أخبار الأمازيغيةأخبار المجتمع

ⴱⵏ ⴽⵉⵔⴰⵏ ⴰⵔ ⵉⵙⵏⵉⵎⵎⵉⵔ ⵜⵉⵎⵙⵎⵓⵏⵉⵏ

 

                                                                                                                                                 ⵍⴰⵢⵍⴰ ⵛⴰⵔⵉⴷ

ⴰⵏⵖⵍⴰⴼ ⵏ ⵜⵏⴱⴰⴹⵜ ⴱⵏ ⴽⵉⵔⴰⵏ ⴰⵔ ⵉⵙⵏⵉⵎⵎⵉⵔ ⵜⵉⵎⵙⵎⵓⵏⵉⵏ ⴷ ⵜⵎⴰⴳⵔⴰⵡⵉⵏ ⵍⵍⵉ ⵢⵉⵡⵙⵏ ⴼⴽⵏ ⵜⴰⵏⵏⴰⵢⵉⵏ ⵏⵏⵙⵏ ⵅⴼ ⵓⵙⵃⵉⵢⵢⵍ ⵏ ⵓⵣⵔⴼ ⵏ ⵓⵙⵏⵎⴰⵍⴰ ⵏ ⵜⵎⴰⵣⵉⵖⵜ, ⵉⵙⵎⴷ ⵉⵏⵏⴰ ⵎⴰⵙ ⴷ ⵜⴰⴷⵔⴰⵡⵜ ⴰⴷ ⵜⵉⵡⵙ ⴽⵉⴳⴰⵏ ⴳ ⵓⵎⵙⴰⵡⴰⵍ ⴷ ⵓⵎⵢⴰⵏⵏⴰⵢ ⵅⴼ ⵓⵣⵔⴼ ⴰⴷ

ⵏⵙⵙⵏ ⴽⵓⵍⵍⵓ ⴰⵏⵖⵍⴰⴼ ⵓⵍⴰ ⵉⵏⴱⴷⴰⴷⵏ ⵏ ⵡⴰⵎⵓⵔ ⴰⴷ ⵎⴰⵙ ⵓⵔ ⵔⵉⵏ ⵜⴰⵎⴰⵣⵉⵖⵜ ⴰⴷ ⵜⴱⵓⵖⵍⵓ ⵜⵉⵍⵉ ⴳ ⵓⵙⵡⵉⵔ ⵎⴰⴷ ⵉⵜⵜⴰⵡⵙⵏ ⴰⴷ ⵏⵉⵏⵉ ⵉⵙ ⴷ ⵜⴰⵥⵎⵎⴰⵥⵍⵜ ⴰⴷ ⵜⴳⴰ ⵜⴰⵙⵜⵓⵜ ⵉⵙⵎⵙⵜⴰⵢⵏ ⵍⵍⵉ ⵔⴰⴷ ⵢⴰⵛⴽ ⴰⴼⴰⴷ ⴰⴷ ⵉⵎⵓⵔⵙ ⵓⴽⴰⴱⴰⵔ ⵏⵏⵙⵏ ⵙⵍⴰⵡⴰⵏ ⴰⴽⴽⵯ ⵍⵍⵉⵖ ⴳⴰⵏ ⵜⵓⴳⵜⵜ ⵏ ⵡⵉⵍⵍⵉ ⵉttⴷⵔⵓⵏ, ⴰⵡⵙⵏ ⴳ ⵓⵙⵎⵙⵜⴰⵢ ⴰⴷ ⵉⵎⴰⵣⵉⵖⵏ

ⴰⵣⵔⴼ ⵏ ⵓⵙⵏⵎⴰⵍⴰ ⵏ ⵜⵎⴰⵣⵉⵖⵜ ⵔⴰⴷ ⵉⵥⵕ ⵜⵉⴼⴰⵡⵜ ⴳ ⵉⵢⵉⵔⵏ ⴰⴷ ⴷ ⵉⴽⴽⴰⵏ ⴷⴰⵜ, ⵎⴰⵛⵛ ⵉⵙ ⵔⴰⴷ ⵉⴳ ⵉⵎⴽ ⵍⵍⵉ ⵜ ⵉⵔⴰ ⵓⵎⴰⴷⴰⵏ ⵏⵉⵖⴷ ⵉⵎⴽ ⵍⵍⵉ ⵜⵔⴰ ⵜⵏⴱⴱⴰⴹⵜ, ⵉⵙ ⵔⴰⴷ ⵉⵙⵙⴽⵔ ⵙ ⵜⵉⵏⵎⵎⴰⵍⵉⵏ ⵏ ⵉⵎⵉⵔ ⵡⵉⵙⵙ ⵙⵎⵎⵓⵙ ⴳ ⵜⵎⵏⴹⴰⵡⵜ ⵏ ⵓⵙⴳⴳⵯⴰⵙ ⵏ 2011, ⵉⴼⴽ ⵉ ⵜⵎⴰⵣⵉⵖⵜ ⴰⵜⵉⴳ ⴷ ⵉⵣⵔⴼⴰⵏ ⵏⵏⵙ ⴳ ⵉⴳⵔ ⵏ ⵓⵙⵙⵍⵎⴷ ⵓⵍⴰ ⵉⴳⵔⴰⵏ ⴰⴽⴽⵯ ⵏ ⵜⵓⴷⵔⵜ ⵍⵍⵉ ⵉⵣⴷⵉⵏ ⵙ ⵜⵓⵜⵍⴰⵢⵜ ⵏⵉⵖⴷ ⵉⵙ ⵔⴰⴷ ⵜⴰⵡⵙ ⴳ ⵓⵙⵉⵜⵜⵉ ⴷ ⵜⵎⵜⵜⴰⵏⵜ ⵏ ⵜⵎⴰⵣⵉⵖⵜ ⵙ ⵜⵖⴰⵔⴰⵙⵜ ⵢⴰⴹⵏⵉ

Show More

مقالات مرتبطة

Close