ⴰⵙⵉⵡⴹ ⵅⴼ ⵓⴳⵔⴰⵡ ⵏ ⵜⵙⵎⵣⴷⴰⵢⵜ ⵜⴰⵏⵎⵏⴰⴹⵜ ⵏ ⵓⴽⴰⴱⴰⵕ ⵏ ⵓⴳⵔⴰⵡ ⴰⵏⴰⵎⵓⵔ ⵏ ⵉⵏⵙⵉⵎⴰⵏⵏ ⴳ ⵙⵓⵙ ⵎⴰⵙⵙⴰ

ⵜⴳⴳ ⵜⵙⵎⵣⴷⴰⵢⵜ ⵜⴰⵏⵎⵏⴰⴹⵜ ⵏ ⵓⴽⴰⴱⴰⵕ ⵏ ⵓⴳⵔⴰⵡ ⴰⵏⴰⵎⵓⵔ ⵏ ⵉⵏⵙⵉⵎⴰⵏⵏ ⴳ ⵙⵓⵙ ⵎⴰⵙⵙⴰ ⴰⴳⵔⴰⵡ ⵏⵏⵙ ⴰⵣⵎⵣⴰⵏ ⴰⵙⵙ ⵏ ⵓⴽⵕⴰⵙ 11 ⵉⵏⵏⴰⵢⵔ 2023 ⵍⵍⵉ ⵉⵜⵜⵓⵥⵍⴰⵢⵏ ⵉ ⵓⵙⵉⵡⵍ ⵅⴼ ⵜⵓⴳⵜ ⵏ ⵜⵎⵙⴰⵔⵉⵏ ⵜⵉⵏⵎⵏⴰⴹⵉⵏ ⴷ ⵜⵉⵏⴽⴰⴱⴰⵕⵉⵏ.
ⵉⵙⵙⵏⵜⵉ ⵓⴳⵔⴰⵡ ⵙ ⵜⵏⴽⴷⴰ ⵏ ⵉⵙⵙⵔⵖⵓⴷⵏ ⵥⵉⵍⵏⵉⵏ ⴷ ⵉⵙⵙⵉⵜⴰⵎ ⵖⵓⴷⴰⵏⵉⵏ ⵉ ⵎⴰⵕⵕⴰ ⵉⵙⵓⵙⵉⵢⵏ ⴷ ⵜⵙⵓⵙⵉⵢⵏ ⴷ ⵓⴳⴷⵓⴷ ⴰⵎⵖⵔⵉⴱⵉ ⴰⴽⴽⵯ ⵙ ⵜⵎⵍⴷⴰ ⵏ ⵓⴽⵛⵛⵓⵎ ⵏ ⵢⵉⵅⴼ ⵏ ⵓⵙⴳⴳⵯⴰⵙ ⴰⵎⴰⵣⵉⵖ 2973 ⴷ ⵉⵙⵓⵜⴰⵔ ⵉ ⴽⵓ ⵢⴰⵜ ⴷ ⴽⵓ ⵢⴰⵏ ⴰⵙⴳⴳⵯⴰⵙ ⴰⵎⴰⵢⵏⵓ ⵉⴷⵍⵏ ⵙ ⵜⴰⵢⵔⵉ ⴷ ⵜⵓⵎⵔⵜ.
ⴷ ⵉⴱⴷⴷ ⵓⴳⵔⴰⵡ ⴳ ⵜⵉⵣⵡⵉⵔⵉ ⵅⴼ ⵜⵣⵎⵎⴰⵔ ⴷⴰ ⵜⴳⴳ ⵜⵏⴱⴰⴹⵜ ⴰⴷ ⵜⵣⵔⵉ ⵉⴷ ⴳⴰⵔ ⵏ ⵜⴰⵙⵙⴰⵙⵜ ⵏ ⴽⵓⵕⵓⵏⴰ, ⵓⵍⴰ ⴰⵙⵡⵓⵔⵉ ⵅⴼ ⵉⵙⴷⴰⵡⵏ ⵉⵎⵇⵇⵔⴰⵏ, ⵡⴰⴷ ⴳⵉⵙⵏ ⵉⵣⵡⴰⵔⵏ ⵉⵣⴷⵉ ⴷ ⵉⵙⴰⵡⵓⵔⵏ ⵏ ⵓⵙⵙⴰⵔⵓ ⴷ ⵓⵙⵙⵍⵎⴷ ⴷ ⵜⴷⵓⵙⵉ ⴷ ⵓⵙⵎⴰⵜⴰ ⵏ ⵓⴼⵔⴰⴳ ⴰⵏⴰⵎⵓⵏ ⴷ ⵡⴰⵏⵏⴰⵍ ⵏ ⵜⵎⵙⵙⵏⵜⴰⵢ ⵜⵉⵎⵥⵢⴰⵏⵉⵏ ⴷ ⵜⵏⴰⵎⵎⴰⵙⵉⵏ ⴷ ⵜⵎⵔⵙⴰⵍ ⵏ ⵜⴷⵎⵙⴰ ⵜⴰⵏⴰⵎⵓⵏⵜ ⴷ ⵜⵏⵎⵢⴰⵡⴰⵙⵜ.
