الصفحة الرئيسية

ⴰⵙⵉⵡⴹ ⵏ “ⵜⴰⴹⴰ ⵜⴰⵎⵖⵔⴰⴱⵉⵜ “ ⵙ ⵎⴰⴷ ⵉⵥⵍⵉⵏ  ⵙ ⵜⵉⵎⴰⵢⵏⵓⵜⵉⵏ ⵏ ⵓⴱⴰⵔⴰⵣ ⴰⵏⴰⵎⵓⵔ

عناوين من بلاغ “تاضا تمغربيت” بشأن مستجدات الساحة الوطنية:
مشروع تاضا تمغربيت يتجاوز الانتماءات الضيقة، والتقاطبات الايديولوجية، والصراعات السياسية.
تمغربيت تقوي الجبهة الداخلية، وتعزيز مكانة المغرب إقليميا ودوليا.
دعوة لتعديل المشروع المقدم بما يضمن الحفاظ على كل المواقع التاريخية و الأثرية لإيليغ.
الحفاظ على أسماء الأماكن المحلية، وإطلاق أخرى على المؤسسات الحديثة خطوة أساسية لتعزيز الإحساس بالانتماء للوطن.
الاعتماد على المتخصصين في اللغة الأمازيغية أثناء كتابة يافطات ولوحات تشوير المؤسسات
استعمال مسؤولي فريق حسنية أكادير للحروف الأمازيغية تيفيناغ على بدلات اللاعبين خطوة جيدة
دعوة جميع المواطنات والمواطنين إلى التسجيل في اللوائح الانتخابية لممارسة حقهم الدستوري

ⵙⴳ ⵓⵙⴱⴷⴷⵉ ⵏⵏⵙ ⴰⵙⵙ ⵏ 8 ⵎⴰⵢ 2021, ⵜⴹⴼⵕ ⵜⴰⴹⴰ ⵜⴰⵎⵖⵔⴰⴱⵉⵜ ⵉ ⵜⵎⵏⴰⴳⴰⵔⵉⵏ ⵜⵉⵏⴰⵎⵓⵔⵉⵏ ⵜⵉⵎⴰⵢⵏⵓⵜⵉⵏ ⵜⵉⵏⴰⵎⵓⵔⵉⵏ ⴷ ⵜⴳⵔⴰⵖⵍⴰⵏⵉⵏ ⵉⵣⴷⵉⵏ ⵙ ⵓⵙⵔⵉⴷ ⴰⴽⴷ ⵉⴳⵔ ⵏ ⵓⵙⵡⵓⵔⵉ ⵏⵏⵙ, ⴷ ⵙ ⵓⵎⵙⴰⵙⴰ ⴰⴽⴷ ⴰⵙⵍⴳⵏ ⵏⵏⵙ ⴰⴷⵙⵍⴰⵏ ⴷ ⵜⵙⵉⵍⴰ ⵏⵏⵙ ⵜⴰⵡⵏⴳⵉⵎⵜ, ⴷⴰ ⵜⴻⵜⵜⵍⴰⵖⵉ ⵉ ⵓⵎⵏⴰⴷ ⴰⵏⵎⴰⵜⴰⵢ ⴰⵏⴰⵎⵓⵔ ⴷ ⵓⴳⵔⴰⵖⵍⴰⵏ ⴰⵢ ⴷ ⵉⴷⴷⴰⵏ:

