الصفحة الرئيسية

ⴰⵎⵓⵙⵙⵓ  ⵏ   ⵓⴼⵔⴰⴳ  ⵏ   ⵡⴰⵏⵙⴰ  ⴰⵎⵣⵔⵓⵢⴰⵏ  ⵉⵍⵉⵖ

ⴱⵓⵎⵉⵚⵕ  ⵄⴱⴷⵍⵡⴰⵃⴷ-عبد الواحد بومصر

  ⵉⵙⴽⵔ ⵓⵍⵖⵓ ⵏ ⵓⵙⴳⴳⴷ ⵏ ⵡⴰⵎⵎⴰⵙ ⵏ ⵙⵉⴷⵉ ⵃⵎⴰⴷ ⵓⵎⵓⵙⴰ ⴷ ⵓⵙⵓⵏ ⵏ ⵉⵍⵉⵖ ⵏⵏⴰ ⵉⵡⴰⵍⴰⵏ ⵉ ⵜⵏⵉⵍⴰ ⵏ ⵜⵣⵏⵉⵜ ⴳ ⵡⴰⵙⵙ ⵏ 23 ⵢⵓⵏⵢⵓ ⴳ  ⵓⵙⴳⴳⵯⴰⵙ ⵏ 2012 ⵢⴰⵏ ⵓⵡⵏⵏⵉ ⵢⴰⵜⵜⵓⵢⵏ ⴳⵔ ⵉⵏⵎⵎⴰⵙⵙⵓⵜⵏ ⵉⵎⵣⵔⵓⵢⴰⵏⵏ ⴷ ⵉⵎⵣⴷⴰⵖ ⵏ ⵜⵎⵏⴰⴹⵜ ⴰⴷ ⴷ ⵡⵉⵏⵏⴰ ⴰⴽⴽⵯ ⵉⵙⵜⴰⵡⵀⵎⵎⴰⵏ ⵙ ⵜⴰⵢⵙⵉ ⴷ ⵓⵎⵣⵔⵓⵢ ⵏ ⵜⵖⵔⵎⵉⵏ , ⵉⵣⴹⴰⵔ ⵓⵙⵏⴼⴰⵕ ⴰⴷ ⴰⴷ ⵉⵙⴽⵔ ⵢⴰⵏ ⵓⵏⵅⵉⴱⴱⵍ ⵉ ⵉⵖⵔⵎ ⵏ ⵉⵍⵉⵖ ⴰⵎⵣⵔⵓⵢⴰⵏ  ⵏⵏⴰ ⵢⵉⵡⵙⵏ ⵙ ⵜⵓⴳⵜⵜ ⴳ ⵓⵙⴽⴽⵉⵔ ⴷ ⵓⵙⴱⵔⵣ ⵏ ⵓⵎⵣⵔⵓⵢ ⵏ ⵍⵎⵖⵔⵉⴱ ⵙⵍⴰⵡⴰⵏ ⴰⴽⴽⵯ ⴰⵎⵣⵔⵓⵢ ⵏⵏⵙ ⴰⵜⵔⴰⵔ. ⵍⵍⵉⵖ ⵓⵔⵜⴰ ⴰⴽⴽⵯ ⵜⵜⵓⵙⴽⴰ ⵜⵏⴱⴰⴹⵜ ⵏ ⵉⵄⴰⵍⴰⵡⵉⵏ, ⵢⵓⵙⵉ ⵉⵖⵔⵎ ⴰⴷ ⴰⴽⵓⴷ ⴰⵏⵏ ⵜⵉⴳⵍⴷⴰⵏⵉⵏ ⴷ ⵉⵣⵎⴰⵣ ⵉⵎⵣⵔⵓⵢⴰⵏⵏ ⵏⵏⴰ ⵉⵣⵔⵉⵏ ⴳ ⵍⵎⵖⵔⵉⴱ ⵣⵓⵏⴷ ⵉⵙⵎⵍⴰⵍⵏ, ⴷⴰⵔⵙ ⴰⵡⴷ ⵢⴰⵜ ⵜⵣⴷⴰⵢⵜ ⵉⴷⵓⵙⵏ ⴷ ⵉⵎⴰⵙⵙⴰⵏⴻⵏ ⵉⵏⵉⵎⴰⵏⵏ ⵣⵓⵏⴷ ⵙⵉⴷⵉ ⵃⵎⴰⴷ ⵓⵎⵓⵙⴰ ⴰⵊⴰⵣⵓⵍⵉ ⴰⵙⵎⵍⴰⵍ ⴰⵏⴱⴱⴰⴹ ⴼ ⵜⵣⵕⵡⴰⵍⵜ .