ⵎⴽⵍⵍⵉ ⵉⵍⵍⴰ ⵓⵎⵙⵡⵉⵍ ⵅⴼ ⵉⵏⴰⵥⴰⵕⵏ ⴷⴰ ⵉⵥⵕⵕⴰ ⵉⴳⵔ ⴰⴽⵔⵣⴰⵏ ⴳ ⵜⵎⵏⴰⴹⵜ ⵙ ⵓⵙⵔⴰⴳ ⵏ ⵜⴷⵔⵙⵉ ⵏ ⵉⵙⵓⴳⴰⵎ ⵏ ⵡⴰⵎⴰⵏ ⴷ ⵜⴷⵔⵙⵉ ⵏ ⵓⵏⵥⴰⵕ, ⵎⵇⵇⴰⵔ ⴷ ⵜⵉⵏⴷⵉ ⵏ ⵓⵏⵥⴰⵕ ⴰⴷ ⵉⴳⴳⵯⵔⴰⵏ ⵏⵏⴰ ⴷ ⵉⵙⴷⴷⵔⵏ ⵉⵏⵓⵔⴰⵣ ⵏ ⵉⴼⵍⵍⴰⵃⵏ ⴷ ⵉⵎⵙⵡⵓⵔⵉⵢⵏ ⴳ ⵜⵎⵏⴰⴹⵜ ⵎⵇⵇⴰⵔ ⴷ ⵜⴰⴷⵔⵙⵉ ⵏ ⵉⵙⵓⴳⴰⵎ ⵏ ⵡⴰⵎⴰⵏ ⴷ ⵜⴷⵔⵙⵉ ⵏ ⵓⵏⵥⴰⵕ.
ⵎⴽⵍⵍⵉ ⵉⵙⵉⵡⵍ ⵓⴳⵔⴰⵡ ⵅⴼ ⵓⵖⵓⵍ ⵏ ⵓⵙⵙⵉⴷⵔ ⵏ ⵢⵉⴳⵔ ⴰⵎⴰⵍⵍⴰⵢ ⵙ ⵜⴰⵜⵜⵓⵢⵜ ⵏ ⵓⵟⵟⵓⵏ ⵏ ⵉⵎⴰⵍⵍⴰⵢⵏ ⴷ ⵢⵓⵙⴰⵏ ⵙ ⵜⵎⵏⴰⴹⵜ ⵏ ⵙⵓⵙ ⵎⴰⵙⵙⴰ ⵙⵍⴰⵡⴰⵏ ⴰⴽⴽⵯ ⵜⵉⵖⵔⵎⵜ ⵏ ⵓⴳⴰⴷⵉⵔ, ⵢⵉⵣⵔⵉ ⵓⵟⵟⵓⵏ ⵏⵏⵙⵏ ⴷⴰⵜ ⵏ ⵜⴰⵙⵙⴰⵙⵜ ⵏ ⴽⵓⵕⵓⵏⴰ, ⴰⵢⵍⵍⵉ ⵢⴰⴽⴽⴰⵏ ⵉⴼⵔⵉⵙⵏ ⵥⵉⵍⵏⵉⵏ ⵉ ⵓⵙⴰⵖⵓⵍ ⵏ ⵢⵉⴳⵔ ⴰⴷ ⴰⵙⵎⵔⵖⵉ ⵏⵏⵙ ⴷ ⵓⵥⵏⵥⴰⵕ ⵏⵏⵙ.
