ⴰⵣⴰⵢⴽⵓ…ⵙ ⵓⵙⴳⵣⵍ ⴰⵙⵏⵏⴰⵔⴰⴼ

ⵜⵓⴳⵜ ⵏ ⵡⵉⵍⵍⵉ ⴹⴼⵕⵏⵉⵏ ⴰⵙⴷⴰⵡ ⴰⵎⴰⵣⵉⵖ ⵖ ⵍⵎⵖⵔⵉⴱ, ⵥⵕⴰⵏ ⴰⵢⵍⵍⵉ ⵙ ⵉⵏⵏⴰ ⵓⴷⴽⵜⵓⵔ ⵄⴰⴱⴷ ⵍⵅⴰⵍⵇ ⴽⵓⵍⵍⴰⴱ ⵙ ⴽⵉⴳⴰⵏ ⵏ ⵓⵖⵉⵍⵓⴼ ⴷ ⵜⴷⴷⵉⵀⵛⵕⵜ. “ⵜⴰⵡⴰⴼⵉⵜ” ⵏ ⵎⴰⵙⵙ ⴽⵓⵍⵍⴰⴱ ⴰⵔ ⵜⵜⵉⵏⵉ ⵎⴰⵙ ⵉⵍⵍⴰ ⵢⴰⵏ ⵓⵡⵙⵙⴰⵔ ⵏⵜⵜⴰⵏ ⴰⴷ ⵢⵓⵔⴰⵏ ⵉ ⵓⵣⴰⵢⴽⵓ ⴰⵎⴰⴳⵔⴰⴷ ⵍⵍⵉ ⵙ ⵉⵜⵜⵢⴰⵎⴰⵥ ⴳ ⵜⵣⵡⵉⵔⵉ ⵏ ⵉⵙⴳⴳⵯⴰⵙⵏ ⵏ 80, ⵍⵍⵉ ⵉⵜⵜⵓⵣⵓⵣⵣⴰⵔⵏ ⴳ ⵓⵟⵟⵓⵏ ⴰⵎⵣⵡⴰⵔⵓ ⵏ ⵜⵙⵖⵓⵏⵜ “ⴰⵎⴰⵣⵉⵖ” ⵍⵍⵉ ⵉⵜⵜⵓⴳⴷⴰⵍⵏ !

ⵙ ⵖⵎⴽ ⴰⴷ, ⵉⵙⵔⵙ ⵎⴰⵙⵙ ⴽⵓⵍⵍⴰⴱ ⵉⵅⴼ ⵏⵏⵙ ⴳ ⵡⴰⴷⴷⴰⴷ ⵓⵔ ⵉⵥⵍⵉⵏ ⵎⵏⵉⴷ ⵏ ⵉⵎⵖⵏⴰⵙⵏ ⵏ ⵓⵎⵓⵙⵙⵓ ⴰⵎⴰⵣⵉⵖ. ⴰⵛⴽⵓ ⵎⴰⵙⵙ ⵄⵍⵉ ⵚⵉⴷⵇⵉ ⴰⵣⴰⵢⴽⵓ ⵉⵟⵟⴰⴼ ⴰⴷⴷⵓⵔ ⴰⵅⴰⵜⴰⵔ ⴷⴰⵔ ⵓⵎⵓⵙⵙⵓ ⴰⵎⴰⵣⵉⵖ ⵙ ⵜⵖⵏⵙⴰ ⵏⵏⵙ ⴷ ⵉⵙⴼⴰⵙⴽⴰⵜⵏ ⵏⵏⵙ, ⴷ ⵜⵙⵏⵜⴰⵢⵉⵏ ⵏⵏⵙ ⵉ ⵜⵎⴰⵣⵉⵖⵜ. ⴰⵢⵍⵍⵉ ⵉⵙⵙⵏ ⴽⵢⵓⴰⵏ ⴳ ⵍⵎⵖⵔⵉⴱ ⵓⵍⴰ ⵖ ⴱⵕⵕⴰ ⵏⵏⵙ.  ⵉ ⵓⵏⵄⴰⵕ ⵏ ⵜⵎⴰⴳⵉⵜ ⴷ ⵜⴷⵍⵙⴰ ⴷ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ, ⴳ ⵢⴰⵏ ⵓⵎⵏⴰⴹ ⴰⵎⵣⵔⴰⵢ ⵉⵙⵇⵇⵉⵇⵏ.

