ⴰⵎⵟⴹⵉ: ⴰⵍⵎⵓⵇⵇⴰⵔ ⵏ ⵜⵍⵉⵍⵉⵜ ⵓⵙⵙⴰⵏ ⵏ ⵜⴼⴰⵙⴽⴰ
- ⵜⵓⵙⵙⴰⵏ ⵜⵉⵖⵔⵎⵜ ⵏ ⵓⵎⵟⴹⵉ ⴳ ⵜⴰⵙⴳⴰ ⵏ ⵓⴳⵯⵍⵎⵉⵎ ⵙ ⵜⵓⴳⴳⵜ ⵏ ⵉⵎⵖⵔⴰⵜⵏ ⴳ ⵢⵉⴳⵔ ⵏ ⵓⵎⵣⵔⵓⵢ, ⵜⴰⴷⵍⵙⴰ, ⴰⵢⴷⴰ …
ⵎⴰ ⴰⴷ ⴰ ⵅⴼ ⵏⵙⵔⵙ ⵢⴰⵜ ⵜⵙⵜⵔⴰⵜⵉⵊⵉⵢⵜ ⵏ ⵜⵡⵓⵔⵉ ⵎⵉⵏⵣⵉ ⴰⴷ ⵏⵙⴱⵓⵖⵍⵓ ⴰⵢⴷⴰ ⴰⵔⴽⵎⴰⵏ ⵓⵍⴰ ⴰⵎⴰⵜⵜⵉⵡ ⴳ ⵜⵎⴰⵣⵉⵔⵜ ⴰⴷ.
ⵙ ⵓⵙⵓⵍⴼ ⴰⴷ ⴰⵔ ⵜⵙⵏⵎⴰⵍⴰ ⵜⵎⵙⵎⵓⵏⵜ ⵜⴰⵍⵉⵍⵉⵜ ⵉ ⵜⵏⴼⴰⵍⵉⵜ ⴷ ⵓⵎⵢⴰⵡⴰⵙ ⵢⴰⵏ ⵓⵏⵎⵓⵇⵇⴰⵔ ⴳ ⵜⵍⵉⵍⵉⵜ ⵓⵙⵙⴰⵏ ⵏ ⵜⴼⴰⵙⴽⴰ.
ⴰⵏⵎⵓⵇⵇⴰⵔ ⴰⴷ ⵔⴰⴷ ⵢⵉⵍⵉ ⵙ ⵜⵏⴰⵍⵉⵜ ⵏ ⵜⵎⵏⵀⵍⴰ ⵜⴰⵙⴳⴰⵡⴰⵏⵜ ⵏ ⵉⵄⵔⵔⵉⵎⵏ ⴷ ⵜⴷⵍⵙⴰ ⴷ ⵓⵎⵙⴰⵡⴰⴹ ⵏ ⵓⴳⵯⵍⵎⵉⵎ ⵡⴰⴷⵏⵓⵏ, ⴷⴷⴰⵡ ⵏ ⵜⵎⴰⵜⴰⵔⵜ ” ⵜⵉⵥⵏⴰⴳⵉⵏ ⵏ ⵉⴼⴼⵓⵙ ⴷ ⵓⵎⵙⴰⵔⴰⵙ ⵏ ⵓⵎⴷⵢⴰ ⵏ ⵜⵏⴼⴰⵍⵉⵜ ⴰⵎⴰⵢⵏⵓ “.
ⴰⵙⵏⵜⵍ ⴰⴷ ⵉⴼⴽⴰ ⵢⴰⵙ ⵓⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵚⴹⵉⵚ ⵢⴰⵏ ⵡⴰⴷⴷⵓⵔ ⴱⴰⵀⵔⴰ ⵉⵅⴰⵜⵔⵏ, ⵙⵍⴰⵡⴰⵏ ⴰⴽⴽⵯ ⴳ ⵜⵙⴳⵉⵡⵉⵏ ⵏ ⵉⴼⴼⵓⵙ ⵏ ⵍⵎⵖⵔⵉⴱ.
ⴰⵏⵎⵓⵇⵇⴰⵔ ⴰⴷ ⵔⴰⴷ ⴳⵉⵙ ⵉⵜⵜⵓⵙⴽⴰⵔ ⵢⴰⵏ ⵉⵡⵉⵣ ⵏ ⵓⵎⴰⵔⴳ ⴷ ⵓⵃⵡⴰⵛ ⵙ ⵓⴷⵔⴰⵡ ⵏ ⵓⵎⴷⵢⴰⵣ ⴰⵅⴰⵜⴰⵔ ⵍⵃⴰⵊ ⵄⴰⴱⴷ ⵓⵟⴰⵟⴰ ⴷ ⵓⵎⴷⵢⴰⵣ ⴰⵅⴰⵜⴰⵔ ⵍⵎⵃⴼⵓⴹ ⵣⵏⵢⵓⵔ ⵓⵢⵉⴼⵔⴰⵏ ⴷ ⵜⵔⴰⴱⴱⵓⵜ ⵏ ⵓⵃⵡⴰⵛ ⵏ ⴰⵢⵜ ⵃⵔⴱⵉⵍ.
ⵎⴽⵍⵍⵉ ⵔⴰⴷ ⵜⵙⵙⵉⵎⵖⵓⵔ ⵜⵎⵙⵎⵓⵏⵜ ⴰⴷ ⵜⵓⴳⴳⵜ ⵏ ⵉⵡⴷⴰⵏ ⵍⵍⵉ ⵢⵉⵡⵙⵏ ⴳ ⵓⵏⵎⵓⵇⵇⴰⵔ ⴰⴷ ⴷ ⵓⵍⴰ ⵎⵉⴷⴷⵏ ⵍⵍⵉ ⵙⴽⵔⵏⵉⵏ ⵜⵓⴳⴳⴰⵙ ⴷ ⵜⵡⵓⵔⵉⵡⵉⵏ ⵎⵇⵇⵓⵔⵏⵉⵏ ⵅⴼ ⵜⵎⴰⵣⵉⵔⵜ ⴰⴷ.
ⴰⵙⵙ ⵏ ⵓⴽⵡⴰⵙ 20 ⵢⵓⵏⵢⵓ 2024 ⴳ ⵜⵍⵉⵍⵉⵜ ⵜⴰⵖⵉⵡⴰⵏⵜ ⵏ ⵓⵎⵟⴹⵉ ⵜⴰⵙⴳⴰ ⵏ ⵓⴳⵯⵍⵎⵉⵎ ⴳ ⵜⵉⵣⵉ ⵏ 22:00 ⵏ ⵢⵉⴹ.
التعليقات مغلقة.