الصفحة الرئيسية

ⵎⵉⴷⵍⵜ: ⴰⵙⵖⵍ ⵏ ⵓⵣⵣⵉⴳⵣ ⵏ ⵜⵡⵓⵔⵉⵡⵉⵏ ⴳ ⵓⵙⵖⵏⵓ ⵏ ⵓⵙⵎⴰⵢⵏⵓ ⴷ ⵓⵙⵎⵙⴰⵙⴰ ⵏ ⵓⵙⴰⵢⵔⴰⵔ ⵏ ⵉⵎⵉⵥ ⵜⴰⵣⵎⴰⵎⵎⴰⵔⵜ ⵉⵍⴽⵎ 95%

ⵕⵕⴱⴰⵟ: ⴰⵣⵓⵍⴱⵔⵉⵙⵙ

ⵜⴻⵜⵜⴰⵍⵖ ⵜⵏⵙⵙⵉⵅⴼⵜ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⵎⴰⵙⵙⴰ ⴰⵎⵉⵏⴰ ⴱⵓⵄⵢⵢⴰⵛ, ⵜⴰⴷⵔⴰⵡⵜ ⵜⴰⵎⵇⵇⵔⴰⵏⵜ ⵏ ⵇⴰⵃ ⵉⵎⴽⵛⴰⵎⵏ ⴳ ⵓⵙⵖⵏⵓ ⵏ ⵓⵙⵎⴰⵢⵏⵓ ⴷ ⵓⵙⵎⵙⴰⵙⴰ ⵏ ⵓⵙⴰⵢⵔⴰⵔ ⵏ ⵉⵎⵉⵥ ⵜⴰⵣⵎⴰⵎⵎⴰⵔⵜ ⴷ ⵓⵙⵓⵖⵏ ⵏⵏⵙⵏ ⵏⵏⴰ ⵉⵎⵎⴰⵍⵏ ⵉⵎⴰⵏ ⵏ ⵜⵎⵓⵔⵉ ⵜⴰⵎⴰⵜⴰⵢⵜ, ⴰⴼⴰⴷ ⴰⴷ ⵉⴳ ⴰⵙⴰⵢⵔⴰⵔ ⵏ ⵜⵓⴷⵔⵜ ⴷ ⵓⵙⴰⵢⵔⴰⵔ ⵏ ⵢⴰⵏ ⵡⴰⵎⵓⵏ ⴰⵎⵖⵔⵉⴱⵉ ⵉⵎⵓⵔⵙⵏ ⴳ ⵓⵙⵡⵓⴷⴷⵓ ⵏ ⵜⵎⴽⵜⵉⵜ
ⵏⵏⵙ ⵜⴰⵎⵅⵉⴱⵜ ⴷ ⵓⵚⴽⵓ ⵏ ⵢⴰⵜ ⵜⵎⴽⵜⵉⵜ ⵜⴰⵎⴰⵢⵏⵓⵜ ⵉⵏⵏⵓⵕⵥⵎⵏ ⵅⴼ ⵇⴰⵃ.

ⵍⵍⵉⵖ ⵜⵙⵙⵉⵅⴼ ⵎⴰⵙⵙⴰ ⴱⵓⵄⵢⵢⴰⵛ, ⴰⵙⵙ ⵏ ⵓⵙⵉⵎⵡⴰⵙ 17 ⴷⵓⵊⴰⵏⴱⵉⵔ 2021 ⴳ ⵜⵙⴳⴰ ⵏ ⵎⵉⴷⵍⵜ, ⴰⴽⴷ ⵓⵎⵏⴱⴰⴹ ⵏ ⵜⵎⵏⴱⴰⴹⵜ ⵏ ⵜⵙⴳⴰ ⵏ ⵎⵉⴷⵍⵜ ⵎⴰⵙⵙ ⵎⵚⵟⴰⴼⴰ ⵏⵏⵓⵃⵉ, ⵜⴰⵙⵎⵓⵏⵉ ⵏ ⵓⴹⴼⴼⵓⵕ ⵏ ⵓⵙⵎⵙⴰⵙⴰ ⵏ ⵓⵙⴰⵢⵔⴰⵔ ⵏ ⵜⵣⵎⴰⵎⵎⴰⵔⵜ, ⵜⴻⵜⵜⵍⴰⵖⴰ ⵎⴰⵙ ⵉⵔⴰ ⵓⵙⵇⵇⵉⵎ ⴰⴷ ⵉⵙⵡⵓⵔⵉ ⵅⴼ ⵓⵏⵜⴰⵎ ⵏ ⵜⵉⵔⵎⵉⵜ ⴰⴷ ⵜⴰⵎⵣⵡⴰⵔⵜ ⴷ ⵜⵎⴷⵢⴰⵜ ⴷ ⵜⴱⵔⵉⴷⵜ ⴰⴷ ⵜⴰⵎⵥⵍⵉⵜ ⴳ ⵓⵎⵙⴰⴳⴰⵔ ⵏ ⵜⵡⵓⵔⵉ ⵏ ⵜⵓⴳⵜ ⵏ ⵜⵣⵓⵏⴰ ⵜⵉⵎⴰⵡⵙⴰⵙⵉⵏ ⴷ ⵜⵎⵙⵙⵓⴳⵓⵔⵉⵏ ⵜⵉⴷⵖⵔⴰⵏⵉⵏ ⴷ ⵜⵓⴳⵜ ⵏ ⵉⵎⴽⵛⴰⵎⵏ ⴳ ⵓⵙⵖⵏⵓ ⴰⴷ, ⵜⵉⵏⵉ ⵎⴰⵙ ⵔⴰⴷ ⵜⵓⵊⴷ ⵜⵏⵜⴰⵎⵜ ⴰⴷ ⴳ ⵓⵣⵎⵣ ⵏ ⵓⵕⵥⵥⵓⵎ ⵏ ⵓⵙⴰⵢⵔⴰⵔ ⴰⴷ ⵜⵉⵣⵡⵉⵔⵉ ⵏ ⵓⵙⴳⴳⵯⴰⵙ 2022.