    ⵉⵍⴽⵎ ⵓⵏⵖⵎⵉⵙ ⴰⴷ ⴷ ⵓⵖⵉⵢⵢⵉ ⴰⴱⵕⵍⴰⵎⴰⵏ ⴰⵎⵖⵔⵉⴱⵉ, ⵍⵍⵉⵖ ⴼⵍⵍⴰⵙ ⵉⵙⴰⵡⵍ ⵢⴰⵏ ⴳ ⵉⵎⵙⵜⴳⴳⴰⵔⵏ ⵏ ⵢⴰⵏ ⵓⴽⴰⴱⴰⵔ ⴰⵎⵕⵕⵓⴽⵉ ⴳ ⵢⴰⵏ ⵓⵙⵇⵇⵙⵉ ⵉⵜⵜⵢⴰⵔⴰⵏ ⵏⵏⴰ ⵉⵜⵜⵓⴼⴽⴰⵏ ⵉ ⵓⵏⵖⵍⴰⴼ ⵏ ⵜⴷⵍⵙⴰ ⴷ ⵜⵄⵓⵔⵎⴰ ⴷ ⵜⵓⵏⵏⵓⵏⵜ, ⵍⵍⵉⵖ ⵜⴼⴽⴰ ⵜⵎⵙⵜⴳⴳⴰⵔⵜ ⵏ ⵓⴽⴰⴱⴰⵔ ⴰⵏⵏ ⴰⵡⴰⵍ ⵏⵏⵙ ⵏⵏⴰ ⵉⵍⵍⴰⵏ ⴳ ⵎⵏⵉⴷ ⵏ ⵉⵏⵎⵎⴰⵙⵙⵓⵜⵏ ⵏⵏⴰ ⵉⴳⴰⵏ ⴰⵖⵓⵢⵢⵉ ⵅⴼ ⵉⵍⵉⵖ ⴰⵎⵣⵔⵓⵢⴰⵏ , ⵜⵏⵏⴰ ⵎⴰⵙ ⵜⵓⴳⵉ ⴰⵙⵏⴼⴰⵕ ⴰⵎⴰⵢⵏⵓ ⵏ ⵜⴳⵔⴰⵡⵜ ⵏ ⵙⵉⴷⵉ ⵃⵎⴰⴷ ⵓⵎⵓⵙⴰ ⴷ ⵓⵙⵓⵏ ⵏ ⵉⵍⵉⵖ, ⵉⵖ ⵓⵔ ⵉⵍⵍⵉ ⵢⴰⵏ ⵓⵡⵇⵇⵕ ⵉ ⵉⵖⵔⵎ ⴰⴷ ⴰⵎⵣⵔⵓⵢⴰⵏ ⵏ ⵉⵍⵉⵖ ⵏⵏⴰ ⵢⵓⵜⵏ ⵙ ⵉⵥⵓⵕⴰⵏ ⵏⵏⵙ ⴳ ⵓⵎⵣⵔⵓⵢ ⵏ ⵍⵎⵖⵔⵉⴱ ⴰⵜⵔⴰⵔ .

ⵉⵏⵎⵎⴰⵙⵙⵓⵜⵏ ⴰⴽⴽⵯ ⴷ ⵉⵎⵣⵔⵓⵢⴰⵏⵏ ⵏⵏⴰ ⵉⵙⴽⵔⵏ ⴰⵖⵓⵢⵢⵉ ⵅⴼ ⵉⵍⵉⵖ ⴰⵎⵣⵔⵓⵢⴰⵏ ⵓⴳⵉⵏ ⴰⴷ ⵓⵔ ⵉⵜⵜⵡⴰⵜⵜⵓ ⵉⵍⵉⵖ ⵏⵏⴰ ⵢⵉⵡⵙⵏ ⵙ ⴽⵉⴳⴰⵏ ⴳ ⵓⵙⴽⵓ ⵏ ⵍⵎⵖⵔⵉⴱ ⴰⵜⵔⴰⵔ.

