⴰⴱⴽ ⴰⴱⵓ “ ⴳⵉⵖ ⴱⴰⴱⴰ”, “ⴷⴰⴷⴷⴰ ⴰⵏⴰⵥⵓⵔ” ⵏ ⵎⵓⵃⵎⵎⴰⴷ ⴰⵢⵜ ⵃⵎⵎⵓ, ⴷ “ⵜⵓⵔⴰⵔⵜ ⵏ ⵓⵔⵜⵓⵎ” ⵏ ⵍⵃⵙⵏ ⵛⴰⵟⵕ, ⴷ “ⴰⵃⵡⴰⵛ ⵏ ⵜⴼⵔⵅⵉⵏⵒ ⵏ ⵎⵓⵃⵎⵎⴰⴷ ⴱⵏⵄⵣⵉⵣ, ⴷ ⵓⵙⴰⵔⵓⵏ ⵏ “ⴼⴰⵟⵉⵎⴰ” ⵏ ⵎⵓⵃⵎⵎⴰⴷ ⴷⴰⴱⴰⵏⵉ.

ⵎⴽ ⴷⴰ ⵔⴰⴷ ⵏⵉⵜ ⵔⴰⴷ ⵉⴽⵛⵎ ⴳ ⵜⵎⵣⵉⵣⵣⵍⵜ ⵏ ⵓⵍⵎⵓⴳⴳⴰⵔ ⵉⵙⵏⵉ ⵏ ⵡⵓⵔⵖ ⴰⴳⵔⴰⵖⵍⴰⵏ ⵉ ⵓⵙⴰⵔⵓ ⴰⵎⴰⵣⵉⵖ, ⴳ ⵜⵙⵎⵖⵓⵔⵜ ⵜⴰⴳⵔⴰⵖⵍⴰⵏⵜ; ⵎⴰⴷ ⵉⵜⵜⴳⴳⴰⵏ ⵙⴹⵉⵚ ⴷ ⵎⵔⴰⵡ ⵏ ⵓⵙⴰⵔⵓ, ⵏⵏⴰ ⵖ ⴳⴰⵏ ⵉⵙⵓⵔⴰ ⵖⵣⵣⵉⴼⵏⵉⵏ ⴷ ⵡⵉⴷ ⴳⵣⵣⵓⵍⵏⵓⵏ ⴷ ⵓⵏⵜⵉⵎⵏ; “ⵉⵔⵓⴳⵉⵜⵏ” ⵏ ⴼⵉⵔⵏⴰⵏⴷⵓ ⴱⴱⵉⵔⵉⵣ ⴷ ⵍⵓⵔⴰ ⴽⴰⵙⴰⴷⵓⵔ, “ⵜⴰⴹⴰ ⵏ ⵜⵉⵙⵏⵜ” ⵏ ⵔⵃⵎⴰ ⴱⵏ ⵃⵎⵎⵓ ⵍⵎⴰⴷⴰⵏⵉ, ⴷ “ⵎⴰⵡⵙⵉ” ⵏ ⵛⴰⵖⵍⵓⵜ ⵛⵓⵍⵔ, “ⵉⵏⴰⵔⴰⴳⵏ “ ⵏ ⵎⴰⵏⵓ ⵅⴰⵍⵉⵍ, “ⵎⵉⵏⵜⴰⵡⴰⵢ” ⵏ ⵊⵓⵡ ⴱⴱⵉⵜⵔ, “ⵉⵥⵓⵕⴰⵏ, ⵉⵣⵍⴰⵍⵍⴰⵢⵏ ⴷ ⵉⵎⵏⵖⵉ” ⵏ ⴼⵉⵍ ⴽⵓⵎⵓ, “ⵉⴷⴰⵎⵎⵏ” ⵏ ⵏⴰⵥ ⵊⵉⴱⴰⵜⵉ, “ⵜⴰⵢⵢⴰⵡⵜ ⵏ ⵜⴰⴱⴰ” ⵏ ⵊⵓⵍⵉ ⵍⵓⵔⵉⵏⵥ, “ⵉⴼⵉⵏⵙⵓⵏⴳ” ⵏ ⵎⴰⵍⵉⴱⵓ ⵜⴰⵢⵜⵔ, “ⴰⵀⴰⵇⵇⴰⵢ, ⴰⵄⵔⵔⵉⵎ ⵡⵙⵙⴰⵔⵏ” ⵏ ⵍⵉⵢⵢⴰⵎ ⵍⵓⴱⵉⵏⵜⵓ, “ⵜⵉⵍⵓⴼⴼⴰ ⵏ ⵜⴰⵢⵔⵉ” ⵏ ⵎⴰⵔⵙⵉⵍ ⵀⵓⴱⵉ, “ⴰⵙⴰⵏⴼⵙ” ⵏ ⴼⵔⵏⵓⵏⵛ ⵄⴰⴱⴷⵉ, “ⵉⵜⵜⵖⵉ” ⵏ ⵜⵛⴰⵔⵍⵉ ⵡⵉⵏⵣ, “ⴰⵙⵎⵉⴳⵍ ⵙⴳ ⵓⴼⵍⵍⴰ” ⵏ ⵎⵔⵢⴰⵎ ⵅⵢⵢⴰⵟ, “ⵜⵜⵎⵉ” ⵏ ⵎⵉⵔⵢⴰⵎ ⴽⴰⵕⵍⵙⵉⵏ ⴷ ⵙⴰⵄⵉⴷ ⵎⵢⴰⵀⵉ, “ ⵜⴰⵎⴰⵣⵉⵔⵜ ⵏ ⵓⵙⴰⵍⴰ” ⵏ ⴰⵏⴷⵔⵓ ⴼⵔⴰⵏⵙⵉⵙⴽⵓ, “ⵉⴼⵙⵙⵉ ⵏ ⵍⵀⵏⴷ” ⵏ ⵊⵓⵍⵢⵉⵜ ⴷⵓⵎⵉⵏⵉⴽⵓⵙ ⴷ ⵙⴰⴼⵉⵏ ⴱⵉⵜⵓⵎ, “ⴰⵎⵏⵉⵣⵢⴰ” ⵏ ⵛⴰⴷⵉ ⵥⴰⵕⴰⴽⵉ.