1- ⴰⵙⵓⵜⴳ ⵏⵏⵙ ⵉ ⵓⵎⵙⴳⴷⴰⵍ ⴷⴰ ⵉⴹⴼⵕⵏ ⵜⴰⵍⴰⵍⵉⵜ ⵏ “ⵜⴰⴹⴰ ⵜⴰⵎⵖⵔⴰⴱⵉⵜ” ⴷ ⵓⵙⵏⵉⵎⵎⵔ ⵏⵏⵙ ⵉ ⴰⴽⴽⵯ ⵡⵉⴷ ⵉⵡⵙⵏⵉⵏ ⴳ ⵎⴰⵢⴰⵏ ⴳ ⵓⵙⵡⵉⵔ ⴰⵡⵏⴳⵉⵎ ⴷ ⵓⵏⵎⴰⵍⴰⵢ, ⴷ ⴰⵔ ⵜⴻⵜⵜⵍⴰⵖⵉ ⵉ ⵎⴰⵕⵕⴰ ⵉⵡⴷⴰⵏ ⵎⴰⵙⴷ ⴰⵙⵏⴼⴰⵕ ⵏⵏⵙ ⵢⵓⵜⵉ ⵜⵉⴳⵯⵎⴰⵏⵉⵢⵉⵏ ⵏⵏⵓⴽⵎⴰⵏⵉⵏ, ⴷ ⵉⵎⵣⴰⵔⴰⵢⵏ ⵉⴷⵢⵓⵍⵓⵊⵉⵜⵏ, ⴷ ⵉⵎⵏⵣⴰⵖⵏ ⵉⵙⵔⵜⴰⵏⵏ, ⵉⴷⴷⵖ ⴷⵉⴳⵙ ⴰⵢⵍⵍⵉ ⵜⴻⵜⵜⵍⴰⵖⵉ ⴽⵓ ⵢⴰⵜ ⴷ ⴽⵓ ⵢⴰⵏ ⵃⵎⴰ ⴰⴷ ⵎⵓⵏⵏ ⵅⴼ ⵜⴳⵯⵎⴰⵏⵉⵜ ⵜⴰⵏⴰⵎⵓⵔⵜ ⵜⴰⵎⵖⵔⵉⴱⵉⵜ ⴷ ⵓⵙⵎⵖⵔ ⵙ ⵜⵎⴰⴳⵉⵜ ⵏⵏⵙ, ⴰⵎⵎⴰⵙ ⵏⵏⵙ ⵜⴰⵎⴰⵣⵉⵖⵜ ⵜⴰⵎⴰ ⵏ ⵉⴼⵔⴷⵉⵙⵏ ⴷ ⵉⵎⵓⵖⵍⴰ ⵢⴰⴹⵏ, ⵎⵉⵏⵣⵉ ⵜⴳⴰ ⵢⴰⵜ ⵜⵎⴰⴳⵉⵜ ⵉⵙⵎⵖⵔⵏ ⵉⵙⵅ ⵏⵏⵙ, ⵜⴰⵎⵏⴰⵡⴰⵢⵜ ⵉⵏⵏⵓⵕⵥⵎⵏ ⵅⴼ ⵓⵙⵓⵜⵍ ⵏⵏⵙ ⴰⴷⵍⵙⴰⵏ ⴷ ⵓⵖⵔⵎⴰⵏ ⴰⵡⴷ ⵅⴼ ⵜⵉⴼⴼⵓⴳⵏⴰ ⴰⴽⴽⵯ.

2- ⴰⵙⵎⵖⵔ ⵏⵏⵙ ⵉ ⴰⵢⵍⵍⵉ ⵜⴳⴳ ⵜⴷⵉⴱⵍⵓⵎⴰⵙⵉⵜ ⵜⴰⵎⵖⵔⵉⴱⵉⵜ ⴳ ⵓⵙⵡⵉⵔ ⴰⴳⵔⴰⵖⵍⴰⵏ, ⴷ ⴰⵔ ⵜⴻⵜⵜⴰⵏⵏⴰⵢ ⵎⴰⵙⴷ ⴰⵎⵓⵏ ⵅⴼ ⵜⵎⵖⵔⴰⴱⵉⵜ ⴷⴰ ⵉⵙⴷⵓⵙ ⵉⵏⵉⵔ ⴰⴳⵯⵏⵙⴰⵏ, ⵉⴳ ⵢⴰⵜ ⴳ ⵜⴱⵔⵉⴷⵉⵏ ⵏ ⵓⵎⵏⴰⵍⴰ ⵏ ⵉⵏⴰⵥⴰⵕⵏ ⵉⵙⴳⴰⵡⴰⵏⵏ ⴷ ⵉⵎⴰⴹⵍⴰⵏⵏ ⴷ ⵓⵙⴷⵓⵙ ⵏ ⵡⴰⵏⵙⴰ ⵏ ⵍⵎⵖⵔⵉⴱ ⴳ ⵓⵙⵡⵉⵔ ⴰⵙⴳⴰⵡⴰⵏ ⴷ ⵓⴳⵔⴰⵖⵍⴰⵏ.