ⴳ ⵓⵙⴰⵜⵉ ⴰⴷ, ⵉⵜⵜⵡⴰⴳⴳ ⵓⵎⵙⴳⴷⴰⵍ ⴳ ⵓⵙⵡⵉⵔ ⵏ ⵜⵎⵔⵏⵉⵡⵜ ⵏ ⵓⵖⴰⵡⴰⵙ ⵏ ⵜⴳⵎⵉ ⵜⴰⵏⵎⵏⴰⴹⵜ ⵏ ⵓⵙⵇⵇⵉⵎ ⵏ ⵜⵎⵏⴰⴹⵜ ⵙⵓⵙ ⵎⴰⵙⵙⴰ, ⵏⵏⴰ ⵉⴳⴳⵏ ⵜⵓⴳⵜ ⵏ ⵉⵙⵓⵔⵉⴼⵏ ⵉⴷⵙⵍⴰⵏⵏ ⵉⴱⴷⴷⵏ ⵅⴼ ⵡⴰⵎⴰⵎⴽ ⴰⵏⵎⵏⴰⴹ ⵏ ⵓⵙⵎⴰⵔ ⵏ ⵓⴷⵖⴰⵔ, ⴷⴰ ⵉⴳⴳⵏ ⵢⴰⵜ ⵜⴳⵔⵓⵎⵎⴰ ⵏ ⵉⵙⵉⵣⵡⵉⵔⵏ ⵏⵏⴰ ⵔⴰⴷ ⵢⴰⵡⵙ ⵉ ⵜⵎⵏⴰⴹⵜ ⴳ ⵓⵙⵎⴽⵍ ⵏ ⵜⵓⴳⵜ ⵏ ⵉⵏⴰⵥⴰⵕⵏ ⵉⵙⴷⵖⵉⵜⵏ ⴰⵡⴷ ⴰⴹⴼⴼⵓⵕ ⵏ ⵓⵎⵓⵔⵙ ⵏⵏⵙ ⴳ ⵜⵓⴳⵜ ⵏ ⵉⴳⵔⴰⵏ ⵙⵍⴰⵡⴰⵏ ⴰⴽⴽⵯ ⵜⴰⴽⵔⵣⴰ ⴷ ⵜⵎⴰⵍⵍⴰⵢⵜⴷ ⵜⴳⵎⵔⵜ ⵜⴰⵢⵍⵍⴰⵏⵜ, ⴰⵡⴷ ⵉⴳⵔⴰⵏ ⵉⵎⴰⴼⴰⵢⵏ, ⴰⵎⵣⵡⴰⵔⵓ ⴳⵉⵙⵏ ⵉⴳⵔ ⵏ ⵜⵙⵎⵓⵟⵟⵓⵏⵜ ⴷ ⵜⴰⵜⵜⵉⴽⵏⵓⵍⵓⵊⵉⵜ ⵜⴰⵜⵔⴰⵔⵜ.
ⵎⴽⵍⵍⵉ ⵉⵙⵓⵜⵜⴳ ⵓⴳⵔⴰⵡ ⵜⴰⵣⵎⵔⵜ ⵏ ⵜⵓⴳⵜ ⵏ ⵜⴳⵔⴰⵡⵉⵏ ⵜⵉⵎⵓⵔⴰⵏⵉⵏ, ⵏⵏⴰ ⵉⵙⵡⵓⴷⴷⵓ ⵓⴽⴰⴱⴰⵕ ⴳ ⵓⵙⵎⵓⵜⵜⴳ ⵏ ⵉⵖⴰⵡⴰⵙⵏ ⵏⵏⵙⵏⵜ ⵜⵡⵓⵔⵉ, ⴰⵎⵣⵡⴰⵔⵓ ⴰⵖⴰⵡⴰⵙ ⴰⵎⵙⵏⴼⵍⵓⵍ ⵏ ⵜⴳⵔⴰⵡⵜ ⵏ ⵓⴳⴰⴷⵉⵔ ⵏⵏⴰ ⵉⵙⵖⵉⵡⵙⵏ ⵜⵎⵙⵉⵙⵜⴰⵍ ⵜⵜ ⵉⵏⵏ ⵊⵊⵓ ⵓⵔ ⵉⴽⴽⵉⵏ ⵉ ⵓⴹⴼⴼⵓⵕ ⵏ ⵓⵣⵣⵓⴳⵣ ⵏ ⵓⵖⴰⵡⴰⵙ ⴰⴳⵍⴷⴰⵏ ⵏ ⵜⴳⵎⵉ ⵜⴰⵖⵔⵎⴰⵏⵜ ⵏ ⵓⴳⴰⴷⵉⵔ ⴷⴰ ⵉⵍⵍⴰⵏ ⴳ ⵡⴰⴷⴷⴰⴷ ⵏ ⵓⵣⵣⵉⴳⵣ ⵏⵏⴰ ⵔⴰⴷ ⵉⴳⴳ ⴳ ⵓⴳⴰⴷⵉⵔ ⴰⵙⴼⴰⵢⵍⵓ ⴰⴷⵎⵙⴰⵏ ⵖⵓⵔ ⵜⵍⵍⴰ ⵜⵏⵏⵓⵣⵖⴰ ⴷ ⵓⵎⵣⵉⵣⵡⵔ.