  ⵢⵉⵏⵉ ⵓⵙⵍⵎⴰⴷ ⵎⴰⵙⵙ ⵄⴱⴷⵍⵄⵣⵉⵣ ⵢⴰⵙⵉⵏ ⵏⵏⴰ ⵉⴳⴰⵏ ⴰⵙⵍⵎⴰⴷ ⴷ ⵓⵎⵔⵣⵓ ⴳ ⵓⵎⵣⵔⵓⵢ ⵏ ⵙⵓⵙ ⵎⴰⵙⵙⴷ ⵉⵍⵉⵖ ⵉⴳⴰ ⵙⴳ ⵉⵏⵙⴰⵜⵏ ⵉⵎⵣⵔⵓⵢⴰⵏⵏ ⵏⵏⴰⵙⴷ ⵉⵇⵇⴰⵏ ⴽⵓ ⵢⴰⵏ ⴳⵉⵜⵏⵖ ⴰⴷ ⵢⴰⵡⵙ ⴳ ⵓⴼⵔⴰⴳ ⵏⵏⵙ, ⵉⵙⴽⵔ ⴰⵖⵓⵢⵢⵉ ⴳ ⵉⵏⵙⴰⵜⵏ ⵏ ⵓⵎⵢⴰⵡⴰⴹ ⴰⵏⴰⵎⵓⵏ ⵎⴰⵙⴷ ⵉⵇⵇⴰⵏ ⴰⴷ ⵉⵜⵜⵓⴼⵔⴰⴳ ⵓⴷⵖⴰⵔ ⴰⴷ ⴰⵎⵣⵔⵓⵢⴰⵏ  ⵉⵍⴰⵏ ⵜⵉⵍⴰⵍⵜ ⵉⴷⵓⵙⵏ ⴳ ⵓⵙⴳⴳⴷ ⴷ ⵓⵙⴽⵓ ⵏ ⵍⵎⵖⵔⵉⴱ ⴰⵜⵔⴰⵔ.

    ⵉⵙⵓⵍ ⵓⴽⴰⵏ ⵙⵓⵍ ⵓⵎⵓⵙⵙⵓ ⴳ ⵉⵏⵙⴰⵜⵏ ⵏ ⵓⵎⵢⴰⵡⴰⴹ ⴰⵏⴰⵎⵓⵏ ⵙⴳ ⴷⴰⵔ ⵉⵎⵣⵔⵓⵢⴰⵏⵏ ⴷ ⵉⵎⵖⵏⴰⵙⵏ ⴷ ⵉⵎⵣⴷⴰⵖ ⵏ ⵉⵖⵔⵎ ⴰⴷ ⴰⵎⵣⵔⵓⵢⴰⵏ ⴰⴼⴰⴷ ⴰⴷ ⵉⵜⵜⵓⴼⵔⴰⴳ , ⴱⵉⴷⴷⵏ ⵎⵏⵉⴷ ⵏ ⵓⵙⵏⴼⴰⵔ ⵏⵏⴰ ⵔⴰⴷ ⵜⵙⴽⵔ ⵜⴳⵔⴰⵡⵜ ⵏ ⵙⵉⴷⵉ ⵃⵎⴰⴷ ⵓⵎⵓⵙⴰ ⵏⵏⴰ ⵉⵖⵉⵏ ⴰⴷ ⵉⵙⵙⵜⵓ ⵜⵉⵍⴰⵍⵜ ⵏ ⵉⵖⵔⵎ ⴰⴷ ⵙⴳ ⵓⵎⵣⵔⵓⵢ ⵏ ⵍⵎⵖⵔⵉⴱ ⵙ ⵓⵎⴰⵜⴰ .

Loading...