3- ⴰⵙⴷⴷⵉⴷ ⵏⵏⵙ ⵎⴰⵙⴷ ⴰⵎⵓⵏ ⵅⴼ ⵜⵎⵖⵔⵉⴱⵉⵜ ⴷ ⴰⵙⵎⵖⵔ ⵙ ⵓⵎⵣⵔⵓⵢ ⵏ ⵍⵎⵖⵔⵉⴱ ⵙ ⵜⴼⵔⴽⵉⵡⵉⵏ ⵏⵏⵙ ⴷ ⵜⵙⴳⵉⵡⵉⵏ ⵏⵏⵙ, ⴷ ⵓⴳⵍⴰ ⵏ ⵜⴰⵢⵙⵉ ⵏⵏⵙ ⵜⴰⴽⵎⴰⵎⵜ ⴷ ⵜⴰⵔⴰⴽⵎⴰⵎⵜ, ⵙ ⵓⵢⴰ ⴷⴰ ⵜⴹⴼⴼⵕ ⵜⴰⴹⴰ ⵙ ⵜⴰⵡⵉⵜ ⵜⴰⵎⵇⵔⴰⵏⵜ ⴰⵎⵙⴳⴷⴰⵍ ⵉⵍⵍⴰⵏ ⵅⴼ ⵡⴰⵏⵙⴰ ⴰⵎⵣⵔⴰⵢ “ⵉⵍⵉⵖ” ⴳ ⵜⴳⵔⴰⵡⵜ ⵏ ⵙⵉⴷⵉ ⵃⵎⴰⴷ ⵓⵎⵓⵙⴰ, ⵉⵜⵜⵓⵙⴷⵉⴷⴷⵉⵏ ⴳ ⵓⵙⵏⴼⴰⵕ ⵏ ⵓⵎⴰⵎⴽ ⵏ ⵜⵎⵔⵏⵉⵡⵜ ⵏⵏⴰ ⵜⴳⴳ ⵜⵙⵏⵓⵔⴰⵢⵜ ⵜⴰⵖⵔⵎⴰⵏⵜ. ⴷⴰ ⵜⴻⵜⵜⵍⴰⵖⵉ “ⵜⴰⴹⴰ ⵜⴰⵎⵖⵔⴰⴱⵉⵜ” ⴰⵙⵇⵇⵉⵎ ⴰⴳⵔⴰⵡⴰⵏ ⵏ “ⵙⵉⴷⵉ ⵃⵎⴰⴷ ⵓⵎⵓⵙⴰ” ⴰⴷ ⵉⴳⴳ ⴰⵙⵎⵙⴰⵙⴰ ⵏ ⵓⵙⵏⴼⴰⵕ ⵉⵜⵜⵓⵙⵏⴽⴰⴷⵏ ⴰⴽⴷ ⴰⴼⵔⴰⴳ ⵏ ⵡⴰⵏⵙⴰⵜⵏ ⴰⴽⴽⵯ ⵏ ⵜⴰⵢⵙⵉ ⵉⵎⵣⵔⴰⵢⵏ ⵏ ⵉⵍⵉⵖ ⴷ ⵓⵙⵉⴷⴼ ⵏⵏⵙ ⴳ ⵓⵙⴰⵜⵉ ⵏ ⵉⵙⵏⴼⴰⵕⵏ ⵉⵏⴳⵎⵓⵜⵏ ⵏ ⵜⴳⵔⴰⵡⵜ, ⵎⴽⵍⵍⵉ ⵜⵙⵙⵉⵎⵖⵓⵔ ⵜⴰⴷⵓⵢⵜ ⵜⴰⵏⴰⵎⵓⵔⵜ ⵏⵏⴰ ⴳⴳⵏ ⵉⵎⴰⵣⵣⴰⵍⵏ ⵓⵖⵔⵉⵎⵏ ⴷ ⵉⵎⵔⵣⵓⵜⵏ ⴰⴽⴷ ⵜⵎⵓⴳⴳⵉⵜⵉⵏ ⵜⵉⵙⵔⵜⴰⵏⵉⵏ ⴰⴽⵓⴷ ⵍⵍⵉ ⴷ ⵉⴼⴼⵖ ⵓⵍⴰⵖⵉ ⵏ ⵓⵙⵇⵇⵉⵎ ⴰⴳⵔⴰⵡⴰⵏ ⴷ ⵢⵉⵡⵉⵏ ⵜⵉⵍⵍⵉⵜ ⵏ ⵓⵙⵏⴼⴰⵕ ⴰⴷ.