ⵜⴰⵙⵙⵓⵜⵍⵜ ⵏ 2023 ⵏ ⵓⵍⵎⵓⴳⴳⴰⵔ ⵉⵙⵏⵉ ⵏ ⵡⵓⵔⵖ ⴰⴳⵔⴰⵖⵍⴰⵏ ⵉ ⵓⵙⴰⵔⵓ ⴰⵎⴰⵣⵉⵖ, ⵜⴳⴰ ⵢⴰⵏ ⵓⵙⵔⵙⵉⵡ ⵏ ⵓⵙⵏⵉⴼⵍ ⴰⴷⵍⵙⴰⵏ ⴷ ⵓⵙⵎⵎⴰⵜⵜⵉ ⵏ ⵜⵉⵔⵎⵉⵜⵉⵏ, ⴼⴰⴷ ⴰⴷ ⵜⵜⵓⵙⴽⴰ ⵢⴰⵜ ⵜⵍⴳⴳⵯⵉⵜ ⵏ ⵓⵏⵢⴰⵍⴽⴰⵎ ⴰⵏⴰⵥⵓⵕ ⴳⵔ ⵉⵎⴰⵣⵣⵓⵍⵏ ⵏ ⵙⵙⵉⵏⵉⵎⴰ ⴳ ⵍⵎⵖⵔⵉⴱ ⴷ ⴱⵕⵕⴰ ⵏⵏⵙ. ⵜⴳⴰ ⴰⵡⴷ ⵢⴰⵜ ⵜⵙⵙⵓⵜⵍⵜ ⵏ ⵓⵍⵎⵓⴳⴳⴰⵔ ⴰⵎⵙⵏⴼⵍⵓⵍ, ⴷ ⵢⴰⵜ ⵜⵎⵔⵙⵍⵜ ⵜⴰⵙⵓⵙⵢⵓⴷⵍⵙⴰⵏⵜ ⵉⵙⵙⵎⵔⴽⴰⵙⵏ ⵜⴰⵥⵓⵕⵉ ⴷ ⵜⵎⴰⴳⵉⵜ ⵜⵉⵣⵉ ⵍⵍⵉ ⵜⴳⴰ ⵢⴰⵏ ⵢⵉⵎⵉⵙⵙ ⵍⵍⵉ ⵙ ⴰⵔ ⵜⵙⵙⴽⵯⴼⴰⵙ ⵉⴷⵔⵉⵣⵏ ⵉⴷⵍⵙⴰⵏⵏ ⴷ ⵡⵉⵏ ⵓⵙⵡⵉⵏⴳⵎ ⴷ ⵜⵓⵙⵙⵏⴰ ⴷ ⵡⵉⵏ ⵜⴰⵢⵙⵉ ⴷ ⵜⵎⴰⴳⵉⵜ ⵏ ⵜⵎⴰⵣⵉⵖⵜ ⴳ ⵜⵎⵏⴰⴹⵉⵏ ⵏ ⵓⵎⴰⴹⴰⵍ, ⴷ ⵉⵇⵇⴰⵏ ⴷ ⴰⴷ ⵏⴱⴷⵔ ⵎⴰⵙⴷ ⵜⴰⵙⵙⵓⵜⵍⵜ ⴰⴷ ⵏ ⵓⵍⵎⵓⴳⴳⴰⵔ ⵉⵙⵏⵉ ⵏ ⵡⵓⵔⵖ ⴰⴳⵔⴰⵖⵍⴰⵏ ⵉ ⵓⵙⴰⵔⵓ ⴰⵎⴰⵣⵉⵖ, ⵜⵜⵓⵙⴽⴰⵔ ⵙ ⵡⴰⵙⵙⴰⵔ ⴷ ⵢⵙⵇⵇⵉⵎ ⴰⵖⵉⵡⴰⵏ ⵏ ⵓⴳⴰⴷⵉⵔ ⴷ ⵙ ⵡⴰⵏⵏⴰⵍ ⵏ ⵜⵙⴳⴰ ⵏ ⵙⵓⵙ ⵎⴰⵙⵙⴰ ⴷ ⵡⴰⵎⵎⴰⵙ ⵏ ⵙⵙⵉⵏⵉⵎⴰ ⴰⵎⵖⵔⵉⴱⵉ.