ⴷ ⵙ ⵜⵎⵍⴷⴰ ⴰⴷ, ⵉⵜⵜⵡⴰⴳⴳ ⴰⵡⴷ ⴰⵙⵎⵖⵔ ⵉ ⵜⵣⵎⵎⴰⵔ ⴰⴽⴽⵯ ⵜⵉⵎⵇⵇⵔⴰⵏⵉⵏ ⵏⵏⴰ ⵜⵜⴳⴳⵏ ⵉⵏⵙⵙⵉⵅⴼⵏ ⵏ ⵜⴳⵔⴰⵡⵉⵏ ⵜⵉⵎⵓⵔⴰⵏⵉⵏ ⴷ ⵉⵎⵙⵜⵉⵢⵏ ⴷ ⵜⵎⵙⵜⵉⵢⵉⵏ ⵏ ⵉⵏⵙⵉⵎⴰⵏⵏ ⴳ ⵜⵎⵏⴰⴹⵜ ⴷ ⵜⵡⵓⵔⵉ ⵏⵏⵙⵏ ⵜⴰⵙⵓⵍⴰⵏⵜ ⵉ ⵜⵏⵓⴼⴰ ⵜⴰⵎⴰⵜⴰⵢⵜ.
ⵎⴽⵍⵍⵉ ⵙⵉⵎⵖⵓⵔⵏ ⵉⵎⵉⵍⴰⵏⵏ ⵜⴰⴷⵉⵏⴰⵎⵉⵜ ⵜⴰⵎⵙⵙⵓⴷⵙⵜ ⴷⴰ ⵜⵜⴳⵏⵜ ⵜⵎⴰⴷⴷⴰⵙⵉⵏ ⴰⴽⴽⵯ ⵏ ⵓⴽⴰⴱⴰⵕ ⴳ ⵓⵙⵡⵉⵔ ⴰⴷⵖⵔⴰⵏ ⴷ ⵓⵙⴳⴰⵡⴰⵏ ⴳ ⵓⴷⵖⴰⵔ ⵏ ⵜⵎⵏⴰⴹⵜ ⵏ ⵙⵓⵙ ⵎⴰⵙⵙⴰ. ⵉⵜⵜⵔ ⴳ ⵎⴰⵕⵕⴰ ⵜⵉⵙⵎⵣⴷⴰⵢⵉⵏ ⵜⵉⵙⴳⴰⵡⴰⵉⵏ ⴷ ⵜⴷⵖⵔⴰⵏⵉⵏ ⴷ ⵜⵎⴰⴷⴷⴰⵙⵉⵏ ⵜⵉⵎⵙⴰⴷⴰⵖⵉⵏ ⴷ ⵉⴳⵔⴰⵏ ⵉⵏⴰⵎⵓⵏⵏ ⵉⵎⵣⵣⵓⵍⴰⵏⵏ ⵉ ⵓⴹⴼⴼⵓⵕ ⵏ ⵓⵙⵎⵓⵙⵙⵓ ⴷ ⵜⵎⵓⵏⵉ ⵅⴼ ⵓⵙⵖⵏⵓ ⵏ ⵓⴽⴰⴱⴰⵕ ⴷ ⵜⵙⵏⵜⴰⵢ ⵏ ⵜⵉⴷⵜ, ⴰⵡⴷ ⵓⵔⴰⵔⵏ ⵜⵉⵍⴰⵍ ⵏⵏⵙ ⴰⵜⵜⵓⵢⵏⵉⵏ ⴳ ⵓⵎⵢⴰⵡⴰⴹ ⴰⴽⴷ ⵉⵎⵣⴷⴰⵖⵏ ⴷ ⵓⵙⵎⵓⵜⵜⴳ ⵏ ⵉⵏⵎⵓⵔⵉⵜⵏ ⴷ ⵜⵏⵎⵓⵔⵉⵜⵉⵏ, ⴷ ⵓⵙⵔⵇⴱ ⵏ ⵜⴷⵔⴰⵡⵜ ⴳ ⵜⵡⵓⵔⵉ ⵜⴰⵙⵔⵜⴰⵏⵜ ⵉⵜⵜⵓⵙⵎⴰⵢⵏⵓⵜⵏ.
ⴳ ⵓⵎⴳⴳⴰⵔⵓ, ⵉⵙⵉⵡⵍ ⵓⴳⵔⴰⵡ ⵅⴼ ⵜⵓⴳⵜ ⵏ ⵜⵎⵙⴰⵔⵉⵏ ⵜⵉⵏⴽⴰⴱⴰⵕⵉⵏ ⴷ ⵜⵉⵎⵙⵙⵓⴷⵙⵉⵏ, ⵜⵜⵡⴰⴳⴳⵏⵜ ⴰⵙ ⵜⵎⴳⴳⵉⵢⵉⵏ ⴷ ⵉⵇⵇⴰⵏ.