4- ⴳ ⵜⵙⴳⴰ ⴰⴷ ⵏⵉⵜ, ⴷⴰ ⵜⴻⵜⵜⵖⴰⵙ “ⵜⴰⴹⴰ ⵜⴰⵎⵖⵔⴰⴱⵉⵜ” ⴳ ⵜⵖⵜⴰⵙⵜ ⵏ ⴽⵔⴰ ⵏ ⵉⵎⵙⵜⴳⴳⴰⵔⵏ ⴷ ⵢⵉⵡⵉⵏ ⴰⵙⵏⴼⵍ ⵏ ⵡⴰⵙⵙⴰⵖⵏ ⵏ ⵜⵉⵏⵎⴰⵍ ⵢⵓⵙⵉⵏⵉⵏ ⵜⴰⵎⴰⴳⵉⵜ ⵏ ⵢⵉⴳⵔ ⵏⵏⵙⵏⵜ ⴰⴷⵍⵙⴰⵏ ⴳ ⵜⵎⵏⴰⴹⵜ ⵏ ⴳⵯⵍⵎⵉⵎ ⵡⴰⴷ ⵏⵓⵏ, (ⵜⵉⵎⵎⵓⵍⴰⵢ, ⵉⴽⵉⵙⵍ ⴷ ⴰⵎⵃⵉⵔⵉⵛ), ⵎⴽⵍⵍⵉ ⵜⵜ ⵜⵙⵙⵓⵙⵎ ⵜⵉⴳⵉⵜ ⵏ ⵓⵎⴰⵡⴰⵙ ⵏ ⵓⵙⴳⵎⵉ ⴰⵏⴰⵎⵓⵔ ⴷ ⵓⵙⵉⵍⵖ ⴰⵣⵣⵓⵍⴰⵏ ⴷ ⵓⵙⵍⵎⴷ ⴰⵏⴰⴼⵍⵍⴰ ⴷ ⵓⵔⵣⵣⵓ ⴰⵎⴰⵙⵙⴰⵏ ⵍⵍⵉ ⵉⵙⴱⴷⴷⵏ ⴰⵣⵣⴳⵉⵔ ⵏ ⵜⵖⵜⴰⵙⵜ ⴰⴷ ⴹⴰⵕⵜ ⵏ ⵓⵏⵄⴰⵕ ⵏ ⵉⵎⴰⵣⵣⴰⵍⵏ ⵏ ⵡⴰⵎⵓⵏ ⵓⵖⵔⵉⵎ. ⴷ ⴰⵔ ⵜⴻⵜⵜⵍⴰⵖⵉ ⵙ ⵜⵎⵍⴷⴰ ⴰⴷ ⵎⴰⵙⴷ ⴰⵙⵓⵜⴳ ⵏ ⵜⵎⴰⴳⵉⵜ ⵜⴰⵎⵖⵔⴰⴱⵉⵜ ⴷⴰ ⵉⵙⵙⵏⵜⴰⵢ ⵙ ⵓⵙⵎⵖⵔ ⵏ ⵜⵎⴰⴳⵉⵜ ⵜⴰⴷⵖⵔⴰⵏⵜ, ⵜⴰⵏⵎⵏⴰⴹⵜ, ⴷ ⵜⵏⴰⵎⵓⵔⵜ. ⴰⴼⵔⴰⴳ ⵏ ⵡⴰⵙⵙⴰⵖⵏ ⵏ ⵉⴷⵖⴰⵔⵏ ⵉⴷⵖⵔⴰⵏⵏ, ⴷ ⵓⵙⴻⵙⵙⴰⵖ ⵏ ⵡⵉⵢⵢⴰⴹ ⵉ ⵜⵎⵔⵙⵉⵍⵉⵏ ⵜⵉⵎⴰⵢⵏⵓⵜⵉⵏ ⴷ ⵜⴰⵙⵓⵔⵉⴼⵜ ⵜⴰⴷⵙⵍⴰⵏⵜ ⵉ ⵓⵙⴷⵓⵙ ⵏ ⵓⵙⵢⴰⴼⴰ ⵙ ⵜⴳⵯⵎⴰⵏⵉⵜ ⵜⴰⵏⴰⵎⵓⵔⵜ.

5-  ⴷⴰ ⵜⴻⵜⵜⵔⴰⵔ ⵜⴰⵖⴹⴼⵜ ⵏ ⵉⵎⵙⵜⴳⴳⴰⵔⵏ ⴳ ⵉⴳⵔⴰⵏ ⴰⴽⴽⵯ ⴰⴷ ⵡⵓⵍⵓⵏ ⵡⵉⴷ ⴳⴰⵏⵉⵏ ⵓⵙⵍⵉⴳⵏ ⴳ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⵜⵉⵔⵔⴰ ⵏ ⵜⵙⴽⴽⴰⵏⵉⵏ ⴷ ⵜⴼⵉⵍⵉⵏ ⵏ ⵜⵎⵔⵙⵉⵍⵉⵏ ⵍⵍⵉ ⵙⵡⵓⴷⴷⵓⵏ, ⴰⴼⴰⴷ ⴰⴷ ⴰⵏⴼⵏ ⵉ ⵜⵣⴳⴰⵍⵉⵏ ⵏ ⵜⵉⵙⵏⵎⴰⵔⵔⴰⵜⵉⵏ ⴷ ⵜⵉⵏⵊⵕⵓⵎⵉⵏ ⴷ ⵜⵉⵏ ⵏ ⵓⵎⴰⵡⴰⵍ ⴳ ⵓⵙⵓⵖⵍ ⵙ ⵜⵎⴰⵣⵉⵖⵜ.