ⵜⵙⵙⴽⵜⵉ ⴳ ⵓⵎⵏⴰⴹ ⴰⴷ ⵎⴰⵙ ⵔⴰⴷ ⵜⴰⵡⵙ ⵜⵉⵔⵎⵉⵜ ⴰⴷ ⵜⴰⵎⵥⵍⵉⵜ ⴷ ⵜⵎⵣⵡⴰⵔⵜ ⴳ ⵓⵙⵏⴼⵍ ⵏ ⵓⵙⴰⵢⵔⴰⵔ ⵏ ⵜⵣⵎⴰⵎⵎⴰⵔⵜ ⵙ ⵓⵙⴰⵢⵔⴰⵔ ⵏ ⵜⵓⵎⵔⵜ ⴷ ⵜⵓⴷⵔⵜ ⵙ ⵜⴷⵉⵏⴰⵎⵉⵜ ⵏⵏⵙ ⵜⴰⵏⴰⵎⵓⵏⵜ ⴷ ⵜⴷⵍⵙⴰⵏⵜ ⴷ ⵜⴷⵎⵙⴰⵏⵜ ⴷ ⵜⵡⵏⴹⴰⵏⵜ ⴰⴼⴰⴷ ⴰⴷ ⵉⴳ ⴰⵙⴰⵢⵔⴰⵔ ⴰⵎⵣⵡⴰⵔⵓ ⵉⵜⵜⵓⴳⴰⵏ ⴳ ⵓⴱⵔⵉⴷ ⵏ ⵓⵙⴼⵔⵓ ⴷ ⵓⵃⵟⵟⵓ ⵏ ⵜⵎⴽⵜⵉⵜ.

ⵜⵙⴷⴷⵉⴷ ⵎⴰⵙⵙⴰ ⴱⵓⵄⵢⵢⴰⵛ ⵎⴰⵙ ⵉⵔⴰ ⵓⵙⵇⵇⵉⵎ ⴰⴷ ⵉⵙⵡⵓⵔⵉ ⴰⴽⴷ ⵜⵓⴳⵜ ⵏ ⵉⵎⴷⵔⴰⵡⵏ ⵅⴼ ⵓⵙⵙⵓⵜⴳ ⵏ ⵉⴳⵉ ⴰⴷ ⴰⵏⴼⵔⴰⵔ ⵙ ⵓⵙⴷⵔⴰⵡ ⵏ ⵉⵎⵣⴷⴰⵖⵏ ⵉⴷⵖⵔⴰⵏⵏ, ⵜⵉⵡⵜⵎⵉⵏ ⴷ ⵉⵄⵔⵔⵉⵎⵏ, ⴳ ⵜⵏⴽⵔⴰ ⵙ ⵜⵡⵓⵔⵉ ⵜⴰⵚⵓⵚⵢⵓ-ⵜⴰⴷⵍⵙⴰⵏⵜ ⴷ ⵜⴷⵎⵙⴰⵏⵜ ⴳ ⵓⵙⴰⵢⵔⴰⵔ ⵏ ⵜⵣⵎⴰⵎⵎⴰⵔⵜ ⵉⴷⴷⵖ ⴳⴰⵏ ⴰⵙⵉⵣⵡⵔ ⴳ ⵓⵎⵓⵔⵙ ⵏ ⵓⵙⵖⵏⵓ ⴰⴷ.