ⴰⵣⴰⵢⴽⵓ, ⵉⴳⴰ ⵙⴳ ⵢⴰⵜ ⵜⴰⵙⵓⵜ ⵉⵙⴽⵔⵏ ⵉⵅⴼ ⵏⵏⵙ ⵙ ⵉⵅⴼ ⵏⵏⵙ, ⴰⴷ ⴽⴰ ⵏⵙⵙⴽⵯⵜⵉ ⵉⵙ ⵉⴳⴰ ⴰⵏⴳⴳⵯⵓ ⴳ ⵜⵉⵏⵎⵍ ⵜⴰⵙⴳⴰⵡⴰⵏⵜ ⵏ ⵉⵙⴰⵍⵎⴰⴷⵏ ⴳ ⵡⴰⵎⵓⵔ ⵏ ⵡⴰⴽⵓⵛ, ⵏ ⵎⴰⵙⵙ ⵃⵎⴰⴷ ⵜⴰⵡⴼⵉⵇ (ⴰⵎⴰⵡⵙⴰⵙ ⵏ ⵜⵙⴱⴷⴰⴷⵉⵏ ⴷ ⵜⵖⴰⵡⵙⵉⵡⵉⵏ ⵜⵓⵙⵍⵉⵎⵉⵏ ⴷ ⵓⵏⴳⴳⵯⵓ ⵏⵏⵙ ⴳ ⵜⵣⵓⵏⵉ ⵏ ⵓⵎⵣⵔⵓⵢ ⴳ ⵜⵙⴷⴰⵡⵉⵜ ⵏ ⵎⵓⵃⴰⵎⵎⴰⴷ ⵡⵉⵙ ⵙⵎⵎⵓⵙ ⴳ ⵕⵕⴱⴰⵟ), ⴷ ⵎⴰⵙⵙ ⵄⴰⴱⴷ ⵍⵖⴰⵏⵉ ⴰⴱⵓ ⵍⵄⴰⵣⵎ (ⴱⴰⴱ ⵏ ⵜⵣⵔⴰⵡⵉⵏ ⵏ ⵓⵎⴰⵡⴰⵍ ⴷ ⵓⵎⵖⵏⴰⵙ ⵖ ⵓⵥⵍⵎⴰⴹ ⴰⵎⵖⵔⵉⴱⵉ), ⵎⴰⵙⵙ ⵄⴰⴱⴷ ⴰⵍⵍⴰⵀ ⴱⵓⵏⴼⵓⵔ (ⴰⵎⴰⵙⵙⴰⵏ ⵉⵥⵍⵉⵏ ⴳ ⵜⴷⵍⵙⴰ ⴷ ⵜⵙⴽⵍⴰ ⵜⴰⵎⴰⵣⵉⵖⵜ ⴳ ⵉⵏⴰⵍⴽⵓ ⴷ ⵜⵙⴷⴰⵡⵉⵏ ⵏ ⴼⵕⴰⵏⵚⴰ).

ⴳ ⵓⵙⵡⵉⵔ ⴰⵣⵣⵓⵍⴰⵏ, ⵉⵎⵎⴰⵜⵜⵉ ⵓⵣⴰⵢⴽⵓ ⵙⴳ ⵓⵙⵍⵎⴰⴷ ⴳ ⵓⵙⵡⵉⵔ ⴰⵎⵏⵣⵓ ⴰⵔ ⴰⵙⵍⵎⴰⴷ ⵏ ⵓⵎⵣⵔⵓⵢ ⴳ ⵓⵙⵡⵉⵔ ⴰⵙⵉⵏⴰⵏ, ⵙ ⵓⵙⵍⵎⴰⴷ ⵏ ⵓⵎⵣⵔⵓⵢ ⴳ ⵜⵙⴷⴰⵡⵉⵜ ⵏ ⵎⵓⵃⴰⵎⵎⴰⴷ ⵡⵉⵙ ⵙⵎⵎⵓⵙ, ⵍⵍⵉ ⵉⴳⴰⵏ ⵙⴳ ⵜⵙⴷⴰⵡⵉⵢⵉⵏ ⵜⵉⵇⴱⵓⵔⵉⵏ ⵜⵉⵏⴰⵎⵓⵔⵉⵏ. ⴰⴱⵔⵉⴷ ⴰⵣⵣⵓⵍⴰⵏ ⵉⴳⴰⵏ ⴰⵎⵏⵏⴰⵡ ⴳ ⵉⵣⵎⵎⵉⵎⵎ ⵜⴰⴱⵔⴰⵜ ⵏⵏⵙ ⵜⴰⴽⴰⴷⵉⵎⵉⵜ ⴷⴷⴰⵡ ⵜⵎⵙⵙⵓⴳⵓⵔⵜ ⵏ ⵓⴽⴰⴷⵉⵎⵉ ⴰⵅⴰⵜⴰⵔ ⴰⴼⵕⴰⵏⵚⵉⵚ ⵊⴰⴽⴽ ⴱⵉⵔⴽ ( ⴰⵏⴹⴰⴼ ⴰⵖⵔⵎⴰⵏ ⴳ ⵍⵎⵖⵔⵉⴱ ⴳ ⵜⵉⵣⵉ ⵏ ⵓⵙⴷⵓⵔⵔⵉ), ⵏⵜⵜⴰⵏ ⵉⴳⴰⵏ ⴰⵅⴰⵜⴰⵔ ⴰⴽⴰⴷⵉⵎⵉ ⴷ ⵓⵎⴰⵙⵙⴰⵏ ⵢⴰⵜⵜⵓⵢⵏ ⴱⴰⵀⵔⴰ ⵉⵜⵜⵓⵙⵙⴰⵏⵏ.

ⴰⵣⴰⵢⴽⵓ ⵉⴳⴰ ⵙⴳ ⵉⵎⵣⵡⵓⵔⴰ ⵙⴽⵔⵏⵉⵏ ⵜⴰⵎⵙⵎⵓⵏⵜ ⵜⴰⵎⴰⵣⵉⵖⵜ ⵜⴰⵎⵣⵡⴰⵔⵓⵜ ⵏⵜⵜⴰⵏ ⴷ ⵉⴳⵍⵍⵉⵏ ⵏ ⴱⵕⴰⵀ