6- ⴰⵙⵓⵜⴳ ⵏⵏⵙ ⵉ ⵓⵙⵎⵔⵙ ⵏ ⵉⵎⵙⵜⴳⴳⴰⵔⵏ ⵏ ⵜⵔⴰⴱⴱⵓⵜ ⵏ ⵍⵃⴰⵙⴰⵏⵉⵢⴰ ⵏ ⵓⴳⴰⴷⵉⵔ ⵉⵙⴽⴽⵉⵍⵏ ⵏ ⵜⵎⴰⵣⵉⵖⵜ ⵜⵉⴼⵉⵏⴰⵖ ⴳ ⵉⵔⵉⴽⵉⵜⵏ ⵏ ⵉⵎⵓⵔⴰⵔⵏ, ⴷ ⴰⵔ ⵜⴻⵜⵜⵍⴰⵖⵉ ⵜⵉⵔⵓⴱⴱⴰ ⵢⴰⴹⵏ ⵏ ⵜⴱⵔⵣⴰ ⵜⴰⵏⴰⵎⵓⵔⵜ ⴰⴷ ⴳⴳⵏⵜ ⴰⵎ ⵎⴽⵍⵍⵉ ⵜⴳⴳ ⵜⵔⴰⴱⴱⵓⵜ ⴰⴷ, ⵉⴷⴷⵖ ⵜⴰⵎⴰⵣⵉⵖⵜ ⴷ ⵜⵓⵜⵍⴰⵢⵜ ⵜⴰⵎⴰⴷⴷⵓⴷⵜ ⵜⵉⵏ ⵉⵎⵖⵔⵉⴱⵉⵢⵏ ⵎⴰⵕⵕⴰ.

7- ⴰⵍⴰⵖⵉ ⵏⵏⵙ ⵉ ⵜⵏⵎⵓⵔⵉⵜⵉⵏ ⴷ ⵉⵏⵎⵓⵔⵉⵜⵏ ⴰⴽⴽⵯ ⴰⴷ ⵣⵎⵎⵉⵎⵏ ⵉⵅⴼⴰⵡⵏ ⵏⵏⵙⵏ ⴳ ⵜⵍⴳⴰⵎⵉⵏ ⵏ ⵓⵙⵜⴰⵢ ⵃⵎⴰ ⴰⴷ ⴳⴳⵏ ⴰⵣⵔⴼ ⵏⵏⵙⵏ ⴰⵎⵏⴹⴰⵡ ⴳ ⵜⴷⵔⴰⵡⵜ ⴳ ⵜⵓⴷⵔⵜ ⵜⴰⵙⵔⵜⴰⵏⵜ ⵙ ⵜⵖⴰⵔⴰⵙⵜ ⵏ ⵓⵙⵜⴰⵢ ⴷ ⵜⴷⵔⴰⵡⵜ ⴳ ⵜⵙⵉⵙⵜⴰⵏⵜ ⵏ ⵓⵙⵏⴼⵍ ⵏⵏⴰ ⵔⴰⵏ, ⵍⵍⵉ ⵓⵔ ⵉⵣⵎⵉⵔⵏ ⴰⴷ ⵢⵉⵍⵉ ⵖⴰⵙ ⵙ ⵉⵙⵜⴰⵢⵏ ⵓⵣⴷⵉⴳⵏ ⵉⵏⴰⴼⴰⵡⵏ, ⵎⴽⵍⵍⵉ ⵉⵍⵍⴰⵏ ⴳ ⵜⴷⵉⵎⵓⵇⵔⴰⵜⵉⵢⵉⵏ ⴰⴽⴽⵯ

ⴰⵙⵉⵔⴰ ⵏ ⵓⵣⵣⴳⵉⵔ
ⴰⵙⵍⵡⴰⵢ

Loading...