ⴳ ⵓⵎⵏⴰⴹ ⵏ ⵓⵙⴷⴷⵉⴷ ⵏⵏⵙ ⵅⴼ ⵡⴰⵜⵉⴳ ⵏ ⵓⵙⵖⵏⵓ ⴰⴷ, ⵏⵏⴰ ⵢⴰⵎⵓⵏ ⴳ ⵓⵙⴰⵜⵉ ⵏ ⵓⴹⴼⴼⵓⵕ ⵏ ⵓⵣⵣⴳⵉⵔ ⵏ ⵉⵙⵖⵍⴰⴼ ⵏ ⵓⵏⴳⵎⴰⵎ ⵏ ⵓⵙⵓⵎⵓ ⴷ ⵓⵎⵙⴼⵔⵓ ⵍⵓⵎⴰⵕ ⴰⵃⵟⵟⵓⵏ ⵜⵎⴽⵜⵉⵜ ⴷ ⵡⴰⵔ ⴰⵍⴰⵙ, ⵜⴻⵜⵜⵍⴰⵖⴰ ⵜⵏⵙⵙⵉⵅⴼⵜ ⵏ ⵓⵙⵇⵇⵉⵎ ⵎⴰⵙ ⵔⴰⴷ ⵉⵙⵏⵎⴰⵍⴰ “ⵓⴼⵔⴷⵉⵙ ⵏ ⵓⵃⵟⵟⵓ ⵏ ⵜⵎⴽⵜⵉⵜ ⴷ ⵜⵏⴽⵔⴰ ⵙ ⵓⵎⵣⵔⵓⵢ ⴰⵎⵖⵔⵉⴱⵉ ⵙ ⵜⵓⴳⵜ ⵉⵎⵓⵖⵍⵏ ⵏⵏⵙ” ⵜⴰⵙⵎⵓⵏⵉ ⵏⵏⵙ ⵜⴰⵎⵣⵡⴰⵔⵓⵜ ⴱⵕⵕⴰ ⵏ ⵓⵙⵖⵉⵎ ⵏⵏⵙ ⴰⵏⴰⵎⵎⴰⵙ ⴳ ⵓⵙⵇⵇⵉⵎ, ⵜⴰⵏⵏⴰⵢ ⴳⵉⵙ ⵢⴰⵜ ⵜⵎⴰⵜⴰⵔⵜ ⵜⴰⵙⵔⵜⴰⵏⵜ ⴷ ⵜⵣⵔⴼⴰⵏⵜ ⵜⴰⵎⴷⵡⵓⵙⵜ ⵃⵎⴰ ⴰⴷ ⵜⵉⵍⵉ ⵜⵏⴽⵔⴰ ⵙ ⵜⵙⴳⴰ ⴰⴷ ⴳ ⵓⵎⵏⵉⴷ ⵏ ⵓⵏⵏⵓⵕⵥⵎ ⵏⵏⵙ ⵉⵎⴰⵍ, ⵎⴽⴷⴰ ⵔⴰⴷ ⵙⴽⵔⵏ ⵉⴳⵎⴰⵎⵏ ⵏ ⵓⴼⵔⴷⵉⵙ ⴰⵔⵣⴰⴼ ⵙ ⵓⵙⴰⵢⵔⴰⵔ ⴷ ⵓⵏⴼⴰ ⵏ ⵜⵖⵎⵔⵉⵏ ⵏⵏⵙ.

ⵉⴼⵓⴽ ⴰⴷ ⵏⵉⵏⵉ ⵎⴰⵙ ⵢⵓⵜⵉⵢ ⵡⴰⵣⴰⵍ ⴰⵎⵙⵎⵓⵏ ⵏ ⵓⵙⵖⵏⵓ ⴰⴷ 18 ⵏ ⵎⵍⵢⵓⵏ ⵏ ⴷⵔⵀⵎ ⴷ ⵎⴰⵙ ⵉⵍⴽⵎ ⵓⵙⵖⵍ ⵏ ⵓⵣⵣⵉⴳⵣ ⵏ ⵜⵡⵓⵔⵉⵡⵉⵏ 95% ⵉⴷⴷⵖ ⵉⵍⵍⴰ ⵓⵙⵓⵏⵖ ⵏ ⵇⴰⵃ ⵜⵣⵓⵏⴰ ⵏⵏⴰ ⴳⴰⵏⵉⵏ ⵜⵉⵎⵏⵜⴰⵢⵉⵏ, ⵎⴽⴷⴰ ⵔⴰⴷ ⵉⵜⵜⵓⵙⵎⴰⴷ ⵉⴳⵉ ⵏ ⵜⵓⴳⵜ ⵏ ⵉⵙⵖⵏⵓⵜⵏ ⵉⴷⵍⵙⴰⵏⵏ ⴷ ⵉⵏⴰⵎⵓⵏⵏ ⵉⵣⴷⵉⵏ ⵙ ⵜⵣⵓⵏⴰ ⵏ ⵜⴷⵓⵙⵉ ⴷ ⵉⵄⵔⵔⵉⵎⵏ ⴷ ⵜⵙⴱⴷⴰⴷⵉⵏ ⴳ ⵜⴳⵉⵔⴰ ⵏ ⵡⴰⵢⵢⵓⵔ ⵏ ⴷⵓⵊⴰⵏⴱⵉⵔ 2021.

اترك رد

لن يتم نشر عنوان بريدك الإلكتروني.

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.